دیئے گئے لفظ پر شاعری - دوسرا دور

[اوشو]

حُسن کے ہم ہلاکِ دید بھی ہیں
یعنی شاہد بھی ہیں، شہید بھی ہیں

حسرت موہانی

یعنی

 

[شمشاد]

غسل میت کو شہیدوں کو ترے کیا حاجت
بے نہائے بھی نکھرتے ہیں نکھرنے والے
(داغ دہلوی)

میت

 

[شمشاد]

حُسن کے ہم ہلاکِ دید بھی ہیں
یعنی شاہد بھی ہیں، شہید بھی ہیں

حسرت موہانی

یعنی

میرے ہر درد کو اس نے اَبَدیّت دے دی
یعنی کیا کچھ نہ دیا مجھ کو خدا نے میرے
(احمد ندیم قاسمی)

 

[اوشو]

غسل میت کو شہیدوں کو ترے کیا حاجت
بے نہائے بھی نکھرتے ہیں نکھرنے والے
(داغ دہلوی)

میت

جاتی ہوئی میت دیکھ کے بھی اللہ تم اٹھ کر آ نا سکے
دو چار قدم تو دشمن بھی تکلیف گوارا کرتے ہیں

استاد قمر جلالوی

گوارا

 

[شمشاد]

سر یہ کہتا ہے گوارا نہیں اب بارش سنگ
دل یہ کہتا ہے اسی کوچے میں جایا جائے
(گوپال متل)

کوچہ

 

[اوشو]

کوچے کو تیرے چھوڑ کر جوگی ہی بن جائیں مگر
جنگل تیرے ، پربت تیرے ، بستی تیری ، صحرا تیرا
ابنِ انشاء

پربت

 

[شمشاد]

بانبی ناگن، چھایا آنگن، گنگھرو چھن چھن، آشا من
آنکھیں کاجل، پربت بادل، وہ زلفیں اور یہ بازو
(جاوید اختر)

ناگن

 

[غ۔ن۔غ]

لاکھ غم سینے سے لپٹے رہے ناگن کی طرح
پیار سچا تھا مہکتا رہا چندن کی طرح
کرشن بہاری نور

اگلا لفظ " چندن "

 

[شمشاد]

آنکھ میں مستی مدار جیسی اور بدن ہے چندن سا
دیکھ کے سندر روپ کسی کا آنکھوں کو حیرانی ہے
(کیف عظیم آبادی)

مستی

 

[غ۔ن۔غ]

نگاہ عشق و مستی ميں وہی اول ، وہی آخر
وہی قرآں ، وہی فرقاں ، وہی يسيں ، وہی طہٰ

اگلا لفظ "نگاہ"

 

[شمشاد]

جادو عجب نگاہِ خریدارِ دل میں تھا
بِکتا ہے ساتھ، بیچنے والا بھی مال کے
(علامہ محمد اقبال)

خریدار

 

[غ۔ن۔غ]

یہ سوچ کر کہ غم کے خریدار آگئے
ہم خواب بیچنے سرِ بازار آگئے

(احمد فراز)

سرِ بازار

 

[شمشاد]

خریداروں کی آنکھوں سے تاسف کیوں چمکتا ہے
سرِبازار ، قیمت آشنا سے بات کرتے ہیں
(محسن چنگیزی)

قیمت

 

[غ۔ن۔غ]

عہدِ حاضر میں تو پندار کی قیمت ہی نہیں
کوئی تیشہ نہ اٹھا، کاسہ اٹھا لے تو بھی
(نوشی گیلانی)

تیشہ

 

[شمشاد]

زندگانی کی حقیقت کوہ کن کے دل سے پوچھ
جوئے شیر و تیشہ و سنگِ گراں ہے زندگی
(علامہ محمد اقبال)


حقیقت

 

[ساقی۔]

کچھ حقیقت نہ پوچھ کیا ہے عشق۔۔۔۔!!
حق اگر سمجھو تو خدا ہے عشق۔۔۔

عشق

 

[شمشاد]

ہاتھوں سے‌تیرے مرنے میں ہے اک فضیلت
اے عشق! رگ جاں میں اتر کیوں نہیں جاتا
(ساغر نظامی)

ہاتھ

 

[اوشو]

دنیا عجب بازار ہے ، کچھ جنس یاں کی ساتھ لے
کیا خوب سودا نقد ہے ، اس ہاتھ دے اُس ہاتھ لے

۔۔۔۔۔۔۔۔۔۔۔۔۔

جنس

 

[شمشاد]

کہاں قدر ہم جنس ، ہم جنس کو ہے
فرشتوں کو بھی آدمی جانتے ہیں
(داغ دہلوی)

فرشتہ/فرشتے

 

[ماہی احمد]

فرشتے سے بہتر ہے انسان بننا
مگر اس میں لگتی ہے محنت زیادہ