زندگی

[شمشاد]

نغمہ ہائے غم کو ہی اے دل غنیمت جانیے
بے صدا ہو جائے گا یہ سازِ زندگی ایک دن
(چچا)

 

[SamirAhmed]

سخت ترین جہاد

سخت ترین جہاد غصے پر قابو پانا ہے

 

[SamirAhmed]

حق

مزدور کو اس کی اجرت اس کا پسینہ خشک ہونے سے پہلے دے دو

 

[شمشاد]

سمیر صاحب آپ نے غالباً میرا پیغام نہیں پڑھا جو میں نے اوپر لکھا ہے۔

بھائی جی عنوان کا خیال رکھیں اور دھاگے کو اسی کے مطابق چلنے دیں۔

 

[SamirAhmed]

حق

مزدور کو اس کی اجرت اس کا پسینہ خشک ہونے سے پہلے دے دیا کرو

 

[شمشاد]

بھائی جی یہ تیسری دفعہ آپ سے درخواست کر رہا ہوں اور آپ ہیں کہ سمجھ ہی نہیں رہے۔

 

[عیشل]

نکالا مجھ کو جنت سے فریب ِ زندگی دے کر
دیا پھر شوقِ جنت،یہ حیرانی نہیں جاتی​

 

[شمشاد]

کوئی حریف غم زندگی نہیں دیکھا
حریف یوں تو بہت آزمائے کیا کہئے
(سرور)

 

[ہما]

زندگی رہ گئی ان بازوؤں‌میں‌ڈول کر
جب ملیں‌تنہائیاں ہم رو دیئے دِل کھول کر

 

[شمشاد]

دائم پڑا ہُوا ترے در پر نہیں ہُوں میں
خاک ایسی زندگی پہ کہ پتھر نہیں ہُوں میں
(چچا)

 

[ہما]

زندگی جبرِ مُسلسل کی طرح کاٹی ہے
جانے کس جُرم کی پائی ہے سزا یاد نہیں
ساغر صدیقی

 

[شمشاد]

دی مرے بھائی کو حق نے از سرِ نَو زندگی
میرزا یوسف ہے ، غالب ! یوسفِ ثانی مجھے
(چچا)

 

[ہما]

زندگی تجھ سے اُمیدِوفا کیا رکھوں
جب مُجھے چھوڑ گئے دوست پُرانے میرے

 

[شمشاد]

زہر لگتی ہے مجھے آب و ہوائے زندگی
یعنی تجھ سے تھی اسے نا سازگاری ہائے ہائے
(چچا)

 

[عمر سیف]

زندگی تجھ سے تو اپنی کوئی قیمت نہ لگی
موت آئے گی تو کر جائے گی مہنگا ہم کو

 

[نوید صادق]

زندگی ہووے گی کس طرح سے یا رب اپنی
دم میں سو بار اگر یوں وہ خفا ہووے گا

شاعر: میر تسکین

 

[نوید صادق]

ہوا بدل گئی پیری میں نوجوانی کی
بہار دیکھ چکے باغِ زندگانی کی

شاعر: امداد علی بحر

 

[شمشاد]

امیدوں کی دنیا میں گُم ہو گیا ہوں
غمِ زندگی سے کہو لَوٹ جائے
(سرور)

 

[نوید صادق]

بڑے بروں کو رام زندگی فریب دے گئی
کسی پہ خاک دال کر، کسی کو پھول مار کے

شاعر: رام ریاض

 

[شمشاد]

اچھا کیا جو آپ نے مجھ کو بھلا دیا
تھا زندگی میں اک یہی کانٹا لگا ہوا
(سرور)