دیئے گئے لفظ پر شاعری - دوسرا دور

[ماہی احمد]

چاند پر اِک مے کدہ آباد ہونا چاہیے
یا محبت کو یہیں آزاد ہونا چاہیے
شہزاد قیس

 

[شمشاد]

اگلا لفظ بھی تو دینا تھا۔
---------------------------------------------

سنا ہے رات اسے چاند تکتا رہتا ہے
ستارے بام فلک سے اتر کے دیکھتے ہیں(فراز)

فلک

 

[ماہی احمد]

اگلا لفظ بھی تو دینا تھا۔
---------------------------------------------

سنا ہے رات اسے چاند تکتا رہتا ہے
ستارے بام فلک سے اتر کے دیکھتے ہیں(فراز)

فلک

بندہ بھول بھی تو جاتا ہی ہے جی

بھلا گردش فلک کی چین دیتی ہے کسے انشا
غنیمت ہے کہ ہم صورت یہاں دو چار بیٹھے ہیں
(انشاء اللہ خان انشاء)

ہم صورت

 

[ساقی۔]

ہم صورتِ حالات سے آگے نہ جا سکے
گویا کہ اپنی ذات سے آگے نہ جاسکے

غالب ۔

حالات

 

[ماہی احمد]

ہم کو تو گردش حالات پہ رونا آیا
رونے والے تجھے کس بات پہ رونا آیا

بات

 

[احمد بلال]

عشق میں غیرتِ جذبات نے رونے نہ دیا
ورنہ کیا بات تھی ، کس بات نے رونے نہ دیا

غیرت

 

[سید فصیح احمد]

عشق میں غیرتِ جذبات نے رونے نہ دیا
ورنہ کیا بات تھی ، کس بات نے رونے نہ دیا

غیرت

بے پردہ نظر آئیں جو کل چند بیبیاں
اکبر زمیں میں غیرت قومی سے گڑ گیا

پردہ

 

[شمشاد]

بندہ بھول بھی تو جاتا ہی ہے جی

اسی لیے کہتا ہوں سارے پیسے نوٹس کی تیاری میں خرچ نہ کیا کرو۔ کچھ پیسے بچا کر ان کے بادام خرید کر کھا لیا کرو۔
-------------------------------------------------------------------------------------------------------------

ہم بھي وہيں موجود تھے ہم سے بھي سب پوچھا کيے
ہم ہنس دئيے ہم چپ رہے، منظور تھا پردہ تيرا
(ابن انشاء)

منظور

 

[سید فصیح احمد]

اسی لیے کہتا ہوں سارے پیسے نوٹس کی تیاری میں خرچ نہ کیا کرو۔ کچھ پیسے بچا کر ان کے بادام خرید کر کھا لیا کرو۔
-------------------------------------------------------------------------------------------------------------

ہم بھي وہيں موجود تھے ہم سے بھي سب پوچھا کيے
ہم ہنس دئيے ہم چپ رہے، منظور تھا پردہ تيرا
(ابن انشاء)

منظور

چاک ہو پردۂ وحشت مجھے منظور نہیں
ورنہ یہ ہاتھ گریباں سے کچھ دور نہیں
(داغ دہلوی)

وحشت

 

[شمشاد]

وحشت کا عنوان ہماری، ان میں سے جو نام بنی
دیکھیں گے تو لوگ کہیں گے، انشاء جی دیوانے تھے
(ابن انشاء)


دیوانہ / دیوانے

 

[سید فصیح احمد]

صبح بخیر دوستو !

شہر جنوں میں دیوانے تو اور بھی تھے اے یادؔ مگر
آئے ہماری سمت ہی پتھر خوب ہمیں پہچانے لوگ
(یاد صدیقیؔ)

جنوں

 

[شمشاد]

ڈر ہے مجھے جنون نہ ہو جائے
ہو جائے جنوں تو پوچھیو مت
(جون ایلیا)

ڈر

 

[سید فصیح احمد]

خموشی کے ہیں آنگن اور سنّاٹے کی دیواریں
یہ کیسے لوگ ہیں، جِن کو گھروں سے ڈر نہیں لگتا
( سلیم احمد )

سناٹے/ سناٹا

 

[شمشاد]

اسی خاطر مرے چاروں طرف پھیلا ہے سناٹا
کہیں میں اپنے لفظوں کے معانی چھوڑ آیا ہوں
(ندیم بھابھہ)

لفظ / لفظوں

 

[سید فصیح احمد]

اسی خاطر مرے چاروں طرف پھیلا ہے سناٹا
کہیں میں اپنے لفظوں کے معانی چھوڑ آیا ہوں
(ندیم بھابھہ)

لفظ / لفظوں

واہ محترم شمشاد بھائی واہ سلامتی ہو !

حُسن والے وہ کام کرتے ہیں
لفظ جھک کر سلام کرتے ہیں
( قیس )

حُسن

 

[شمشاد]

ہے جوشِ گریہ، موجِ تبسّم سے ہم کنار
ہوتے ہیں حسن و عشق مقابل جگہ جگہ
(صوفی تبسّم)

تبسم

 

[احمد بلال]

کہا میں نے کتنا ہے گل کو ثبات
کلی نے یہ سن کر تبسم کیا

ثبات

 

[عینی مروت]

نہیں ثبات بلندی عز و شاں کے لئے
کہ ساتھ اوج کے پستی ہے آسماں کے لئے

(ابراہیم ذوق)

اوج

 

[شمشاد]

جو خاک پر ہیں اُن کو تو دیتی ہے اوجِ عرش
عرش پر ہیں اُن کو گراتی ہے زندگی
(جلیل مانکپوری)

خاک

 

[عینی مروت]

مرے خاک و خوں سے تو نے یہ جہاں کیا ہے پیدا
صلۂ شہید کیا ہے؟ تب و تاب جاودانہ

(علامہ اقبال)

شہید