دیئے گئے لفظ پر شاعری - دوسرا دور

[غ۔ن۔غ]

پتی پتی پھول ہوا میں بکھر گئے تھے
اور زمیں پہ جھلسی ہوئی پہچان پڑی تھی
(فاضل جمیلی)

پھول

پھول تھے رنگ تھے لمحوں کی صباحت ہم تھے
ایسے زندہ تھے کہ جینے کی علامت ہم تھے

اعتبار ساجد

اگلا لفظ : صباحت

 

[عمر سیف]

ایڈا اوکھا لفظ ۔۔۔

 

[مہدی نقوی حجاز]

پھول تھے رنگ تھے لمحوں کی صباحت ہم تھے
ایسے زندہ تھے کہ جینے کی علامت ہم تھے

اعتبار ساجد

اگلا لفظ : صباحت

لوگ کہتے ہیں، وہ کہتے ہیں تو آتا ہے نشہ
کیا عجب باتوں میں ان کی ہے صباحت گویا
حجاز

 

[غ۔ن۔غ]

ایڈا اوکھا لفظ ۔۔۔

لیجئے عمر سیف بھائی لفظ صباحت سے شعر حاضر ہے ۔ ۔ ۔ ۔

تیرے چہرے کی صباحت پہ اداسی کیسی
تیری جاگی ہوئی آنکھوں کو شکایت کیا ہے
شورش کاشمیری

اگلا لفظ : شکایت

 

[عمر سیف]

میں کھانا کھا لوں پھر کھیلتا ہون ۔۔

 

[شمشاد]

کس سے محرومئ قسمت کی شکایت کیجیے
ہم نے چاہا تھا کہ مر جائیں، سو وہ بھی نہ ہوا
(چچا)

قسمت

 

[سید شہزاد ناصر]

یہ نہ تھی ہماری قسمت کہ وصال یار ہوتا
اگر اور جیتے رہتے، یہی انتظار ہوتا

 

[شمشاد]

آپ نے اگلا لفظ نہیں دیا، سو خود ہی "وصال" کا چناؤ کر لیا۔

اس کے وصال کے لئے، اپنے کمال کے لئے
حالتِ دل، کہ تھی خراب ،اور خراب کی گئی
(جون ایلیا)

خراب

 

[عمر سیف]

وہ کون تھا جو خرابات میں خراب نہ تھا
ہم آج پیر ہوئے کیا کبھی شباب نہ تھا

امیر مینائی

پیر

 

[شمشاد]

پیری میں جواں ہوگئے ہم
جب صبح ہوئی تو سوگئے ہم
(داغ دہلوی)

صبح

 

[سید شہزاد ناصر]

کاؤِ کاؤِ سخت جانی ہائے تنہائی نہ پوچھ
صبح کرنا شام کا ہے لانا جوئے شیر کا
غالب
تنہائی

 

[شمشاد]

ابھی ابھی مری تنہائیوں نے مجھ سے کہا
کوئی سنبھال لو مجھ کو ، کوئی کہے مجھ سے
(مصطفی زیدی)

سنبھال

 

[سید شہزاد ناصر]

دیکھ اے دشت جنوں بھید نہ کھلنے پائے
ڈھونڈنے آئے ہیں گھر کے در و دیوار مجھے
جنس ویرانیِ صحرا مری دوکان میں ہے
کیا خریدے گا ترے شہر کا بازار مجے
ناوک ظلم اُٹھا دشنہِ اندوہ سنبھال
لطف کے بے نام خنجر سے مت مار مجھے
خنجر

 

[شمشاد]

تجھے خبر نہیں شاید کہ ہم وہاں ہیں جہاں
یہ فن نہیں اذیت ہے زندگی بھر کی

یہاں گلوئے جنوں پر کمند پڑتی ہے
یہاں قلم کی زباں پر ہے نوک خنجر کی
(احمد فراز)

 

[خالد محمود چوہدری]

زندگی دردِ سر ہوئی حاتم
کب ملے گا مجھے پیا میرا

اگلا لفظ تو تھا نہیں خود ہی زندگی چن لیا

(درد)

 

[شمشاد]

زندگی دردِ سر ہوئی حاتم
کب ملے گا مجھے پیا میرا

اگلا لفظ تو تھا نہیں خود ہی زندگی چن لیا
(درد)

بہت اچھا کیا چوہدری صاحب۔ اصل میں اصول بھی یہی ہے۔
--------------------------------------------------------------------------------------------------------------------------
مرے ہم نفس، مرے ہم نوا، مجھے دوست بن کے دغا نہ دے
میں ہوں دردِ عشق سے جاں بلب مجھے زندگی کی دُعا نہ دے
(شکیل بدایونی)

دغا

 

[خالد محمود چوہدری]

بے شک وعدہ وفا نہ کیجئے
ہو سکے تواتنا، دغا نہ کیجئے
خواہش ہے اک معصوم سی
ایسی نظروں سے بس، دیکھا نہ کیجئے

(بتا نہیں سکتے کس کا شعر ہے نامعلوم ہی سمجھئے)

اگلا لفظ ہے معصوم

 

[شمشاد]

زعمِ عقل و فہم اِک نادانئ معصوم ہے
اے گرفتارِ فریبِ ہوش، اے دل! دیکھ کر
(سید عبدالحمید عدمؔ)

گرفتار

 

[ماہی احمد]

دامِ خوشبو میں گرفتار صبا ہے کب سے
لفظ اظہار کی اُلجھن میں پڑا ہے کب سے
(امجد اسلام امجد)

اُلجھن

 

[خالد محمود چوہدری]

زعمِ عقل و فہم اِک نادانئ معصوم ہے
اے گرفتارِ فریبِ ہوش، اے دل! دیکھ کر
(سید عبدالحمید عدمؔ)

گرفتار

جس دن سے کہ ہم خستہ گرفتارِ بلا ہیں
کپڑوں میں جوئیں بخئے کے ٹانکوں سے سوا ہی

(مرزا اسد اللہ غالب)