دیئے گئے لفظ پر شاعری

[محمد شعیب خٹک]

شب وصل تھی، چاندنی کا سماں تھا
بغل میں صنم تھا، خدا مہربان تھا
(آتش حیدر علی)

اگلا لفظ: صنم

 

[راجہ صاحب]

صحن کعبہ بھی یہیں ہے تو صنم خانے بھی
دل کی دنیا میں گلستان بھی ہیں ویرانے بھی

گلستان

 

[شمشاد]

خدا کے واسطے پردہ نہ کعبہ سے اٹھا ظالم
کہیں ایسا نہ ہو یاں بھی وہی کافر صنم نکلے
(چچا)


کافر

 

[محمد شعیب خٹک]

امیر شہر کی نظروں میں سرکش و مفسد
خطیب شہر کے خطبوں میں کافرو مرتد
(فراز)

اگلالفظ: خطیب

 

[شمشاد]

بادشہ کا نام لیتا ہے خطیب
اب عُلوِّ پایۂ مِنبر کھلا
سِکۂ شہ کا ہوا ہے رو شناس
اب عِیارِ آبروئے زر کھلا
(چچا)

عیار

 

[محمد شعیب خٹک]

عقل عیار ہے ، سو بھیس بدل لیتی ہے
عشق بےچارہ نہ زاہد، نہ ملا، نہ حکیم
(اقبال)

اگلا لفظ: زاہد

 

[شمشاد]

ہے اب بھی وقت زاہد، ترمیم زہد کر لے
سوئے حرم چلا ہے انبوہِ بادہ خواراں
(فیض)

حرم

 

[محمد شعیب خٹک]

نیل کے ساحل سے لےکر تا بہ خاک کاشغر
ایک ھوں مسلم حرم کي پاسبانی کے لیے

پاسبانی

 

[شمشاد]

خٹک صاحب یہ کاشگر نہیں کاشغر ہے۔
-----------------------------------------------------

اچھا ہے دل کے ساتھ رہے پاسبان عقل
لیکن کبھی کبھی اسے تنہا بھی چھوڑ دے
(علامہ)

عقل

 

[محمد شعیب خٹک]

خٹک صاحب یہ کاشگر نہیں کاشغر ہے۔
-----------------------------------------------------

اچھا ہے دل کے ساتھ رہے پاسبان عقل
لیکن کبھی کبھی اسے تنہا بھی چھوڑ دے
(علامہ)

عقل

شکریہ
مجھے بھی ڈاؤ ٹ تھا۔ تصحیح کردی۔

 

[محمد شعیب خٹک]

عقل کو تنقید سے فرصت نہیں
عشق پر اعمال کی بنیاد رکھ

عشق دے جھلے ای نمبر لے گئے
عقل منداں ایویں عمراں گالیاں

تنقید

 

[شمشاد]

معذرت چاہتا ہوں ابھی تک مجھے کوئی شعر نہیں ملا جس میں “تنقید“ آتا ہو۔

لفظ ایسا دینا چاہیے جو عام ہو تا کہ کھیل چلتا رہے۔

 

[جٹ صاحب]

عقل کو تنقید سے فرصت نہیں
ارے عشق پر اعمال کی بنیاد رکھ

بنیاد

 

[شمشاد]

نگاہِ عجز سرِ رشتۂ سلامت ہے
وفا مقابل و دعوائے عشق بے بُنیاد
(چچا)


نگاہ

 

[محمد شعیب خٹک]

لذتِ غم کے سوا تیری نگاہوں کے بغیر
کون سمجھا ہے میرے زخم کی گہرائی کو

زخم

 

[شمشاد]

انسان کی ساری ہستی کا مقصود ہے فانی ایک نظر
یعنی وہ نظر جو دل میں اُتر کر زخم بنی، مرہم نہ ہوئی
(فانی بدایونی)

مرہم

 

[جٹ صاحب]

پہلے میں اور تُم تھے، اب ہم ہو گئے
وہ میرے زخموں* کا مرہم ہو گئے

 

[جٹ صاحب]

اگلا لفظ

پہلے

 

[راجہ صاحب]

جناب اگلا لفظ بھی تو دیتے جائیں

 

[راجہ صاحب]

اگلا لفظ

پہلے

بجھتا ہے اب چراغ تو ، ملال کیوں
پہلے ہی دیکھنا تھا ہوا سامنے کی ہے

دیکھنا