دیئے گئے لفظ پر شاعری - دوسرا دور

[نیرنگ خیال]

آپکا اعتبار کون کرے
روز کا انتظار کون کرے

اگلا لفظ
کون

 

[شمشاد]

یہ دو کنارے تو دریا کے ہو گئے ، ہم تم!

مگر وہ کون ہے جو تیسرا کنارا ہے​

امجد اسلام امجد​

​

کنارا​

 

[عمر سیف]

باتوں باتوں میں بچھڑنے کا اشارہ کر کے
خود بھی رویا وہ بہت ہم سے کنارا کر کے
ایک ہی شہر میں رہنا ہے مگر ملنا نہیں
دیکھتے ہیں یہ ازیت بھی گوارا کر کے

اشارہ

 

[نیرنگ خیال]

دیکھ ہی لیں گے اشارہ سرمحفل جو کیا
دیکھنے والے قیامت کی نظر رکھتے ہیں

نظر

 

[شمشاد]

آئے نظر جو روحِ مناظر بنا ہوا​

ہو گا کسی کے ہاتھ سے آخر بنا ہوا
(منصور آفاق)


روح

 

[عمر سیف]

وجود اپنا، نہ روح اپنی
بس اک تماشہ یہ روح ٹھہری

تماشہ

 

[شمشاد]

ہم تو اس کھیل کا حصہ تھے ازل سے شاید​

سو تماشہ جو نہ بنتے تو تماشہ کرتے
(فاخرہ بتول)


کھیل

 

[احمد بلال]

وہ تیرے نصیب کی بارشیں کسی اور چھت پہ برس گئیں
دلِ بے خبر میری بات سُن، اسے بھول جا ، اسے بھول جا
-امجد اسلام امجد

چھت

مجھے یہ مکمل غزل چاہیئے اگر کسی کے پاس ہو تو شیئر کر دے۔ محمد وارث ، مزمل شیخ بسمل ، محمد بلال اعظم

 

[احمد بلال]

قطرے میں دجلہ دکھائی نہ دے اور جزو میں کل
کھیل لڑکوں کا ہوا دیدہءِ بینا نہ ہوا (غالب)

دیدہءِ بینا

 

[محمد وارث]

مجھے یہ مکمل غزل چاہیئے اگر کسی کے پاس ہو تو شیئر کر دے۔ محمد وارث ، مزمل شیخ بسمل ، محمد بلال اعظم

جی اس غزل کا مطلع ہے

کہاں آ کے رکنے تھے راستے تھے، کہاں موڑ تھا اسے بھول جا
۔۔۔۔۔۔۔۔۔

آپ گوگل کر لیں تو انشاءاللہ مکمل غزل بھی مل ہی جائے گی۔ اسے غلام علی نے گایا بھی ہے۔

 

[اسلام الدین اسلام]

میں اس سلسلے کا حصہ تو نہیں لیکن آپ کے شعر سے اقبا ل کا شعر یاد آیا

دل بینا بھی کر خُدا سے طلب
آنکھ کا نُور دل کا نُور

 

[احمد بلال]

جی اس غزل کا مطلع ہے

کہاں آ کے رکنے تھے راستے تھے، کہاں موڑ تھا اسے بھول جا
۔۔۔ ۔۔۔ ۔۔۔

آپ گوگل کر لیں تو انشاءاللہ مکمل غزل بھی مل ہی جائے گی۔ اسے غلام علی نے گایا بھی ہے۔

مل گئی ہے۔

 

[شمشاد]

دیدہ بینا تو نہیں ملا، دیدہ پر ہی شعر دے رہا ہوں۔

نصب کریں محرابِ تمنّا، دیدہ و دل کو فرش کریں
سُنتے ہیں وہ کُوئے وفا میں آج کریں گے نزول میاں
(ابن انشاء)

 

[احمد بلال]

چلیں ہم خود عرض کیے دیتے ہیں

محفلِ نظمِ حکومت چہرہء زیبائے قوم
شاعرِ رنگیں نوا ہے دیدہء بینائے قوم (اقبال)

رنگین

 

[احمد بلال]

آنکھ کا نور دل کا نور نہیں

 

[شمشاد]

جبیں رنگینیء قُدرت کا نقشہ​

تو قد رعنائی فطرت کی پرواز
(صامت شامی)


فطرت

 

[نیرنگ خیال]

فطرت کے مقاصد کی کرتا ہے نگہبانی
یا بندہ صحرائی یا مرد کوہستانی

صحرا

 

[شمشاد]

کُوچے کو تیرے چھوڑ کے جوگی ہی بن جائیں مگر​

جنگل تیرے، پربت تیرے، بستی تیری، صحرا تیرا
(ابن انشاء)


جنگل

 

[غ۔ن۔غ]

تری چاہت کے بھیگے جنگلوں میں
مرا تن مور بن کر ناچتا ہے

چاہت

 

[شمشاد]

کُچھ حال کے اندھے ساتھی تھے کُچھ ماضی کے عیّار سجن
احباب کی چاہت کیا کہیے کچھ یاد رہی کچھ بھول گئے
(ساغر صدیقی)

سجن