دیئے گئے لفظ پر شاعری

[شمشاد]

لے تو لوں سوتے میں اس کے پاؤں کا بوسہ، مگر
ایسی باتوں سے وہ کافر بدگماں ہو جائے گا
(چچا)


بوسہ

 

[محمد شعیب خٹک]

بوسہ گال کی قیمت میری جاں ٹھہری ہے
چیز کتنی سی ہے اور کتنی گراں ٹھہری ہے
چھیڑ کر پھر مجھے مصروف نہ کر نالوں میں
دو گھڑی کے لئے صیّاد زباں ٹھہری ہے
آہِ پُر سوز کو دیکھ اے دلِ کمبخت نہ روک
آگ نکلی ہے لگا کر جہاں یہ ٹھہری ہے
صبح سے جنبشِ ابرو و مژدہ سے پیہم
نہ تیرے تیر رکے ہیں نہ کماں ٹھہری ہے
دم نکلنے کو ہے ایسے میں وہ آ جائیں قمرؔ
صرف دم بھر کے لیے روح رواں ٹھہری ہے

اگلا لفظ : روح

 

[جٹ صاحب]

ہم تو اُسے روح سے حاصل کرنا چاہتے ہیں
جسم تو سرِ بازار بِکا کرتے ہیں

اگلا لفظ: سرِبازار

 

[محمد شعیب خٹک]

سرِبازار لُٹ کر بھی دہائی اب نہیں دیتے
مرے لوگوں کو دکھ اپنے دکھائی اب نہیں دیتے
سرِ محشر کوئی خلقِ خدا سے کیا نباہے گا
یہاں ملزم خود اپنی بھی صفائی اب نہیں دیتے
کبھی چشمِ شناسا کی طرح جو ہنس کے ملتے تھے
وہ آئینے بھی دادِ آشنائی اب نہیں دیتے
جو منظر تھے وہ پس منظر میں پنہاں ہوتے جاتے ہیں
تماشے میں تماشائی دکھائی اب نہیں دیتے
ہماری سرحدوں سے شہ رگوں تک آن پہنچے ہیں
محافظ اپنے پنجوں سے رہائی اب نہیں دیتے
گلِہ کس کس کی رخصت کا سعید اس دشت میں کیجئے
ہمیں خود اپنے سائے بھی دکھائی اب نہیں دیتے

اگلا لفظ: دہائی

 

[شمشاد]

اس راہ میں جو سب پہ گزرتی ہے وہ گزری
تنہا پسِ زنداں، کبھی رسوا سرِ بازار
(فیض احمد فیض)

 

[شمشاد]

کوئی کرے تو کہاں تک کرے مسیحائی
کہ ایک زخم بھرے دوسرا دہائی دے
(عبد اللہ علیم)

زخم

 

[جٹ صاحب]

زخمِ تنہائی میں خوشبوئے حنا کس کی تھی
سایہ دیوار پہ میرا تھا، صدا کس کی تھی

دیوار

 

[محمد شعیب خٹک]

ہر ايک زخم کا چہرہ گلاب جيسا ہے
مگر يہ جاگتا منظر بھي خواب جييسا ہے

يہ تلخ تلخ سا لہجہ، يہ تيز تيز سي بات
مزاج يار کا عالم شراب جيسا ہے

مزاج

 

[جٹ صاحب]

مزاجِ وقت کی کب تک حقارتیں سہتی
انا شناس تھی، وہ تو کب کی مر گئی ہوگی

حقارت

 

[شمشاد]

دل جلوں کو کبھی دیکھے نہ حقارت سے کوئی
کام کے ہم کو تو اکثر یہی ناکام ملے
(سرور عالم راز)


ناکام

 

[جٹ صاحب]

ناکام کوشش کیا کرتے ہیں
ہم انہی سے محبت کیا کرتے ہیں
خدا نے تقدیر میںاک ٹوٹا تارا نہیں لکھا
ہم چاند کی آرزو کیا کرتے ہیں

کوشش

 

[شمشاد]

ہے مسلسل جہد کا باعث حیات
ایک کوشش سے ملے پائندگی کیا
(نزہت عباسی)


حیات

 

[محمد شعیب خٹک]

آپ کی آنکھ سے گہرا ہے میری رُوح کا زخم
آپ کیا سوچ سکیں گے میری تنہائی کو
میں تو دَم توڑ رہا تھا مگر افسردہ حیات
خود چلی آئی میری حوصلہ افزائی کو
لذتِ غم کے سوا تیری نگاہوں کے بغیر
کون سمجھا ہے میری زخم کی گہرائی کو

تنہائی

 

[شمشاد]

تنہائی سی تنہائی ہے کیسے کہیں کیسے سمجھائیں
چشم و لب و رخسار کی تہ میں روحوں کے ویرانے ہیں
(ابن صفی)

روح

 

[محمد شعیب خٹک]

اُس نے جلتی ہوئی پیشانی پر جب ہاتھ رکھا
روح تک آگئی تاثیر مسیحائی کی

پیشانی

 

[شمشاد]

تو نے دیکھی ہے وہ پیشانی، وہ رخسار، وہ ہونٹ
زندگی جن کے تصور میں لٹا دی ہم نے
(فیض)

تصور

 

[محمد شعیب خٹک]

پھر میرے ذہن میں اشعار اُترتے آئیں
میں تصور میں سنواروں تیری الجھی زلفیں
اور ان زلفوں میں پھر شب کی سیاہی بھر دوں
تیرے چہرے کو کسی چاند سے تشبیہ دے کر

تشبیہ

 

[شمشاد]

الجھ رہا ہے تو الجھے گروہِ تشبیہات
بس اور کچھ نہ کہوں گا ادا کہوں گا تمہیں
(جمیل الدین عالی)

 

[جٹ صاحب]

نرم آواز، بھلی باتیں، مہزب لہجے
پہلی بارش میں ہی یہ رنگ اُتر جاتے ہیں


بارش

 

[شمشاد]

بارشِ وصل وہ ہوئی سارا غبار دھل گیا
وہ بھی نکھر نکھر گیا، ہم بھی نکھر نکھر گئے
(عدیم ہاشمی)