زندگی

[راجہ صاحب]

گیلے کاغذ کی طرح ٹھری ہے زندگی اپنی
کوئی لکھتا بھی نہیں‌ کوئی جلاتا بھی نہیں‌

 

[شمشاد]

روشنی سے ہو گی اب تابندگی کیا
زندگی کو مل سکے گی زندگی کیا
(نزھت عباسی)

 

[ہما]

یہی ہے زندگی کچھ خاک ، چند امیدیں
انہی کھلونوں سے تُم بھی بہل سکو تو چلو ​

 

[راجہ صاحب]

ان بہاروں کے سائے میں آجا
پھر محبت جواں رہے نہ رہے
زندگی تیرے نامرادوں پر!
کل تلک مہرباں رہے نہ رہے

 

[راجہ صاحب]

زندگی کس کے بھروسے پہ محبت میں کروں
اک دلِ غم زدہ ہے سو بھی ہے آفات کے بیچ

 

[شمشاد]

اٹھا تھا زندگی پر ہاتھ میرا
گریبان پر خود اپنے جا پڑا ہے
(مظفر وارثی)

 

[راجہ صاحب]

تجھے یہ غم کہ مری زندگی کا کیا ہوگا
مجھے یہ ضد کہ مداوا نہ کر سکے تو بھی

 

[شمشاد]

مجھے زندگی سے نکال کے
کبھی تو بھی شاد رہا نہیں

میں نے زندگی کو برت لیا
مجھے اب کسی سے گلہ نہیں
(نزھت عباسی)

 

[راجہ صاحب]

زندگی کے بند دروازوں سے ٹکرانے کے بعد
راستے کچھ عقل و دل کے درمیاں سے مل گئے

 

[شمشاد]

منتِ حضرتِ عیسےٰ نہ اٹھائیں گے کبھی
زندگی کے لیے شرمندہء احساں ہوں گے؟
(مومن خان مومن)

 

[راجہ صاحب]

اے زندگی اب اور کوئی تجربہ کہ ہم
تریاق ِ عشق و زہر ِ زمانہ چشیدہ ہیں
(فراز)

 

[تیشہ]

زندگی اوڑھ کے بیٹھی تھی ردائے شب ِغم
تیرا غم ٹانک دیا ہم نے ستارے کی مثال


ناسپاسی کی بھی حد ہے جو یہ کہتے ہو فراز
زندگی ہم نے گزاری ہے گزارے کی مثال ،

 

[عمر سیف]

جو زہر پی چکا ہوں تم ہی نے دیا مجھے
اب تم تو زندگی کی دعائیں مجھے نہ دو ۔۔

 

[شمشاد]

خوش آمدید ضبط، بہت دنوں بعد آئے، کہیے کیسے ہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زن۔۔دگ۔۔ی زن۔۔دہ دل۔۔۔ی کا ن۔ام ہے
مردہ دل کیا خاک جیا کرتے ہیں

 

[عمر سیف]

الحمد اللہ خیریت سے ۔۔ آپ ؟؟

 

[شمشاد]

الحمد للہ، دعاؤں میں یاد رکھا کریں۔

 

[عمر سیف]

انشاءاللہ ۔۔

 

[زونی]

وہی قافلے ، وہی راستے ، وہی زندگی وہی مرحلے
مگر اپنے اپنے مقام پر کبھی تم نہیں کبھی ہم نہیں

 

[شمشاد]

اس قدر دنیا کے دکھ اے خوبصورت زندگی
جس طرح تتلی کوئی مکڑی کے جالوں میں‌رہے
(فراز)

 

[تیشہ]

کر گیا ہے تمھارا نام اداس
ہوگئی ہے ہماری شام اداس

دشت کے دشت ہیں سبھی ویران
شہر کے شہر ہیں تمام اداس

کوئی تخصیص ہی نہیں اب تو
اب تو پھرتا ہے خاص و عام اداس

زندگی میں تیرا سفر بےچین
دل کے اندر تیرا قیام اداس

آگیا ہے تمھارا ذکر جہاں
ہو گیا ہے میرا کلام اداس
میں وہی خوش مزاج ہوں لیکن
اے ہوا آج مجھکو تھام اداس ،