دیئے گئے لفظ پر شاعری - دوسرا دور

[شمشاد]

جا کہیو ان سے نسیمِ سحر! میرا چین گیا، میری نیند گئی
تمہیں میری، نہ مجھ کو تمہاری خبر، میرا چین گیا، میری نیند گئی
(بہادر شاہ ظفر)

سحر

 

[راجہ صاحب]

سحر چمکی جمال فصل گل آرائشوں پر ہے
نسیم روح پرور سے مشام جاں معطر ہے
نامعلوم

آرائش

 

[شمشاد]

آرائشِ جمال کو مشاطہ چاہیئے
بے باغبا ن کے رہ نہیں سکتا چمن درست
(حیدر علی آتش)

چمن

 

[محمد امین]

ہم سے کہتے ہیں چمن والے، غریبانِ چمن،
تم کوئی اچھا سا رکھ لو اپنے ویرانے کا نام۔

چھپکلی۔ ہے کوئی جو ایسا سنجیدہ شعر سنائے جس میں لفظ چھپکلی آتا ہو؟

 

[شمشاد]

سنجیدہ شاعر نے تو چھپکلی نہیں باندھا ہو گا، کسی مزاحیہ شاعری میں باندھا ہو تو معلوم نہیں۔

 

[محمد امین]

جون ایلیاء

 

[شمشاد]

حاصل کُن ہے یہ جہانِ خراب
یہ ہی ممکن تھا اتنی عجلت میں
پھر بنایا خدا نے آدم کو
اپنی صورت پہ ایسی صورت میں
اور پھر آدمی نے غور کیا
چھپکلی کی لطیف صنعت میں
اے خدا جو کہیں نہیں موجود
کیا لکھا ہے ہماری قسمت میں
(جون ایلیا)

 

[محمد امین]

سانات نہیں۔۔۔ صنعت ہے۔۔۔ آپ نے شاید رومن سے نقل کیا ہے۔

 

[شمشاد]

اور پھر آدمی نے غور کیا
چھپکلی کی لطیف صنعت میں
اب اس شعر کی تشریح کریں۔

 

[محمد امین]

تشریح کرنے سے دھاگہ خراب تو نہیں ہوجائے گا ؟؟ بلکہ وہ تو ہوچکا۔۔۔ہم جہاں جاتے ہیں خرابیاں پیدا فرما دیتے ہیں

 

[شمشاد]

خرابی نہیں ہو گی، آپ تھوڑی سی تشریح کریں تو سہی۔

 

[محمد امین]

سچی بات تو یہ ہے کہ مجھے یہ شعر کبھی سمجھ نہیں آیا۔۔۔ البتہ ابھی گوگل پر تلاش کیا تو ایک فورم پر "سرور عالم راز سرور" صاحب کا ایک مراسلہ ملا جس کا لبِ لباب یہ ہے کہ
چھپکلی پر حملہ کیا جائے تو وہ اپنی دم الگ کردیتی ہے ۔۔۔۔غالباً شاعر کی مراد اسی صنعت سے ہے

http://www.stanvir.com/guftagoo/ind...85a3f24ba4ebbb38&topic=6486.msg78246#msg78246

 

[شمشاد]

سرور عالم راز بڑے پائے کے شاعر ہیں۔ ان کے تین دیوان تو میں بھی دیکھ چکا ہوں۔

 

[شمشاد]

آگے چلتے ہیں۔ اس دھاگے میں وہ الفاظ دیئے جائیں جو آسان ہوں اور عام فہم ہوں تا کہ دھاگہ چلتا رہے نہ کہ دوسرے اراکین کو مشکل میں ڈالا جائے۔
----------------------------------------------------------------------------------------------------------------------

اگلا لفظ ہے "خوشبو"

 

[محمد امین]

رنگ پیراہن کا، خوشبو زلف لہرانے کا نام،
موسمِ گل ہے تمہارے بام پر آنے کا نام۔

بارش

 

[شمشاد]

آپ کو بتانا بھول گیا کہ اگلا لفظ دیئے گئے شعر میں سے دینا ہوتا ہے۔
------------------------------------------------------

کوئی بارش سی اتر آتی ہے سینے پہ میرے​

پھرجدائی کا وہی پہلا سماں لگتا ہے​

(سعد اللہ شاہ)​

اگلا لفظ "جدائی"

 

[متلاشی]

قربتوں میں بھی جدائی کے زمانے مانگے
دل وہ بے مہر کے رونے کے بہانے مانگے

اگلا ’’بے مہر‘‘

 

[شمشاد]

یہ تو اک بے مہر کا مذکورہ ہے
تم نے جب وعدہ کیا ایفا کیا

(ابن انشاء)

 

[راجہ صاحب]

آپ پھر اگلا لفظ دینا بھول گئے ہیں
بحرکیف میں شعر میں سے لفظ " وعدہ " منتخب کر رہا ہوں

تجدید وعدہ ہائے وفا چاہتا ہوں میں
پھر شمع عشق دل میں فروزاں ہے آج کل

اب تجدید

 

[شمشاد]

​

اب کے تجدیدِ وفا کا نہیں امکاں جاناں
یاد کیا تجھ کو دلائیں تیرا پیماں جاناں
(احمد فراز)

پیماں