دیئے گئے لفظ پر شاعری

[شمشاد]

انسان کی طینت ہے جدا سب سے یہاں
ہر شخص یہ کہتا ہے ، خدا بن جاؤں
(نزہت عباسی)

جدا / جدائی

 

[عثمان رضا]

قربتوں میں بھی جدائی کے زمانے مانگے
دل وہ بے مہر کہ رونے کے بہانے مانگے

احمد فراز

رونا / رونے

 

[مغزل]

ہم رات بہت روئے بہت آہ و فغاں کی
دل درد سے بوجھل ہو تو پھر نیند کہاں کی

بوجھل

 

[عثمان رضا]

دل ہجر کے درد سے بوجھل ہے، اب آن ملو تو بہتر ہو
اس بات سے ہم کو کیا مطلب، یہ کیسے ہو، یہ کیونکر ہو
انشاء جی

مطلب

 

[شمشاد]

دوستی کا دعویٰ کیا عاشقی سے کیا مطلب
میں ترے فقیروں میں، میں ترے غلاموں میں
(شعیب بن عزیز)

دوستی

 

[عثمان رضا]

میرے لبوں پر ہر دم یہی دعا رہتی ہے
تیری میری دوستی یونہی پیار سے بندھی رہے

دعا

 

[خوشی]

اچانک پھر بچایا ھے کسی نادیدہ ہستی نے
مگر کیسے ہوا یہ معجزہ معلوم کرنا ھے
تجھے کچھ یاد ھے کل کب تجھے میں‌ یاد آیا تھا
مجھے اے ماں‌! تیرا وقتِ دعا معلوم کرنا ھے


معجزہ

 

[انیس فاروقی]

جب کھلے اس معجزہ آرا کے لب
بند ہوئے حضرتِ عیسٰی کے لب

-: نظیر اکبر آبادی :-

لب

 

[عثمان رضا]

یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے

زخم

 

[خوشی]

دل پر لگے ہوئے زخموں کا
جاتا نہیں ملال سہیلی



سہیلی

 

[انیس فاروقی]

نہ کوئی خواب نہ سہیلی تھی
اس محبت میں، میں اکیلی تھی
نوشی گیلانی

اکیلی

 

[عثمان رضا]

وہ رُت بھی آئی کہ میں پھول کی سہیلی ہوئی
مہک میں چمپا، روپ میں چنبیلی ہوئی

چنبیلی

 

[شمشاد]

تیرے ہوتے ہوئے اکیلی ہے
جو مرے دل کی یہ حویلی ہے
دل کی باتیں میں جس سے کرتی ہوں
خامشی میری وہ سہیلی ہے
(ناہید ورک)

اکیلا/اکیلی

 

[خوشی]

مجھے یہ کھیل بالکل نہیں پسند ، لفظ پچھلے پوسٹ کیے شعر میں سے اپنی مرضی سے چن لینے میں کیا ہرج ھے


اب چنبیلی سے کیا لکھوں

چنبہ اور چنبیلی یہ کلیاں نئی نویلی

 

[عثمان رضا]

گھپ اندھیرا اور ج۔۔۔ن۔گل ، مَیں اکیلا ہی چلا
ن۔۔۔۔۔ور کی م۔۔۔۔۔دھم ک۔۔۔۔رن کی آس میں چلتا رہا

کرن

 

[شمشاد]

وہ رُت بھی آئی کہ میں پھول کی سہیلی ہوئی
مہک میں چمپا، روپ میں چنبیلی ہوئی

چنبیلی

پھر تمھں روز سنواریں تمھیں بڑھتا دیکھیں
کیوں نہ آنگن میں چنبیلی سا لگا لیں تم کو


آنگن

 

[خوشی]

کرن پہ شعر لکھنا تھا جناب ، بڑا میرا پیغام مس کیا ھے آپ نے

 

[عثمان رضا]

کبھی اترو یوں میرے دل کے کچے آنگن میں
کسی اداس موسم میں کسی ویران لمحے میں

ویران

 

[شمشاد]

مجھے یہ کھیل بالکل نہیں پسند ، لفظ پچھلے پوسٹ کیے شعر میں سے اپنی مرضی سے چن لینے میں کیا ہرج ھے


اب چنبیلی سے کیا لکھوں

چنبہ اور چنبیلی یہ کلیاں نئی نویلی

دیکھ لیں میری کوئی سہیلی بھی نہیں پھر بھی میں نے سہیلی ڈھونڈ نکالی۔

 

[شمشاد]

دور ویران بسیرے میں دیا ہو جیسے
غم کی دیوار سے دیکھا تو لگا عید کا چاند
(ساغر صدیقی)

دیوار