دیئے گئے لفظ پر شاعری - دوسرا دور

[شکیل احمد خان23]

قفس میں قید رکھ یا قید سے آزاد رہنے دے​

بہرصورت چمن ہی میں مجھے صیّاد رہنے دے

آزاد

 

[اربش علی]

آزاد

کیوں اسیرِ گیسوے خم دارِ قاتل ہو گیا
ہاے! کیا بیٹھے بٹھائے تجھ کو اے دل ہو گیا

کوئی نالاں، کوئی گِریاں، کوئی بسمل ہو گیا
اس کے اُٹھتے ہی دگر گوں رنگِ محفل ہو گیا

انتظار اُس گُل کا اس درجہ کیا گُل زار میں
نور آخر دیدۂ نرگس کا زائل ہو گیا

اُس نے تلواریں لگائیں ایسے کچھ انداز سے
دل کا ہر ارماں فداے دستِ قاتل ہو گیا

قیسِ مجنوں کا تصور بڑھ گیا جب نجد میں
ہر بگولہ دشت کا لیلیِ محمل ہو گیا

یہ بھی قیدی ہو گیا آخر کمندِ زلف کا
لے اسیروں میں ترے آزادؔ شامل ہو گیا

(مولانا ابوالکلام آزاد)

زُلف​

 

[سیما علی]

قفس میں قید رکھ یا قید سے آزاد رہنے دے​

بہرصورت چمن ہی میں مجھے صیّاد رہنے دے

آزاد

کیوں اسیرِ گیسوے خم دارِ قاتل ہو گیا
ہاے! کیا بیٹھے بٹھائے تجھ کو اے دل ہو گیا

کوئی نالاں، کوئی گِریاں، کوئی بسمل ہو گیا
اس کے اُٹھتے ہی دگر گوں رنگِ محفل ہو گیا

انتظار اُس گُل کا اس درجہ کیا گُل زار میں
نور آخر دیدۂ نرگس کا زائل ہو گیا

اُس نے تلواریں لگائیں ایسے کچھ انداز سے
دل کا ہر ارماں فداے دستِ قاتل ہو گیا

قیسِ مجنوں کا تصور بڑھ گیا جب نجد میں
ہر بگولہ دشت کا لیلیِ محمل ہو گیا

یہ بھی قیدی ہو گیا آخر کمندِ زلف کا
لے اسیروں میں ترے آزادؔ شامل ہو گیا

(مولانا ابوالکلام آزاد)

زُلف​

کچھ اب کے ہم بھی کہیں اس کی داستان وصال
مگر وہ زلف پریشاں کھلے تو بات چلے

جفا یہ سلسلۂ صد ہزار عنواں ہے
قمیص یوسف کنعاں کھلے تو بات چلے

سفر ہے اور ستاروں کا اک بیاباں ہے
مسافری کا بھی امکاں کھلے تو بات چلے

طلسم شیوۂ یاراں کھلا تو کچھ نہ ہوا
کبھی یہ حبس دل و جاں کھلے تو بات چلے

سلگ رہا ہے افق بجھ رہی ہے آتش مہر
رموز ربط گریزاں کھلے تو بات چلے
عزیز حامد مدنی

گریزاں

 

[اربش علی]

گریزاں

وحشتِ آتشِ دل سے شبِ تنہائی میں
صورتِ دُود ،رہا سایہ گریزاں مجھ سے

بے کسی ہاے شبِ ہجر کی وحشت، ہَے ہَے!
سایہ خورشیدِ قیامت میں ہے پنہاں مجھ سے
(غالب)

خورشید​

 

[سیما علی]

بے کسی ہاے شبِ ہجر کی وحشت، ہَے ہَے!
سایہ خورشیدِ قیامت میں ہے پنہاں مجھ سے
(غالب)

