دیئے گئے لفظ پر شاعری

[محمود احمد غزنوی]

اسی کشمکش میں گذریں مری زندگی کی راتیں
کبھی سوز و سازِ رومی کبھی پیچ و تابِ رازی
راتیں

 

[شمشاد]

لفظ اپنی مرضی سے کیوں نہیں چن سکتے، ایسی پابندی کیوں‌؟؟؟

پابندی تو کوئی نہیں، لیکن پھر کھیل کا مزہ نہیں آتا۔

آپ نے جو لفظ دینا ہے، پہلے اس پر کوئی شعر لکھیں۔

 

[شمشاد]

راتوں میں گر نہ اشک بہاؤں تو کیا کروں
اک پل بھی اس کو بھول نہ پاؤں تو کیا کروں
(مراد لکھنوی)

اشک

 

[خوشی]

ترا دامن اشکوں سے بھگونا چاھیئے تھا
مجھے تیرے گلے لگ کر یوں رونا چاھیئے تھا

بھگونا

 

[اشتیاق علی]

کبھی دامن کبھی پلکیں بھگونا کس کو کہتے ہیں
کسی مظلوم سے پوچھو کہ رونا کس کو کہتے ہیں

(مظلوم )

 

[راجہ صاحب]

یہ حُسن ستم ، یہ رنج غضب
مجبور ہوں میں ، مظلوم ہے وہ
مظلوم پہ یوں بیداد نہ کر
اے عشق ہمیں برباد نہ کر


رنج

 

[شمشاد]

رنج سے خُوگر ہوا انسان تو مٹ جاتا ہے رنج
مشکلیں مجھ پے اتنی پڑیں کہ آساں ہو گئیں



مشکل

 

[راجہ صاحب]

آسان نہ کر دی ھو کہیں موت نے مشکل
روتے ھوئے بیمار بڑی دیر سے چپ ھیں


بیمار

 

[محمد وارث]

میر کیا سادہ ہیں بیمار ہوئے جس کے سبب
اسی عطّار کے لونڈے سے دوا لیتے ہیں

اگلا لفظ: لونڈا

 

[فرخ منظور]

میر کیا سادہ ہیں بیمار ہوئے جس کے سبب
اسی عطّار کے لونڈے سے دوا لیتے ہیں

اگلا لفظ: لونڈا

وارث صاحب دیوان میں لونڈا نہیں لڑکا ہے۔ یعنی اسی عطار کے لڑکے سے دوا لیتے ہیں۔ اس شعر کا معاملہ بھی اسی زیف صاحب کے مضمون جیسا ہے کہ عوام نے لڑکے کی جگہ لونڈا کر دیا۔ اور لونڈے میں جو معنی آفرینی ہے وہ لڑکے میں کہاں۔

 

[محمد وارث]

وارث صاحب دیوان میں لونڈا نہیں لڑکا ہے۔ یعنی اسی عطار کے لڑکے سے دوا لیتے ہیں۔ اس شعر کا معاملہ بھی اسی زیف صاحب کے مضمون جیسا ہے کہ عوام نے لڑکے کی جگہ لونڈا کر دیا۔ اور لونڈے میں جو معنی آفرینی ہے وہ لڑکے میں کہاں۔

بھئی جس طرح زبانوں پر شعر چڑھا ہوا ہے وہی لکھ دیا، آپ کو 'لڑکا' پسند ہے تو آپ لونڈے کی جگہ لڑکے پر شعر لکھ دیں

 

[مغزل]

خیر اگلا شعر بھی میں ہی لکھ دیتا ہوں اور لفظ بھی دیے دیتا ہوں ؟؟

میں مفلسی کے کٹھن دور سے نکل آیا
شکم پہ باندھ چکا ہوں اناج پتھر کا

(ڈاکٹر سید نفیس علی آزر،کراچی)

اگلا لفظ : ’’ شکم ‘‘

 

[مغزل]

ویسے شمس الحق صاحب کا مضمون جو فرحت کیانی نے پیش کیا تھا اس کے مطابق لڑکے ہی ہے ۔( ربط)

 

[محمد وارث]

بھئی مجھے کب انکار ہے، 'لڑکا؛ ہی سہی، لیکن کھیل کے اصولوں کے مطابق جو لفظ میں نے دیا تھا اگلا شعر اس پر ہونا چاہیئے یعنی لونڈے ۔۔۔۔۔۔۔۔۔۔ میرا مطلب ہے لڑکے پر

 

[فاتح]

بھئی مجھے کب انکار ہے، 'لڑکا؛ ہی سہی، لیکن کھیل کے اصولوں کے مطابق جو لفظ میں نے دیا تھا اگلا شعر اس پر ہونا چاہیئے یعنی لونڈے ۔۔۔۔۔۔۔۔۔۔ میرا مطلب ہے لڑکے پر

کیا اس آتش باز کے لونڈے کا اتنا شوق میر
بہہ چلی ہے دیکھ کر اس کو تمہاری رال کچھ

یہاں رجوع کیجیے اور میر صاحب کے تمام لڑکوں لونڈوں کو اکٹھا پائیے

اگلا لفظ: رال

 

[محمد وارث]

میر کے شعر کا جواب میر کے دیوان سے ہی آ سکتا تھا، اب 'رال' پر شعر بھی شاید میر کے دیوان ہی سے ٹپکے گا

 

[شمشاد]

اب تو یہ دھاگہ رہ گی اساتذہ کرام کے مطلب کا۔ ایسے ایسے مشکل الفاظ چنیں گے تو ہم جیسے کہاں جائیں گے۔

 

[فاتح]

شمشاد بھائی! اک ذرا انتظار کہ بقولِ حضرت وارث شاید کوئی شعر ٹپک ہی پڑے ورنہ لفظ تبدیل کر لیں گے۔
مزا تو جب ہی ہے کہ راہِ سفر میں شوق کے پتھر تلاش کیے جائیں

 

[شمشاد]

فاتح بھائی آپ کی بات بجا، رال تو ہماری ہر اچھی غزل اور نظم پر ٹپک پڑتی ہے لیکن ابھی تک کسی غزل اور نظم میں " رال " نہیں‌ پڑھا۔

 

[محمد وارث]

اب اگر 'رال' نہ ٹپکے تو ٹپکانی پڑے گی کہ کھیل چلتا رہے


دو گام کے چلنے میں پامال ہوا عالم
کچھ ساری خدائی سے وہ چال ن رال ی ہے



اگلا لفط: عالم