دیئے گئے لفظ پر شاعری

[شمشاد]

وہ جو اک رفاقت تھی اب کہاں رہی باقی
عمر بھر کا رشتہ بھی دو گھڑی سا لگتا ہے
(نزہت عباسی)

رفاقت

 

[عثمان رضا]

وہ جب آئے گا تو پھر اُس کی رفاقت کے لیے
موسمِ گُل مرے آنگن میں ٹھہر جائے گا
پروین شاکر

آنگن

 

[شمشاد]

بانبی ناگن، چھایا آنگن، گنگھرو چھن چھن، آشا من
آنکھیں کاجل، پربت بادل، وہ زلفیں اور یہ بازو
(جاوید اختر)

پربت

 

[عثمان رضا]

کُوچے کو تیرے چھوڑ کے جوگی ہی بن جائیں مگر
جنگل تیرے، پربت تیرے، بستی تیری، صحرا تیرا
ابن انشاء
صحرا

 

[شمشاد]

جہاں تلک بھی یہ صحرا دکھائی دیتا ہے
مری طرح سے اکیلا دکھائی دیتا ہے
(شکیب جلالی)


اکیلا

 

[راجہ صاحب]

میں اکیلا ہی چلا تھا جانب منزل مگر
لوگ ساتھ آتے گئے اور کارواں بنتا گیا

 

[تیشہ]

راجہ ص ،آپ نے لفظ نہیں دیا ۔۔
اسلئے اب میں اپنی مرضی کا لکھوں گی ۔ ۔

خواب ہی خواب آنکھوں کی دہلیز پر رقص کرتے رہے
سوچ کے کتنے ریشم بنےُ تب کہیں ایک مصرعہ ہوا ۔۔۔۔

لفظ ہے ، خواب ۔،

 

[خواجہ طلحہ]

یہ سوچ کر محبت کے خریدار آگئے
ہم خواب بیچنے سرِ بازار آگئے
بازار

 

[شمشاد]

یوسف نہیں تو مصر کا بازار کس لیے
پھرتے ہیں درد دل کے خریدار کس لیے
(ڈاکٹر محمود الحسن کنجاہی)

خریدار

 

[محمد وارث]

بِک جاتے ہیں ہم آپ متاعِ سخن کے ساتھ
لیکن عیار طبعِ خریدار دیکھ کر
(غالب)

متاع

 

[خواجہ طلحہ]

ترے غم کو متاع حسن انساں کرلیا میں نے
نگار آدمیت کو غزل خواں کرلیا میں نے
غم

 

[راجہ صاحب]

زندہ ہوں اس طرح کہ غمِ زندگی نہیں
جلتا ہوا دِیا ہوں مگر روشنی نہیں


(بہزاد لکھنوی)
اگلا لفظ " دِیا " یعنی چراغ

 

[شمشاد]

پسِ مرگ مرے مزار پر جو دیا کسی نے جلا دیا
اسے آہ دامن باد نے سر شام ہی سے بجھا دیا
(بہادر شاہ ظفر)

شام

 

[راجہ صاحب]

گئی رتوں میں حسن ہمارا بس ایک ہی تو یہ مشغلہ تھا
کسی کے چہرے کو صبح کہنا ،کسی کے گیسو کو شام لکھن


اب "گیسو "

 

[محمد شعیب خٹک]

فراز اس سے وفا مانگتا ہے جاں کے عوض
جو سچ کہیں تو یہ قیمت ذرا زیادہ تھی

 

[راجہ صاحب]

فراز اس سے وفا مانگتا ہے جاں کے عوض
جو سچ کہیں تو یہ قیمت ذرا زیادہ تھی

اجی اس شعر میں گیسو کہاں ہیں

کھیل کے اصول کے مطابق دیا گیا لفظ شعر شامل ہونا ضروری ہے

 

[شمشاد]

چمن کی سیر میں سنبل سے پہلوانی کی
چڑھا کے پیچ پہ اُن گیسوؤں نے دے پٹکا
(حیدر علی آتش)

چمن

 

[راجہ صاحب]

نہ ساز و مطرب نہ جام و ساقی نہ بہار چمن ہے باقی
نگاہ شمع سحر کے پردے پہ نقشہ انجمن ہے باقی

نامعلوم

اگلا لفظ " انجمن "

 

[شمشاد]

زندگی کی انجمن کا بس یہی دستور ہے
بڑھ کے ملیے اور مل کر دور جاتے جائیے
(جون ایلیا)

زندگی

 

[راجہ صاحب]

لمحہ لمحہ ماتمی ہے آجکل
زندگی کیا زندگی ہے آجکل

خواب کی تعبیر کوئی کیا لکھے
دھول کاغذ پر جمی ہے آجکل

نامعلوم

" لمحہ "