دیئے گئے لفظ پر شاعری - دوسرا دور

[شمشاد]

کُوچے کو تیرے چھوڑ کے جوگی ہی بن جائیں مگر
جنگل تیرے، پربت تیرے، بستی تیری، صحرا تیرا
(ابن انشاء)


کوچہ

 

[عمر سیف]

کوچہِ عشق سے کچھ خواب اُٹھا کر لے آئے
تھے گداگر، پر تحفہِ نایاب اُٹھا کر لے آئے
اگلا حرف تحفہ

 

[چھوٹاغالبؔ]

جراحت تحفہ، الماس ارمغاں، داغِ جگر ہدیہ
مبارک باد اسدؔ، غمخوارِ جانِ درد مند آیا

قبلہ بڑے غالبؔ

اگلا لفظ : ہدیہ

 

[راجہ صاحب]

مجھے تو کوئی شعر یاد نہیں آ رہا جس میں لفظ ہدیہ آیا ہو

 

[چھوٹاغالبؔ]

نموئے جوشِ جنوں وحشیو! مبارک باد
بہار ہدیہ انظار ہوتی آتی ہے
قبلہ بڑے غالبؔ


اگلا لفظ :۔ نمو

 

[شمشاد]

تازہ ہوا کا جھونکا بنایا گیا مجھے
دنیائے بے نمو میں پھرایا گیا مجھے
(محمد وارث، رکن اردو محفل)

 

[راجہ صاحب]

انساں کو جِلا دے گئی اِحساس کی گرمی
کہنے کو تو پتھر میں بھی اِک ذوقِ نمُو ہے
نامعلوم

احساس

 

[شمشاد]

وقت کی بے چینیوں میں پر سکوں احساس ہے
اجنبی بستی میں کوئی اپنا جیسے پاس ہے
(منیر نیازی)

بستی

 

[راجہ صاحب]

تازہ ہوا کا جھونکا بنایا گیا مجھے
دنیائے بے نمو میں پھرایا گیا مجھے


(کیا یہ شعر چچا غالب کا ہی ہے؟)

جی نہیں یہ شاعر محفل محمد وارث صاحب کا کلام ہےجسے آپ یہاں دیکھ سکتے ہیں

 

[راجہ صاحب]

محترم اگلا لفظ تو آپ نے دیا ہی نہیں

اپنے احساس سے چھو کر مجھے صندل کر دو
میں کہ صدیوں سے ادھورا ہوں مکمل کر وو
وصی شاہ

صندل

 

[شمشاد]

صندل سے مہکتی ہوئی پرکیف ہوا کا
جھونکا کوئی ٹکرائے تو لگتا ہے کہ تم ہو
(جاں نثار اختر)

جھونکا

 

[راجہ صاحب]

زلف کو صندلی جھونکا جو کبھی کھولے گا
جسم ٹوٹے ہوئے پتے کی طرح ڈولے گا
فرزانہ نیناں

زلف

 

[شمشاد]

کیا کیا اُلجھتا ہے تری زلفوں کے تار سے
بخیہ طلب ہے سینہِ صد چاک شانہ کیا؟
(حیدر علی آتش)


سینہ

 

[چھوٹاغالبؔ]

کلکتے کا جو ذکر کیا تو نے ہم نشیں!
اک تیر میرے سینے میں مارا کہ ، ہائے ہائے
قبلہ بڑے غالبؔ

اگلا لفظ:۔ ذکر

 

[شمشاد]

گویا تمہاری یاد ہی میرا علاج ہے
ہوتا ہے پہروں ذکر تمہارا طبیب سے
(آغا حشر)


علاج

 

[چھوٹاغالبؔ]

لو ہم مریضَ عشق کے بیماردار ہیں
اچھا اگر نہ ہو تو ، مسیحا کا کیا علاج؟
قبلہ بڑے غالبؔ

مریض

 

[شمشاد]

مریض محبت انہی کا فسانہ سناتا رہا دم نکلتے نکلتے
مگر ذکر شام الم جب کہ آیا، چراغ سحر بجھ گیا جلتے جلتے


چراغ

 

[چھوٹاغالبؔ]

تازہ نہیں ہے نشہ فکرِ سخن مجھے
تریا کئی قدیم ہوں ، دودِ چراغ کا
قبلہ بڑے غالبؔ

تازہ

 

[شمشاد]

اگلی محبتوں نے وہ نامرادیاں دیں
تازہ رفاقتوں سے دل تھا ڈرا ڈرا سا
(فراز)

 

[راجہ صاحب]

اب معلوم نہیں فراز آپ نے شاعر کے نام طور پر لکھا تھا یا اگلے لفظ کے طور پر بحرحال میں فراز کو ہی اگلا لفظ مان رہا ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فراز کس کے ستم کا گلہ کریں کس سے
کہ بے نیاز ہوئی خلق بھی خدا کی طرح


خلق