دیئے ہوئے لفظ پر شاعری۔۔

[الف عین]

وہ ہوا بیمار واں، اور یاں میں اچھا ہوگیا
لو عدو کے درد سے میرا مداوا ہوگیا
بیان میرٹھی

مداوا

 

[عمر سیف]

جان رکھا تھا ہم نے کس کو دعا؟
پر طبیب اب دعا کس طور کریں
دل کے اس درد کا میرے مداوا
چارہ گر جلدی سے کچھ اور کریں


اب دُعا

 

[محمد وارث]

گر تجھ کو ہے یقینِ اجابت، دعا نہ مانگ
یعنی، بغیر یک دلِ بے مدعا نہ مانگ

(غالب)

مدعا

 

[محمد وارث]

جان رکھا تھا ہم نے کس کو دعا؟
پر طبیب اب دعا کس طور کریں
دل کے اس درد کا میرے مداوا
چارہ گر جلدی سے کچھ اور کریں


اب دُعا

بہت اچھے اشعار ہیں ضبط صاحب، کچھ شاعر کا نام بھی بتائیں؟

 

[عمر سیف]

معلوم نہیں ۔ ون اردو پہ آپ کی ہی پوسٹ کاپی کی ہے۔ آپ کو بہتر معلوم ہوگا۔

 

[محمد وارث]

معلوم نہیں ۔ ون اردو پہ آپ کی ہی پوسٹ کاپی کی ہے۔ آپ کو بہتر معلوم ہوگا۔

بہت شکریہ، یہ اشعار اسی نا چیز کے ہیں، بہت خوشی ہوئی مجھے اپنے شعر یہاں دیکھ کر۔

 

[عمر سیف]

اچھی بات ہے۔

 

[سارہ خان]

گر تجھ کو ہے یقینِ اجابت، دعا نہ مانگ
یعنی، بغیر یک دلِ بے مدعا نہ مانگ

(غالب)

مدعا

کہوں جو حال تو کہتے ہو "مدعا کہیے "
تمہیں کہو کہ جو تم یوں کہو تو کیا کہیے؟
نہ کہیو طعن سے پھر تم کہ "ہم ستمگر ہیں "
مجھے تو خو ہے کہ جو کچھ کہو "بجا" کہیے


اب حال

 

[فرحت کیانی]

اسے شعر سننے کا شوق تھا۔ مجھے عرضِ حال کا ذوق تھا
اسی ذوق و شوق نے ایک دن اسے دل کا حال سنا دیا۔

شوق

 

[محمد وارث]

مرے دل میں ہے غالب شوقِ وصل و شکوہء ہجراں
خدا وہ دن کرے جو اس سے میں یہ بھی کہوں، وہ بھی

اب غالب

 

[سارہ خان]

غالب برا نہ مان جو واعظ برا کہے
ایسا بھی کو ئی ہے کہ سب اچھا کہیں جسے؟

اب برا

 

[محمد وارث]

میں نے مانا کہ کچھ نہیں غالب
مفت ہاتھ آئے تو برا کیا ہے

اب غالب

 

[سارہ خان]

ہوگا کوئی ایسا بھی کہ غالب کو نہ جانے؟
شاعر تو وہ اچھا ہے پہ بدنام بہت ہے


اب اچھا

 

[محمد وارث]

ہم کو معلوم ہے جنت کی حقیقت لیکن
دل کے خوش رکھنے کو غالب یہ خیال اچھا ہے

اب غالب

 

[سارہ خان]

سرورِ مئے پہ بھی غالب رہا شعور مرا
کہ ہر رعایتِ غم ذہن میں رکھی میں نے
( جون ایلیا)

اب غم

 

[عمر سیف]

میرا غم اور میری ہر خوشی تم سے ہے
جانِ من یہ میری زندگی تم سے ہے

اب خوشی

 

[محمد وارث]

کیوں نہ دنیا کو ہو خوشی غالب
شاہِ دیندار نے شفا پائی

اب غالب

 

[نوید ملک]

آ ہی جاتا وہ راہ پر غالب
کوئی دن اور بھی جیے ہوتے

دن

 

[محمد وارث]

ناداں ہو جو کہتے ہو کہ کیوں جیتے ہیں غالب
قسمت میں ہے مرنے کی تمنا کوئی دن اور

اب غالب

 

[نوید ملک]

ہوئی مدت کہ غالب مر گیا پر یاد آتا ہے
وہ ہر بات پہ کہنا کہ یوں ہوتا تو کیا ہوتا

یوں