دیئے گئے لفظ پر شاعری - دوسرا دور

[محمد عبدالرؤوف]

تو اپنے ساتھ ساتھ میں پردہ نشیں کو بھی
رسوا کرے گا اے دل خانہ خراب کیا؟

لفظ:رسوا

 

[شمشاد]

مجھ کو سودائی کیا رسوا کیا
زلف پھر الجھی کی الجھی رہ گئی
(خسرو کاکوروی)

زلف

 

[محمد عبدالرؤوف]

ہم نہ چھوڑیں گے محبت تری اے زلف سیاہ
سر چڑھایا ہے تو کیا دل سے گرائیں تجھ کو

دل

 

[ڈاکٹر عظیم سہارنپوری]

کون کرتا ہے زمانے میں وفا ایک سے ایک
دل کے دو حرف ہیں وہ بھی ہیں جدا ایک سے ایک




جدا

 

[محمد عبدالرؤوف]

یہ ٹھیک ہے نہیں مرتا کوئی جدائی میں
خدا کسی کو کسی سے مگر جدا نہ کرے

خدا

 

[ڈاکٹر عظیم سہارنپوری]

آہ کیسی یہ گھٹن ہے کہ ہوا کوئی نہیں
شہر کا شہر ہے بیمار دوا کوئی نہیں
پھر سزا ملتی ہے جانب سے خدا کی اس کو
جس ستم گر کی زمانے میں سزا کوئی نہیں

عظیم

سزا

 

[محمد عبدالرؤوف]

حد چاہئے سزا میں عقوبت کے واسطے
آخر گناہ گار ہوں کافر نہیں ہوں میں

عقوبت

 

[ڈاکٹر عظیم سہارنپوری]

عقوبت ہائے فردا سے ڈرتا کیا ہے اے واعظ
یہ دنیا رفتہ رفتہ خود جہنم ہوتی جاتی ہے




جہنم

 

[محمد عبدالرؤوف]

آتشِ عشق وہ جہنم ہے
جس میں فردوس کے نظارے ہیں

فردوس

آپ جہنم سے نہ ڈرائیں آو فردوس کی بات کریں

 

[سیما علی]

واہ بہت خوب

ڈاکٹر صاحب شاید ریٹنگ غلطی سے ہوئی ہے۔

 

[سیما علی]

اگر فردوس بر روئے زمیں است
ہمیں است و ہمیں است و ہمیں است

زمین

 

[سیما علی]

اشک کے دانے زمینِ شعر میں بوتا ہوں میں
تُو بھی رو اے خاکِ دلّی! داغؔ کو روتا ہوں میں


داغ دہلوی

روتا

 

[محمد عبدالرؤوف]

نئی زمین نیا آسماں نئی دنیا
عجیب شے یہ طلسم خیال ہوتا ہے

طلسم

 

[محمد عبدالرؤوف]

راہ دور عشق میں روتا ہے کیا
آگے آگے دیکھیے ہوتا ہے کیا

لفظ وہی سابقہ طلسم

 

[سیما علی]

طلسم ٹوٹ گیا شب کا میں بھی گھر کو چلوں
رکا تھا جس کے لیے وہ بھی گھر گیا کب کا

گھر

 

[محمد عبدالرؤوف]

گھر گھر ہے سہما سہما سا جانے کیوں
گلیوں گلیوں کیوں ہے اک ڈر کا ماحول

ماحول

 

[سیما علی]

عجب تناؤ ہے ماحول میں کہیں کس سے
کہیں پہ آج کوئی حادثہ ہوا تو نہیں

حادثہ

 

[سیما علی]

حادثے شہر کا دستور بنے جاتے ہیں
اب یہاں سایۂ دیوار نہ ڈھونڈھیں کوئی

دیوار

 

[شمشاد]

دیوار کیا گری مرے خستہ مکان کی
لوگوں نے میرے صحن میں رستے بنا لیے
(سبط علی صبا)

صحن

 

[محمد عبدالرؤوف]

ساقی گھٹا ہے صحنِ چمن ہے بہار ہے
اب کارِ خیر میں تجھے کیا انتظار ہےhttps://www.rekhta.org/couplets/saa...hai-bahaar-hai-tamanna-emadi-couplets?lang=ur

لفظ : ساقی