دیئے گئے لفظ پر شاعری - دوسرا دور

[شمشاد خان]

فرصتِ زندگی کا تماشا یہی
غور سے دیکھ لے کو ئی رقص ِشرر
(سید عاطف علی - اردو محفل کے رکن ہیں)

تماشا

 

[مومن فرحین]

تھی خبر گرم کہ غالب کے اڑیں گے پرزے
دیکھنے ہم بھی گئے تھے پہ تماشا نہ ہوا

خبر

 

[شمشاد خان]

ہم نے مانا کہ تغافل نہ کرو گے لیکن
خاک ہو جائیں گے ہم تم کو خبر ہوتے تک
(چچا)

خاک

 

[مومن فرحین]

ملاتے ہو اسی کو خاک میں جو دل سے ملتا ہے
میری جاں چاہنے والا بڑی مشکل سے ملتا ہے

داغ

مشکل

 

[شمشاد خان]

ہاں یاد مجھے تم کر لینا آواز مجھے تم دے لینا
اس راہ محبت میں کوئی درپیش جو مشکل آ جائے
(بہزاد لکھنوی)

آواز

 

[مومن فرحین]

الفاظ تھے کہ جگنو آواز کے سفر میں
بن جائے جنگلوں میں جس طرح راستہ سا
خوابوں میں خواب اس کے یادوں میں یاد اس کی
نیندوں میں گھل گیا ہو جیسے کہ رتجگا سا

راستہ

 

[شمشاد خان]

نکل کے خود سے جو خود ہی میں ڈوب جاتا ہے
میں وہ سفینہ ہوں جس کو بھنور میں رہنا ہے

تمہارے بعد کوئی راستہ نہیں ملتا
تو طے ہوا کہ اداسی کے گھر میں رہنا ہے
(عادل رضا منصوری)

 

[مومن فرحین]

آپ نے کوئی لفظ نہیں دیا اس لیے میں نے خود سے لفظ " ڈوب " منتخب کیا ہے

میری آنکھوں میں اترنے والے
ڈوب جانا تری عادت تو نہیں

عادت

 

[شمشاد خان]

عادت ہی بنا لی ہے تم نے تو منیر اپنی
جس شہر میں بھی رہنا اُکتائے ہوئے رہنا
(منیر نیازی)

شہر

 

[مومن فرحین]

اچھے آنکھوں کے پجاری ھیں میرے شہر کے لوگ
تو میرے شہر میں آئے گا تو چھا جائے گا

پجاری

 

[شمشاد خان]

یہ “اچھے آنکھوں” ہے یا “اچھی آنکھوں”

 

[محمد خلیل الرحمٰن]

یہ “اچھے آنکھوں” ہے یا “اچھی آنکھوں”

اچھے آنکھوں ہی ہے

 

[شمشاد خان]

بجا ارشاد، مجھے سمجھنے میں غلطی لگی تھی۔

 

[شمشاد خان]

صرف تیرے ہی ہم پجاری ہیں
دل میں تیری ہی مورتی دیکھیں
(اوم پرکاش بجاج)

مورت|مورتی

 

[مومن فرحین]

کبھی اپنی سی کبھی غیر نظر آئی ہے

کبھی اخلاص کی مورت کبھی ہرجائی ہے

ساحر

اخلاص

 

[شمشاد خان]

وفا اخلاص قربانی محبت
اب ان لفظوں کا پیچھا کیوں کریں ہم
(جون ایلیا)

قربانی

 

[مومن فرحین]

اپنے دل کو تری آنکھوں پہ فدا کرتا ہوں

آج بیمار پہ بیمار کی قربانی ہے

بیمار

 

[شمشاد خان]

اپنی آنکھیں نظر آتی ہیں جو اچھی ان کو
جانتے ہیں مرے بیمار کا حال اچھا ہے
(جلیل مانک پوری)

آنکھیں

 

[مومن فرحین]

کچھ کہے بنا اکثر بولتی ھیں آنکھیں بھی
گفتگو کے سب لمحے حرف گر نہیں ہوتے

گفتگو

 

[شمشاد خان]

یہ آرزو تھی تجھے گل کے رو بہ رو کرتے
ہم اور بلبل بیتاب گفتگو کرتے
(حیدر علی آتش)

گل