دیئے گئے لفظ پر شاعری - دوسرا دور

[امیداورمحبت]

شام ہوتے ہی برسنے لگے کالے بادل
صبحدم لوگ دریچوں سے کھلے سر نکلے
شام

 

[شمشاد]

یہ دشتِ ہجر، یہ وحشت، یہ شام کے سائے​

خدا یہ وقت تری آنکھ کو نہ دِکھلائے​

(امجد اسلام امجد)​

​

​

وحشت​

 

[غ۔ن۔غ]

​

وقت نے کیسے چٹانوں میں دراڑیں ڈال دیں
رو دیا وہ بھی کہ جوپہلے کبھی رویا نہ تھا
پیار کے اک بول نے آنکھوں میں ساون بھر دیئے
اس طرح تو ٹوٹ کے بادل کبھی برسا نہ تھا

دراڑیں

 

[شمشاد]

​

وقت نے کیسے چٹانوں میں دراڑیں ڈال دیں

رو دیا وہ بھی کہ جوپہلے کبھی رویا نہ تھا
پیار کے اک بول نے آنکھوں میں ساون بھر دیئے
اس طرح تو ٹوٹ کے بادل کبھی برسا نہ تھا

دراڑیں

مندرجہ بالا قطعہ میں لفظ "وحشت" کہاں ہے؟

 

[غ۔ن۔غ]

یہ دشتِ ہجر، یہ وحشت، یہ شام کے سائے​

خدا یہ وقت تری آنکھ کو نہ دِکھلائے​

(امجد اسلام امجد)​

​

​

وحشت​

اب تیری یاد سے وحشت نہیں‌ہوتی مجھ کو​

زخم کھلتے ہیں اذیت نہیں ہوتی مجھ کو​

اذیت

 

[غ۔ن۔غ]

مندرجہ بالا قطعہ میں لفظ "وحشت" کہاں ہے؟

یہ تو بادل والے شعر کی ریپلائی تھی ناں بس ذرا دیر ہوگئی پوسٹ کرتے کرتے
وحشت پہ بھی شعر پوسٹ کر دیا جناب

 

[شمشاد]

تجھے خبر نہیں شاید کہ ہم وہاں ہیں جہاں​

یہ فن نہیں اذیت ہے زندگی بھر کی​

​

یہاں گلوئے جنوں پر کمند پڑتی ہے​

یہاں قلم کی زباں پر ہے نوک خنجر کی​

(فراز)​

​

زندگی​

 

[امیداورمحبت]

میں زندگی کی دعا مانگنے لگا ہوں بہت
جو ہوسکے تو دعاؤں کو بےاثر کردے ۔۔۔۔۔۔۔۔۔۔

دعا

 

[چھوٹاغالبؔ]

ہوتی نہیں قبول دعا ترکِ عشق کی
دل چاہتا نہ ہو، تو دعا میں اثر کہاں
(مولانا حالی)

قبول

 

[شمشاد]

ہم دعا لکھتے رہے وہ دغا پڑھتے رہے
اک نقطے نے ہم کو محرم سے مجرم کر دیا


محرم

 

[سارہ خان]

کنارہ دوسرے دریا کا جیسے
وہ ساتھی ہے مگر محرم نہیں ہے۔۔

کنارہ

 

[شمشاد]

​

دور تک نیلا سمندر دیکھ کر​

میں نے کشتی میں کنارہ رکھ دیا
منصور آفاق


کشتی

 

[امیداورمحبت]

کشتی جاں تو بھنور میں ہے کئی برسوں سے
اے خدا اب تو ڈبو دے یا کنارا لادے ۔۔۔۔۔۔۔۔۔۔۔۔۔۔۔۔۔۔۔۔۔

بھنور

 

[شمشاد]

جسے اپنا یار کہنا اسے چھوڑنا بھنور میں!
یہ حدیثِ دلبراں ہے یہ کمالِ دلبری ہے
(ساغر صدیقی)

دلبر

 

[سارہ خان]

اب یہ سوچوں تو بھنور ذہن میں پڑ جاتے ہیں
کیسے چہرے ہیں جو ملتے ہی بچھڑ جاتے ہیں
محسن نقوی

چہرے

 

[شمشاد]

تري نظر ہي نہيں حرف آشنا ورنہ
ہر ايک چہرہ يہاں پر کتاب جيسا ہے
(محسن نقوی)

کتاب

 

[امیداورمحبت]

گئی رتوں میں حسن ہمارا بس ایک ہی تو یہ مشغلہ تھا
کسی کے چہرے کو صبح کہنا کسی کی زلفوں کو شام لکھنا

مشغلہ

 

[شمشاد]

نہ جانے رات کو کیا میکدے میں مشغلہ تھا
کہ ہر نفس میں قیامت کا جوش و ولولہ تھا
(جوش)

قیامت

 

[چھوٹاغالبؔ]

ذکر چھڑ گیا جب بھی قیامت کا
بات پہنچی تیری جوانی تک

جوانی

 

[شمشاد]

ہر ستمگر کو یہ ہمدرد سمجھ لیتی ہے
کتنی خوش فہم ہے کمبخت جوانی اپنی
(محسن نقوی)

ستمگر