دیئے گئے لفظ پر شاعری - دوسرا دور

[نوید رزاق بٹ]

تری بندہ پروری سے مرے دن گزر رہے ہیں
نہ گلہ ہے دوستوں کا، نہ شکایتِ زمانہ

(اقبال)

زمانہ

 

[شمشاد]

زندہ رہنے کی ہو نیّت تو شکایت کیسی
میرے لب پر جو گِلے ہیں وہ بہانے میرے
(احمد ندیم قاسمی)


لب

 

[نوید رزاق بٹ]

مر گیا صدمہء یک جنبشِ لب سے غالب
نا توانی سے حریفِ دمِ عیسی نہ ہوا
- غالب

ناتوانی

 

[شمشاد]

ناتواں ایسا کیا ہے خوف نے صیاد کے
واسطے میرے رگِ گل کا نشیمن بن گیا
(داغ دہلوی)

خوف

 

[شمشاد]

ادھر کوئی نہیں آ رہا تو میں خود ہی اس کھیل کو آگے بڑھا دیتا ہوں۔

مرے گھر سے دور ہیں راحتیں، مجھے ڈھونڈتی ہیں مصیبتیں
مجھ خوف یہ کہ مرا پتہ کوئی گردشوں کو بتا نہ دے(شکیل بدایونی)

مصیبت

 

[مزمل حسین]

آج مشکل تھا سنبھلنا اے دوست!
تو مصیبت میں عجب یاد آیا

عجب

 

[شمشاد]

نجیبوں کا عجب کچھ حال ہے اس دور میں یارو
جہاں پوچھو یہی کہتے ہیں ہم بیکار بیٹھے ہیں(انشاء اللہ انشاء)

بیکار

 

[نوید رزاق بٹ]

کہا اُس نے کہ آخر کِس لیے بیکار لکھتے ہیں؟
یہ شاعر لوگ کیوں اِتنے دُکھی اشعار لکھتے ہیں
- اعتبار ساجد

دُکھی

 

[شمشاد]

میں نہیں ہوں نغمۂ جاں فزا، مجھے سن کے کوئی کرے گا کیا
میں بڑے بروگ کی ہوں صدا، میں بڑے دکھی کی پکار ہوں
(مضطر خیر آبادی)

نغمہ

 

[نوید رزاق بٹ]

نغمہ ہائے غم کو ہی اے دل غنیمت جانیے
بے صدا ہو جائے گا یہ سازِ ہستی ایک دن
(غالب)

غنیمت

 

[ماہی احمد]

غنیمت ہے جو ہنس کے بات کر لیں
ہمیں مت چھیڑیئے ہم سر پھرے ہیں

سر پھرے

 

[شمشاد]

جو سانس گزر جائے حزیں جان غنیمت
یہ دورِ زبوں ایک فتیلے کی طرح ہے
(حزیں صدیقی)

سانس

 

[شمشاد]

غنیمت ہے جو ہنس کے بات کر لیں
ہمیں مت چھیڑیئے ہم سر پھرے ہیں
سر پھرے

سر تو نہیں ہے، پھرے پر گزارہ کر لیں
------------------------------------------------------
جب دہر کے غم سے اماں نہ ملی، ہم لوگوں نے عشق ایجاد کیا
کبھی شہرِ بتاں میں خراب پھرے، کبھی دشتِ جنوں آباد کیا
(ابن انشاء)

 

[ماہی احمد]

سر تو نہیں ہے، پھرے پر گزارہ کر لیں
------------------------------------------------------
جب دہر کے غم سے اماں نہ ملی، ہم لوگوں نے عشق ایجاد کیا
کبھی شہرِ بتاں میں خراب پھرے، کبھی دشتِ جنوں آباد کیا
(ابن انشاء)

نہ جی
سر پھرے ہی چاہیئں۔۔۔

 

[نوید رزاق بٹ]

نہ جی
سر پھرے ہی چاہیئں۔۔۔

بڑی سرپھری سی ہوا چلے کہیں شام ِ دشت خیال میں
مرے راکھ راکھ سے جسم کو کوئی ریت پر نہ لکھا کرے
(منصور آفاق)

ریت

 

[ماہی احمد]

بڑی سرپھری سی ہوا چلے کہیں شام ِ دشت خیال میں
مرے راکھ راکھ سے جسم کو کوئی ریت پر نہ لکھا کرے
(منصور آفاق)

ریت

یہ ہونی نا بات!

 

[نوید رزاق بٹ]

یہ ہونی نا بات!

بہت کڑا نظام ہے جی

مَیں جو اُس کے قدموں میں ریت سا بکھر جاتا
چاند سا بدن اُس کا اور بھی نکھر جاتا
(ماجد صدیقی)

ریت

 

[ماہی احمد]

بہت کڑا نظام ہے جی

مَیں جو اُس کے قدموں میں ریت سا بکھر جاتا
چاند سا بدن اُس کا اور بھی نکھر جاتا
(ماجد صدیقی)

ریت

دیکھیں کڑے نظام کو سہل کرنے والے بھی ہر جگہ ہوتے ہیں

بڑی سرپھری سی ہوا چلے کہیں شام ِ دشت خیال میں
مرے راکھ راکھ سے جسم کو کوئی ریت پر نہ لکھا کرے
(منصور آفاق)

دشت

 

[شمشاد]

سنا ہے حشر ہیں‌اس کی غزال سی آنکھیں
سنا ہے اس کو ہرن دشت بھر کے دیکھتے ہیں(احمد فراز)

حشر

 

[شمشاد]

بہت کڑا نظام ہے جی

کڑے نظام کو سہل میں بدلنا چاہیے ناں تاکہ کھیل بھی چلتا رہے اور شعری ذوق کی تسکین بھی ہوتی رہے۔ ایسا نہ ہو کہ مشکل مشکل الفاظ دیئے جائیں اور کھیل رُک جائے۔