دیئے گئے لفظ پر شاعری

[محمد وارث]

جانے کس رنگ میں تفسیر کریں اہلِ ہوس
مدحِ زلف و لب و رخسار کروں یا نہ کروں

(فیض)

تفسیر

 

[شمشاد]

ہم تو اس عاشقی سے باز آئے
دل دیا اور دے کے پچھتائے
زندگی خود ہی اپنی ہے تفسیر
اک حقیقت، ہزار ہیں سائے
(سرور)


حقیقت

 

[عین لام میم]

حقیقت چھپ نھیں سکتی بناوٹ کے اصولوں سے
خوشبو آ نھیں سکتی کبھی کاغذ کے پھولوں سے



کاغذ

 

[شمشاد]

اردو محفل میں خوش آمدید عمیر صاحب۔

 

[شمشاد]

یوں کہ عبارت کی زباں اور ہے کوئی
کاغذ میری تقدیر کا سادہ بھی نہیں ہے


تقدیر

 

[عین لام میم]

تقدیر کے مضمون پہ کیا سوچ رہے ہو
تم نے کبھی پتلی کا تماشہ نھیں دیکھا


پتلی

 

[ثناءاللہ]

دہشت گرد کہو اب ہم کو، کل پھر کہہ لینا ہیرو
سوچ کا دریا سونا چاندی، سوچ کا دھارا کٹھ پتلی

اگلا لفظ "کھٹور"

 

[الف عین]

کٹھور۔۔۔ کھٹور نہیں ثناء اللہ، اس شعر میں کہاں آتا ہے۔ قاعدہ تو یہی چل رہا ہے نا کہ دئے گئے شعر میں سے ہی اگلا لفظ ڈھونڈھنا ہے۔

 

[شمشاد]

اعجاز بھائی ہو سکتا ہے ثناء اللہ بھائی کو اس اصول کا علم نہ ہو، یہ خیر سے آتے بھی تو مہینے میں ایک بار ہیں۔

یہ لیں ثناء اللہ بھائی میں آپ ہی کے دیئے شعر سے ایک لفظ کا انتخاب کر کے اس پر شعر دے دیتا ہوں۔ لفظ ہے " سوچ "

لوگو بھلا اُس شہر میں کیسے جیئیں گے ہم، جہاں
ہ۔۔و ج۔۔رم تنہا س۔۔وچنا ل۔ی۔ک۔۔ن س۔۔زا، آوارگ۔۔۔۔۔ی
(محسن نقوی)

اگلا لفظ " سزا "

 

[محمد وارث]

زندگی بیت رہی ہے دانش
ایک بے جرم سزا ہو جیسے

(احسان دانش)

جرم

 

[شمشاد]

ثناء اللہ بھائی آپ دونوں جگہ شکریہ ادا کر کے چلے گئے لیکن شعر کوئی نہ لکھا، کیا ناراض ہو گئے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہ کہیں جہاں میں اماں ملی، جو اماں ملی تو کہاں ملی
مرے جرم خانہ خراب کو ترے عفو بندہ نواز میں
(علامہ)

اماں / امان

 

[ثناءاللہ]

جی شمشاد بھائی ۔۔۔۔۔ ناراضگی واپڈا والوں نے ڈالی ہے۔ میں شکریہ تو ادا کیا لیکن مجھے شعر لکھنے سے پہلے واپڈا والوں نے میرے کمپیوتر کا گلا گھونٹ دیا۔ اور واقعی مجھے اس کھیل کے آداب معلوم نہیں تھے ۔ جو استاد محترم اور آپ کی بدولت معلوم ہو گئے۔ اور اب لفظ "اماں" کے اوپرنعتیہ شعر عرض ہے۔

ان کے دامن سے وابستہ میری نجات ان پہ قربان میری حیات و ممات
میں گناہگار وہ شافع عاصیاں بے کسوں کی اماں وہ کہاں میں کہاں

اگلا لفظ "عاصیاں"

 

[شمشاد]

ثناء اللہ بھائی آپ نے بھی لفظ چُن کر دیا ہے جس کو شاعروں نے کم ہی باندھا ہو گا۔ تلاشِ بیسار کے بعد عاصیوں ملا ہے، اسی پر اکتفا فرمائیں۔

اہلِ وَرَع کے حلقے میں ہر چند ہوں ذلیل
پر عاصیوں کے زمرے میں مَیں برگزیدہ ہوں
(چچا)

حلقہ / حلقے

 

[حسن علوی]

ہو حلقہ یاراں تو بریشم کی طرح نرم
رزمِ حق و باطل ہو تو فولاد ھے مومن

مومن

 

[شمشاد]

خود کامئو شوریدہ سری دل کو نہ بھائی
مومن تھے ہمیں سجدۂ اصنام نہ آیا!
(سرور)

صنم / اصنام

 

[تیشہ]

صنم ،

اے صنم جس نے تجھے چاند سی صورت دی ہے
اسی اللہ نے مجھکو بھی محبت دی ہے۔

چاند ،

 

[شعیب خالق]

جس جس سے اسے ربط رہا ہے اور بھی لوگ ہزاروں ہیں
ایک تجھی کو بے مہری کا دیتا کیوں الزام ہے چاند
لوگ

 

[تیشہ]

کوئی نشے میں کوئی تشنہ لبی سے ساقی
تیری محفل میں سبھی لوگ بہکتے جاویں ، ۔۔

محفل ،

 

[شمشاد]

کوئی دن جاتا ہے محفل میں بکھر جاؤں گامیں
آپ گر میری طرف یونہی وہاں دیکھا کیے!
(سرور)

 

[شعیب خالق]

شمشاد بھا ئی لفظ دینا پھول گئے