دیئے گئے لفظ پر شاعری

[شمشاد]

عجب زمین ہے عبرت سرائے ہستی کی
ریاض کاٹے ہیں پچھتاوے خواہشیں بو کر
(ریاض مجید)

خواہش

 

[عثمان رضا]

چھوٹی سی خواہش کے پیچھے ساری عمر بتا کر بھی
ہم نے انکے دل میں جگہ نہ پائی حال دل سنا کر بھی

عمر

 

[شمشاد]

ہم سے کیوں مانگے حسابِ جاں کوئی جب عمر بھر
کون ہیں، کیا ہیں، کہاں ہیں؟ ان سوالوں میں رہے
(فراز)

سوال

 

[عثمان رضا]

لبوں پہ کوئی حرف نہ سوال رکھتا تھا
کبھی میں بھی ضبط میں اتنا کمال رکھتا تھا

ظبط

 

[شمشاد]

کچھ ہم بھی تیرے بعد زمانے سے کٹ گئے
کچھ ربط و ضبط بھی خدا سے نہیں رہا
گویا ہمارے حق میں ستم در ستم ہوا
حرفِ دُعا بھی ، دستِ دُعا بھی نہیں رہا
(اعتبار ساجد)

زمانہ

 

[عثمان رضا]

اُس سے بچھڑے ہوئے تو ایک زمانہ بیتا
لیکن اس بات سے تکلیف بڑی ہوتی ہے
کر گئی جس کے لئے ترکٍ تعلق مجھ سے
پا لیا اُس کو تو اب میرے لئے روتی ہے

روتی

 

[شمشاد]

گلے ملا نہ کبھی چاند ، بخت ایسا تھا
ہرا بھرا بدن اپنا درخت ایسا تھا

ستارے سِسکیاں بھرتے تھے، اوس روتی تھی
فسانئہِ جگرِ لخت لخت ایسا تھا
(شکیب جلالی)

سسکی / سسکیاں

 

[عثمان رضا]

زندگی کو نہ بنا لیں وہ سزا میرے بعد
حوصلہ دینا اُنہیں میرے خدا میرے بعد
پھر زمانے میں محبت کی نہ پُر سش ھو گی
روئے گی سسکیاں لے کے وفا میرے بعد

حوصلہ

 

[شمشاد]

چلنے کا حوصلہ نہیں، رُکنا محال کر دیا
عشق کے اس سفر نے تو مُجھ کو نڈھال کر دیا
(پروین شاکر)

نڈھال

 

[عثمان رضا]

انا کی جنگ میں ہم جیت تو گئے لیکن
پھر اس کے بعد بہت دیر تک نڈھال رہے

انا

 

[شمشاد]

دونوں انا کی حد پہ کھڑے بے قرار تھے
اُس کا بھی یہ زوال تھا ، میرا بھی یہ زوال

وہ ہے میری نظر تو رضا اُس کی نظر میں
اُس کا بھی یہ جمال تھا ، میرا بھی یہ جمال
( رضا عباس رضا)


حد

 

[عثمان رضا]

حد جاں سے گزرنا چاہتی ہے
امنگیں رقص کرنا چاہتی ہیں

رقص

 

[سید محمد نقوی]

شوق رقص سے جب تک انگلیاں نہیں کھلتیں
پاؤں سے ہواؤں کے بیڑیاں نہیں کھلتیں

پروین شاکر

پاؤں

 

[عثمان رضا]

تتلیوں کی بے چینی آ بسی ہے پاؤں میں
ایک پل کو چھاؤں میں، اور پھر ہواؤں میں

پل

 

[شمشاد]

اڑتے پنچھی، ڈھلتے سائے، جاتے پل اور ہم
بیرن شام کا تھام کے دامن روز بلائیں تمہیں

دور گگن پر ہنسنے ولے نرمل کومل چاند
بے کل من کہتا ہے آؤ، ہاتھ لگائیں تمہیں
(ظہور نظر)

دامن

 

[عثمان رضا]

کہیں ایسا نہ ہو دامن جلا لو
ہمارے آنسوؤں پر خاک ڈالو
منانا ہی ضروری ہے تو پھر تم
ہمیں سب سے خفا ہو کر منا لو

منانا

 

[شمشاد]

لہر بد گمانی کی پھر کوئی جکڑ لے گی
پھر وہ روٹھ جائے گا، فائدہ منانے سے؟
(ناہید ورک)

لہر

 

[راجہ صاحب]

دکھ کی لہر نے چھیڑا ہو گا
یاد نے کنکر پھینکا ہو گا

ناصر

کنکر

 

[عثمان رضا]

حیراں ہے کوئی روز سے ٹھہرا ہوا پانی
تالاب میں اب کیوں کوئی کنکر نہیں گرتا

قتیل شفائی

پانی

 

[سید محمد نقوی]

پانی پانی کر گئی مجھ کو قلندر کی یہ بات
تو جھکا جب غیر کے آگے نہ تن تیرا نہ من
اقبال

غیر