دیئے گئے لفظ پر شاعری

[عثمان رضا]

میں خود زمیں ہوں مگر ظرف آسمان کا ہے
کہ ٹوٹ کر بھی میرا حوصلہ چٹان کا ہے

چٹان

 

[محمود احمد غزنوی]

نہیں تیرا نشیمن قصرِِ سلطانی کے گنبد پر
تو شاہیں ہے بسیرا کر پہاڑوں کی چٹانوں میں
نشیمن

 

[عثمان رضا]

ہے بلندي سے فلک بوس نشيمن ميرا
ابرِ کہسار ہوں گل پاش ہے دامن ميرا

دامن

 

[شمشاد]

اُن سے مفہومِ غمِ زیست ادا ہو شاید
اشک جو دامنِ مژگاں نے سنبھالے ہوں گے
(پرواز جالندھری)

مژگاں

 

[زھرا علوی]

" ستارہء سرِ مژگاں سنمبھال کر رکھنا
بنے گا کل یہی تمہید داستاں کے لیے"۔۔۔

زھراء علوی


فردا

 

[عثمان رضا]

مدت ہوئی ہے یار کو مہماں کئے ہوئے
جوشِ قدح سے بزم چراغاں کئے ہوئے
کرتا ہوں جمع پھر جگرِ لخت لخت کو
عرصہ ہوا ہے دعوتِ مژگاں کئے ہوئے

دعوت

 

[شمشاد]

یہ دنیا دعوت دیدار ہے فرزند آدم کو
کہ ہر مستور کو بخشا گیا ہے ذوق عریانی
(علامہ)

ذوق

 

[عثمان رضا]

"
فردا

اسے اپنی فردا کی فکر تھی
وہ جو میرا واقف حال تھا

ذوق

تری شان بوترابی،میرا ذوق خاکبازی
ترے آستاں پہ لائے مجھے تیری دل نوازی

آستاں

 

[جیا راؤ]

اس ہجوم میں تجھ کو کیا خبر ہوئی ہوگی
کس کو کیا تعلق تھا تیرے آستانے سے


ہجوم

 

[عثمان رضا]

نظر ہو خواہ کتني ہي حقائق آشنا، پھر بھي
ہجوم ِ کشمکش ميں آدمي گھبرا ہي جاتا ہے

جوش ملیح آبادی

آدمی

 

[محمود احمد غزنوی]

آدمی نہیں سنتا آدمی کی باتوں کو
پیکرِ عمل بن کر غیب کی صدا ہوجا

صدا

 

[عثمان رضا]

تیری گلیوں میں صدا دے کر گزر جائیں گے
تجھ کو اے دوست دعا دے کر گزر جائیں گے

دوست

 

[راجہ صاحب]

دوست کیا خوب وفاؤں کا صلہ دیتے ہیں
ہر نئے موڑ پہ اک زخم نیا دیتے ہیں


موڑ

 

[عثمان رضا]

کہاں آ کے رکنے تھے راستے! کہاں موڑ تھا! اسے بھول جا
جو مل گیا اسے یاد رکھ، جو نہیں ملا اسے بھول جا

بھول

 

[راجہ صاحب]

وہ دل ہی کیا جو تجھ سے ملنے کی دعا نا کرے
میں تجھ کو بھول کر زندہ رہوں خدا نا کرے


قتیل شفائی


زندہ

 

[عثمان رضا]

شِدتِ غم میں بھی زندہ ہوں تو حیرت کیسی
کچھ دیے تُند ہواؤں میں بھی لڑ جاتے ہیں

لڑ

 

[شمشاد]

ٹل نہ سکتے تھے اگر جنگ میں اَڑ جاتے تھے
پاؤں شیروں کے بھی میداں سے اُکھڑ جاتے تھے

تُجھ سے سرکش ہوا کوئی، تو بگڑ جاتے تھے
تیغ کیا چیز ہے ہم توپ سے لڑ جاتے تھے
(علامہ)

جنگ

 

[عثمان رضا]

مجھے کب کسی کی امنگ تھی مری اپنے آپ سے جنگ تھی
ہوا جب شکست کا سامنا تو خیال تیری طرف گیا
لیاقت علی عاصم

شکست

 

[شمشاد]

سود و زیاں کا دونوں کو رہتا رہا خیال
اپنی شکست میں بھی خسارا نہیں رہا
(نزھت عباسی)

خسارا

 

[عثمان رضا]

حسابِ عمر کا اتنا سا گوشوارا ہے
تمہیں نکال کے دیکھا تو سب خسارا ہے

نکال