دیئے گئے لفظ پر شاعری - دوسرا دور

[مومن فرحین]

میں ہوں جگنو وہ ہے سورج اس کو خود پر ہے غرور
رات ہونے دیجئے خود فیصلہ ہو جائے گا

سورج

 

[شمشاد خان]

کیسا فلک ہوں جس پہ سمندر سوار ہے
سورج بھی میرے سر پہ ہے میں کیسی رات ہوں
(بشیر بدر)

فلک

 

[مومن فرحین]

گنگناتی ہوئی آتی ھیں فلک سے بوندیں
کوئی بدلی تیری پازیب سے ٹکرائی ہے
قتیل شفائی

پازیب

 

[شمشاد خان]

یک بیک دور بہت دور بہت دور کہیں
تیری پازیب چھنکنے کی صدا آنے لگی
کفیل آزر امروہوی

صدا

 

[مومن فرحین]

شام پڑتے ہی کسی شخص کی یاد
کوچۂ جاں میں صدا کرتی ہے
ہم نے دیکھی ہے وہ اجلی ساعت
رات جب شعر کہا کرتی ہے

ساعت

 

[شمشاد خان]

جدائی کے حالات میں کیا کہوں
قیامت تھی ایک ایک ساعت کے بعد
میر تقی میر

 

[خانزادہ محمد طاہر]

خوش رہا جب تلک رہا جیتا

میرؔ معلوم ہے قلندر تھا

میر تقی میر

معلوم

 

[خانزادہ محمد طاہر]

دَرد کا رَستہ ہے یا ہے سَاعٗت رَوزِ حِساب

سَیکڑَوں لَوگوں کو رَوکا ایک بِھی ٹَھہرا نَہیں

امجد اسلام امجد

ٹھہرا

 

[خانزادہ محمد طاہر]

دِل کی بَستِی عَجِیبْ بَستِی ہَے

یَہ اُجَڑنے کَے بَعد بَستِی ہَے

سکندر علی واصف

اجڑنے

 

[شمشاد خان]

خانزادہ محمد طاہر صاحب اردو محفل میں خوش آمدید۔

آپ تعارف کے زمرے میں آئیں اور اپنا تعارف دیں۔ تاکہ دوسرے اراکین اردو محفل آپ سے متعارف ہو سکیں۔

یہ رہا تعارف کا زمرہ

 

[شمشاد خان]

خانزادہ محمد طاہر صاحب آپ خود ہی شعر دیئے جا رہے ہیں، خود ہی لفظ دیئے جا رہے ہیں۔
دوسروں کو بھی موقع دیں۔

 

[شمشاد خان]

کیوں حویلی کے اجڑنے کا مجھے افسوس ہو
سیکڑوں بے گھر پرندوں کے ٹھکانے ہو گئے
(بشیر بدر)

پرندہ

 

[خانزادہ محمد طاہر]

پہلا دور مندرجہ ذیل شعر پر ختم ہوا تھا :

جنکی خاطر شہر بھی چھوڑا جن کے لیے بدنام ہوئے
آج وہی ہم سے بیگانے بیگانے سے رہتے ہیں
(حبیب جالب)

بیگانہ

 

[خانزادہ محمد طاہر]

خانزادہ محمد طاہر صاحب آپ خود ہی شعر دیئے جا رہے ہیں، خود ہی لفظ دیئے جا رہے ہیں۔
دوسروں کو بھی موقع دیں۔

آج پہلی بار شرکت کرنے کی جسارت کی ہے، قواعد و ضوابط سے نا بلد ہوں، رہنمائی فرمائیں

 

[شمشاد خان]

آج پہلی بار شرکت کرنے کی جسارت کی ہے، قواعد و ضوابط سے نا بلد ہوں، رہنمائی فرمائیں

اردو محفل میں خوش آمدید۔

آپ تعارف کے زمرے میں آئیں اور اپنا تعارف دیں۔ تاکہ دوسرے اراکین اردو محفل آپ سے متعارف ہو سکیں۔

یہ رہا تعارف کا زمرہ، یہاں کلک کریں

 

[شمشاد خان]

آج پہلی بار شرکت کرنے کی جسارت کی ہے، قواعد و ضوابط سے نا بلد ہوں، رہنمائی فرمائیں

یہ لڑی "دیئے گئے لفظ پر شاعری" کی ہے۔

اس کا قاعدہ یہ ہے کہ ایک رکن اپنی پسند کا کوئی شعر دیتا ہے، پھر اسی شعر میں سے کوئی لفظ منتخب کر کے اگلے رکن کو وہی لفظ شعر میں استعمال کرنے کی دعوت دیتا ہے۔

جیسے میں نے ایک شعر دیا اور اسی شعر میں سے کوئی بھی ایک لفظ، مثلاً "پرندہ" منتخب کر کے اگلے آنے والے رکن کو دعوت دی۔
اب اگلا رکن کوئی ایسا شعر دے گا جس میں میرا دیا ہوا لفظ "پرندہ" استعمال ہو۔ پھر وہ اپنے دیئے ہوئے شعر میں سے کوئی ایک لفظ چُن کر اگلے آنے والے رکن کو دعوت دے گا۔ اور یہ سلسلہ ایسے ہی چلتا رہے گا۔

 

[مومن فرحین]

نہ جانے اس نے کھلے آسماں میں کیا دیکھا
پرندہ پھر سے جہان قفس میں لوٹ آیا

ارشد جمال

قفس

 

[مریم افتخار]

قفس اداس ہے یارو، صبا سے کچھ تو کہو
کہیں تو بہرِ خدا آج ذکرِ یار چلے
(فیض)

ذکر

 

[مومن فرحین]

ان کا ذکر ، ان کی تمنا ، ان کی یاد
وقت کتنا قیمتی ہے آج کل

شکیل بدایونی

قیمتی

 

[شمشاد]

خوب جی بھر کے رلائیں جو نظر میں ان کی
قیمتی ہوں مرے آنسو بھی گہر کی صورت
(آتش بہاولپوری)

آنسو