خورشید

پھر دلوں کو یاد آ جائے گا پیغامِ سجود
پھر جبیں خاکِ حرم سے آشنا ہو جائے گی

نالۂ صیّاد سے ہوں گے نوا ساماں طیور
خُونِ گُلچیں سے کلی رنگیں قبا ہو جائے گی

آنکھ جو کچھ دیکھتی ہے، لب پہ آ سکتا نہیں
محوِ حیرت ہوں کہ دنیا کیا سے کیا ہو جائے گی

شب گریزاں ہوگی آخر جلوۂ خورشید
یہ چمن معمور ہوگا نغمۂ توحید سے
علامہ اقبال رح

معمور

 

[اربش علی]

معمور

ہے بجا شیوۂ تسلیم میں مشہور ہیں ہم
قصّۂ درد سُناتے ہیں کہ مجبور ہیں ہم
سازِ خاموش ہیں، فریاد سے معمور ہیں ہم
نالہ آتا ہے اگر لب پہ تو معذور ہیں ہم
اے خدا! شکوۂ اربابِ وفا بھی سُن لے
خُوگرِ حمد سے تھوڑا سا گِلا بھی سُن لے
(علامہ اقبال)

نالہ​

 

[سیما علی]

ہے بجا شیوۂ تسلیم میں مشہور ہیں ہم
قصّۂ درد سُناتے ہیں کہ مجبور ہیں ہم
سازِ خاموش ہیں، فریاد سے معمور ہیں ہم
نالہ آتا ہے اگر لب پہ تو معذور ہیں ہم
اے خدا! شکوۂ اربابِ وفا بھی سُن لے
خُوگرِ حمد سے تھوڑا سا گِلا بھی سُن لے
(علامہ اقبال)

نالہ

نالہ ہے بلبل شوریدہ ترا خام ابھی
اپنے سینہ میں اسے اور ذرا تھام ابھی

پختہ ہوتی ہے اگر مصلحت اندیش ہو عقل
عشق ہو مصلحت اندیش تو ہے خام ابھی

بے خطر کود پڑا آتش نمرود میں عشق
عقل ہے محو تماشائے لب بام ابھی

عشق فرمودۂ قاصد سے سبک گام عمل
عقل سمجھی ہی نہیں معنئ پیغام ابھی

شیوۂ عشق ہے آزادی و دہر آشوبی
تو ہے زناریٔ بت خانۂ ایام ابھی

عذر پرہیز پہ کہتا ہے بگڑ کر ساقی
ہے ترے دل میں وہی کاوش انجام ابھی

سعئ پیہم ہے ترازوئے کم و کیف حیات
تیری میزاں ہے شمار سحر و شام ابھی

سحر و شام

 

[اربش علی]

سحر و شام

کھو نہ جا اس سَحَر و شام میں اے صاحبِ ہوش!
اِک جہاں اور بھی ہے جس میں نہ فردا ہے نہ دوش
کس کو معلوم ہے ہنگامۂ فردا کا مقام
مسجد و مکتب و مےخانہ ہیں مُدّت سے خموش
مَیں نے پایا ہے اُسے اشکِ سحَر گاہی میں
جس دُرِ ناب سے خالی ہے صدف کی آغوش
نئی تہذیب تکلّف کے سوا کچھ بھی نہیں
چہرہ روشن ہو تو کیا حاجتِ گُلگُونہ فروش!
صاحبِ ساز کو لازم ہے کہ غافل نہ رہے
گاہے گاہے غلط آہنگ بھی ہوتا ہے سروش
(اقبال)

سروش​

 

[فوزیہ افضل]

لفظ آپ نے نہیں دیا تو ہم نے نشتر

تری نگاہ سے بچنے میں عمر گزری ہے
اتر گیا رگ جاں میں یہ نشتر پھر بھی

رگِ جاں

یہ مرض بھی کیسا عجیب ہے نہ دوا لگے نہ دعا لگے
رگ جاں میں ایسی چھبن سی ہے رم زندگی بھی سزا لگے
دعا

