دیئے گئے لفظ پر شاعری - دوسرا دور

[شمشاد]

سفر عشق میں کی ضعف نے راحت طلبی
ہر قدم سائے کو میں اپنے شبستان سمجھا
(چچا)


سفر

 

[تبسم]

شاید ابھی نہ پہنچی ہو باب قبول تک
ساقی ذرا سی اور کہ توبہ سفر میں ہے

 

[شمشاد]

بہت اچھا شعر ہے، لیکن اگلا لفظ بھی تو دینا تھا ناں۔ میں خود ہی ایک لفظ چن کر شعر لکھ دیتا ہوں۔
-------------------------------------------------------------------------------------

کی میرے قتل کے بعد اس نے جفا سے توبہ
ہائے اس زود پسیماں کا پشیماں ہونا
(چچا)


اگلا لفظ "جفا"

 

[زبیر مرزا]

میں ہوں مشتاقِ جفا، مجھ پہ جفا اور سہی
تم ہو بیداد سے خوش، اس سے سوا اور سہی
اگلا لفظ " خوش "

 

[شمشاد]

ان آبلوں سے پاؤں کے گھبرا گیا تھا میں
جی خوش ہوا ہے راہ کو پُر خار دیکھ کر
(چچا)

 

[امیداورمحبت]

ان آبلوں سے پاؤں کے گھبرا گیا تھا میں
جی خوش ہوا ہے راہ کو پُر خار دیکھ کر
(چچا)

لفظ؟؟؟؟؟؟؟؟

 

[شمشاد]

ایسی صورت میں دیئے گئے شعر سے کسی بھی لفظ کا انتخاب کر کے شعر دے دیں۔

اگلا لفظ "خار"

 

[زبیر مرزا]

کانٹوں کی زباں سوکھ گئی پیاس سے یا رب
اک آبلہ پا وادیِ پر خار میں آوے
غالب

اگلا لفظ " زباں "

 

[مہ جبین]

یہ دستور زباں بندی ہے کیسا تیری محفل میں
یہاں تو بات کرنے کو ترستی ہے زباں میری

 

[شمشاد]

آپ نے اگلا لفظ نہیں دیا، تو میں نے لفظ "محفل" چُن کر اس پر شعر دے رہا ہوں۔
-------------------------------------------------------------------------

اب کے کچھ ایسی سجی محفلِ یاراں جانا
سر بہ زانوں ہے کوئی سربہ گریباں جاناں
(فراز)

 

[مہ جبین]

لفظ گریباں پر شعر دے رہی ہوں
یک الف بیش نہیں ، صیقل آئینہ ہنوز۔۔۔۔۔۔!
چاک کرتا ہوں میں ، جب سے کہ گریباں سمجھا
غالب

 

[شمشاد]

تواتر سے ایسا ہو رہا ہے کہ اگلا لفظ کوئی نہیں دے رہا۔ لفظ چاک سے شعر دے رہا ہوں۔
-----------------------------------------------------------------------

رکا تھا وقت کا ناقوس بھی تحیر سے
برید چاک سے مٹی کا بسم ایسا تھا
منصور آفاق

اگلا لفظ مٹی

 

[عمر سیف]

تمھاری راہ میں مٹی کے گھر نہیں آتے
اسی لیے تو تمھیں ہم نظر نہیں آتے
محبتوں کے دنوں کی یہی خرابی ہے
پہ روٹھ جائیں تو پھر لوٹ کر نہیں آتے ۔۔

اگلا حرف ” راہ” ۔۔۔

 

[شمشاد]

کھوگیا تیری چاہ میں ، مٹ گیا تیری راہ میں
پھر بھی ہوئی نہ قدر کچھ دل کی تری نگاہ میں
(شباب بدایونی)


نگاہ

 

[امیداورمحبت]

وہ جو ابھی اس راہ گزر سے چاک گریباں گزرا ہے
اس آوارہ دیوانے کو جالب جالب کہتے ہیں

آوارہ

 

[شمشاد]

لیتا نہیں مرے دلِ آوارہ کی خبر​

اب تک وہ جانتا ہے کہ میرے ہی پاس ہے​

(چچا)​

​

خبر​

 

[عمر سیف]

خرد کے پاس خبر کے سوا کچھ اور نہیں
ترا علاج نظر کے سوا کچھ اور نہیں
ہر اک مقام سے آگے مقام ہے ترا
حیاتِ ذوق سفر کے سوا کچھ اور نہیں

اگلا حرف ” مقام”

 

[شمشاد]

اسد ہے نزع میں، چل بیوفا! برائے خدا!
مقامِ ترکِ حجاب و وداع تمکیں ہے
(چچا)

وفا

 

[عمر سیف]

وفا کریں گ، نبھائیں گے، بات مانیں گے
تمھیں بھی یاد ہے کچھ یہ کلام کس کا تھا
اگلا حرف” کلام”

 

[شمشاد]

گرمی سہی کلام میں، لیکن نہ اس قدر
کی جس سے بات اُس نے شکایت ضرور کی
(چچا)

شکایت