دیئے گئے لفظ پر شاعری - دوسرا دور

[طاہر شیخ]

بکھیر دے مجھے چاروں طرف خلاؤں میں
کچھ اس طرح سے الگ کر کہ جڑ نہ پاؤں میں

محمد علوی

خلاؤں/خلا

 

[سیما علی]

بکھیر دے مجھے چاروں طرف خلاؤں میں
کچھ اس طرح سے الگ کر کہ جڑ نہ پاؤں میں

محمد علوی

خلاؤں/خلا

ذہن خالی ہے
خلا نور سے یا نغمے سے
یا نکہت گم راہ سے بھی
پر نہ ہوا
ذہن خالی ہی رہا
یہ خلا حرف تسلی سے
تبسم سے
کسی آہ سے پر نہ ہوا
اک نفی لرزش پیہم میں سہی
جہد بے کار کے ماتم میں سہی
ن م راشد

جہد

 

[طاہر شیخ]

زندگی نام ہے اک جہد مسلسل کا فنا
راہرو اور بھی تھک جاتا ہے آرام کے بعد
فنا نظامی کانپوری

راہرو

 

[سیما علی]

زندگی نام ہے اک جہد مسلسل کا فنا
راہرو اور بھی تھک جاتا ہے آرام کے بعد
فنا نظامی کانپوری

راہرو

قمر اس آبلہ پا راہرو کی بے بسی‘ توبہ
کہ منزل سامنے ہو اور سر پر شام ہوجائے
(اُستاد قمر جلالوی)
آبلہ پا

 

[طاہر شیخ]

تیرے نقش پا کی تلاش میں یہ بجا ہے آبلہ پا ہوئے
تیرے جبر سے تو نکل گئے تیری قید سے تو رہا ہوئے

نقش پا

 

[سیما علی]

تیرے نقش پا کی تلاش میں یہ بجا ہے آبلہ پا ہوئے
تیرے جبر سے تو نکل گئے تیری قید سے تو رہا ہوئے

نقش پا

روندے ہے نقش پا کی طرح خلق یاں مجھے
اے عمر رفتہ چھوڑ گئی تو کہاں مجھے
خواجہ میر درد
عمرِ رفتہ

 

[شمشاد]

چلی جاتی ہے تو اے عمر رفتہ
یہ ہم کو کس مصیبت میں پھنسا کر
جرأت قلندر بخش

مصیبت

 

[سیما علی]

چلی جاتی ہے تو اے عمر رفتہ
یہ ہم کو کس مصیبت میں پھنسا کر
جرأت قلندر بخش

مصیبت

الٰہی رحم اب کیا دیر ہے تنزیل رحمت میں
مدد فرما مدد کا وقت ہے ہم ہیں مصیبت میں

قیصر وارثی
رحمت

 

[طاہر شیخ]

داغ عصیاں تو کسی طور نہ چھپتے امجد
ڈھانپ لیتی نہ اگر چادر رحمت ہم کو

امجد اسلام امجد

عصیاں

 

[سیما علی]

عصیاں

نشورؔ آلودۂ عصیاں سہی پر کون باقی ہے
یہ باتیں راز کی ہیں قبلۂ عالم بھی پیتے ہیں
قبلہ

 

[سیما علی]

قبلہ
پائے خم پہ چاہیئے ہنگام بے خودی
رو سوئے قبلہ وقت مناجات چاہیئے
مناجات

 

[سیما علی]

مناجات

تو غزل بن کے اتر بات مکمل ہو جائے
منتظر دل کی مناجات مکمل ہو جائے
مکمل

 

[سیما علی]

مکمل ۔۔۔
اپنے احساس سے چھو کر مجھے صندل کر دو
میں کہ صدیوں سے ادھورا ہوں مکمل کر دو
صدی
صدیوں

 

[سیما علی]

صدیوں میں کوئی ایک محبت ہوتی ہے
باقی تو سب کھیل تماشا ہوتا ہے
تماشا

 

[سیما علی]

صدیوں میں کوئی ایک محبت ہوتی ہے
باقی تو سب کھیل تماشا ہوتا ہے
تماشا

ہوتا ہے یاں جہاں میں ہر روز و شب تماشا
دیکھا جو خوب تو ہے دنیا عجب تماشا

عجب

 

[سیما علی]

ہوتا ہے یاں جہاں میں ہر روز و شب تماشا
دیکھا جو خوب تو ہے دنیا عجب تماشا

عجب

عجب چراغ ہوں دن رات جلتا رہتا ہوں
میں تھک گیا ہوں ہوا سے کہو بجھائے مجھے

بجھائے

 

[سیما علی]

عجب چراغ ہوں دن رات جلتا رہتا ہوں
میں تھک گیا ہوں ہوا سے کہو بجھائے مجھے

بجھائے

عشق پر زور نہیں ہے یہ وہ آتش غالبؔ
کہ لگائے نہ لگے اور بجھائے نہ بنے
لگائے

 

[سیما علی]

عشق پر زور نہیں ہے یہ وہ آتش غالبؔ
کہ لگائے نہ لگے اور بجھائے نہ بنے
لگائے

مہندی لگائے بیٹھے ہیں کچھ اس ادا سے وہ
مٹھی میں ان کی دے دے کوئی دل نکال کے

مٹھی

 

[سیما علی]

اپنی مٹھی میں چھپا کر کسی جگنو کی طرح
ہم ترے نام کو چپکے سے پڑھا کرتے ہیں
علیناعترت

چپکے ​

 

[صریر]

اپنی مٹھی میں چھپا کر کسی جگنو کی طرح
ہم ترے نام کو چپکے سے پڑھا کرتے ہیں
علیناعترت

چپکے ​

چپکے چپکے رات دن آنسو بہانا یاد ہے
ہم کو اب تک عاشقی کا وہ زمانا یاد ہے
حسرتؔ موہانی

 یاد