 

[اربش علی]

دعا

ہے دعا یاد مگر حرفِ دعا یاد نہیں
میرے نغمات کو اندازِ نوا یاد نہیں

میں نے پلکوں سے درِ یار پہ دستک دی ہے
میں وہ سائل ہوں جسے کوئی صدا یاد نہیں

دستک​

 

[فوزیہ افضل]

کھو نہ جا اس سَحَر و شام میں اے صاحبِ ہوش!
اِک جہاں اور بھی ہے جس میں نہ فردا ہے نہ دوش
کس کو معلوم ہے ہنگامۂ فردا کا مقام
مسجد و مکتب و مےخانہ ہیں مُدّت سے خموش
مَیں نے پایا ہے اُسے اشکِ سحَر گاہی میں
جس دُرِ ناب سے خالی ہے صدف کی آغوش
نئی تہذیب تکلّف کے سوا کچھ بھی نہیں
چہرہ روشن ہو تو کیا حاجتِ گُلگُونہ فروش!
صاحبِ ساز کو لازم ہے کہ غافل نہ رہے
گاہے گاہے غلط آہنگ بھی ہوتا ہے سروش
(اقبال)

سروش​

شاعر بزم عقل و ہوش ہاں کوئی اور نغمہ سروش
دل کی صدا ہے کیوں خاموش دل کی صدا کو کیا ہوا
صدا

 

[فوزیہ افضل]

ہے دعا یاد مگر حرفِ دعا یاد نہیں
میرے نغمات کو اندازِ نوا یاد نہیں

میں نے پلکوں سے درِ یار پہ دستک دی ہے
میں وہ سائل ہوں جسے کوئی صدا یاد نہیں

دستک​

تو نے دستک ہی نہیں کسی دروازے پر
ورنہ کھلنے کو تو دیوار میں بھی در تھے بہت
دیوار

 

[سیما علی]

تو نے دستک ہی نہیں کسی دروازے پر
ورنہ کھلنے کو تو دیوار میں بھی در تھے بہت
دیوار

جب چُھٹ گئے تھے ہاتھ سے پتوار، یاد ہے
ہر سُو کھڑی تھی پانی کی دیوار، یاد ہے

پھر پھول توڑنے کو بڑھاتے ہو اپنا ہاتھ
وہ ڈالیوں میں سانپ کی پُھنکار یاد ہے!

وہ بے وفا کہ جس کو بھلانے کے واسطے
خود سے رہا ہوں برسرِپیکار، یاد ہے

اب کون ہے جو وقت کو زنجیر کر سکے
سایوں سے، ڈھلتی دھوپ کی تکرار یاد ہے

چاہا نہیں کسی کو، اسے چاہنے کے بعد
اپنی نگاہ کا مجھے معیار یاد ہے

باقی نہیں بیاض میں ہونٹوں کی سُرخ چھاپ
لیکن مجھے یہ تحفہِ دل دار یاد ہے

شکیب جلالی

دل دار​

 

[اربش علی]

دل دار

پھر چاہتا ہوں نامۂ دل دار کھولنا
جاں نذرِ دل فریبیِ عنواں کیے ہوئے

اک نَو بہار ناز کو تاکے ہے پھر نگاہ
چہرہ فُروغِ مے سے گلِستاں کیے ہوئے

پھر جی میں ہے کہ دَر پہ کسی کے پڑے رہیں
سر زیرِ بارِ منّتِ درباں کیے ہوئے

جی ڈھونڈتا ہے پھر وہی فرصت کہ رات دن
بیٹھے رہیں تصورِ جاناں کیے ہوئے

نامہ​

 

[سیما علی]

جی ڈھونڈتا ہے پھر وہی فرصت کہ رات دن
بیٹھے رہیں تصورِ جاناں کیے ہوئے

نامہ

تجھ سے تو کچھ کلام نہیں لیکن اے ندیم
میرا سلام کہیو اگر نامہ بر ملے

سلام

 

[فوزیہ افضل]

پھر چاہتا ہوں نامۂ دل دار کھولنا
جاں نذرِ دل فریبیِ عنواں کیے ہوئے

اک نَو بہار ناز کو تاکے ہے پھر نگاہ
چہرہ فُروغِ مے سے گلِستاں کیے ہوئے

پھر جی میں ہے کہ دَر پہ کسی کے پڑے رہیں
سر زیرِ بارِ منّتِ درباں کیے ہوئے

جی ڈھونڈتا ہے پھر وہی فرصت کہ رات دن
بیٹھے رہیں تصورِ جاناں کیے ہوئے

نامہ​

نامہ بر تو ہی بتا تو نے دیکھے ہوں گے
کیسے ہوتے ہیں وہ خط جن کے جواب آتے ہیں
جواب

 

[فوزیہ افضل]

تجھ سے تو کچھ کلام نہیں لیکن اے ندیم
میرا سلام کہیو اگر نامہ بر ملے

سلام

تو مسکرائے تو صبحیں تجھے سلام کریں
تو رو پڑے تو زمانے کی آنکھ بھر آئے
محسن نقوی
زمانے ،زمانہ

 

[اربش علی]

سلام

مصطفی جانِ رحمت پہ لاکھوں سلام
شمعِ بزمِ ہدایت پہ لاکھوں سلام
مِہرِ چرخِ نبوت پہ روشن دُرود
گلِ باغِ رسالت پہ لاکھوں سلام
شہرِ یارِ ارم، تاج دارِ حرم
نوبہارِ شفاعت پہ لاکھوں سلام
شبِ اسرا کے دولھا پہ دائم دُرود
نوشۂ بزمِ جنّت پہ لاکھوں سلام
عرش کی زیب و زینت پہ عرشی دُرود
فرش کی طَیب و نُزہت پہ لاکھوں سلام
نورِ عینِ لطافت پہ اَلطف دُرود
زیب و زینِ نظافت پہ لاکھوں سلام
سروِ نازِ قِدَم، مغزِ رازِ حِکَم
یکّہ تازِ فضیلت پہ لاکھوں سلام
نقطۂ سِرِّ وحدت پہ یکتا دُرود
مرکزِ دورِ کثرت پہ لاکھوں سلام

عرش​

 

[اربش علی]

زمانہ

شوکت، ہمارے ساتھ بڑا حادثہ ہوا
ہم رہ گئے، ہمارا زمانہ چَلا گیا

حادثہ​

 

[فوزیہ افضل]

مصطفی جانِ رحمت پہ لاکھوں سلام
شمعِ بزمِ ہدایت پہ لاکھوں سلام
مِہرِ چرخِ نبوت پہ روشن دُرود
گلِ باغِ رسالت پہ لاکھوں سلام
شہرِ یارِ ارم، تاج دارِ حرم
نوبہارِ شفاعت پہ لاکھوں سلام
شبِ اسرا کے دولھا پہ دائم دُرود
نوشۂ بزمِ جنّت پہ لاکھوں سلام
عرش کی زیب و زینت پہ عرشی دُرود
فرش کی طَیب و نُزہت پہ لاکھوں سلام
نورِ عینِ لطافت پہ اَلطف دُرود
زیب و زینِ نظافت پہ لاکھوں سلام
سروِ نازِ قِدَم، مغزِ رازِ حِکَم
یکّہ تازِ فضیلت پہ لاکھوں سلام
نقطۂ سِرِّ وحدت پہ یکتا دُرود
مرکزِ دورِ کثرت پہ لاکھوں سلام

عرش​

جو ہے عرش پر وہی فرش پر کوئی خاص اس کا مکاں نہیں
وہ یہاں بھی ہے وہ وہاں بھی ہے وہ کہیں نہیں وہ کہاں نہیں
خاص