زیرک کے پسندیدہ اشعار

[زیرک]

ہمدردئ احباب سے ڈرتا ہوں مظفرؔ
ميں زخم تو رکھتا ہوں، نمائش نہيں کرتا
مظفر وارثی​

 

[زیرک]

اپنے پہ ہنسوں گا کبھی لوگوں پہ ہنسوں گا
گویا کہ مداری کے تماشوں پہ ہنسوں گا​

 

[زیرک]

مجھے سمجھاؤ گے ٹھوکر کا مطلب؟
میں ایک عرصے تلک پتھر رہا ہوں
احمد کامران​

 

[زیرک]

عشق میں کارِ ہوس، استغفار
جسم کی بھوک نِگل ،اور نکل
احمد کامران​

 

[زیرک]

چند پیڑوں کو ہی مجنوں کی دعا ہوتی ہے
سب درختوں پہ تو پتھر نہیں آیا کرتا
احمد کامران​

 

[زیرک]

رویہ دیکھ کر بیٹوں کا، بوڑھے کو خیال آیا
جو بارش بند ہو جائے تو چھتری بوجھ لگتی ہے​

 

[زیرک]

تلخ یادوں سے بہرحال گریزاں تو نہیں
اوڑھ لی لب پہ ہنسی غم کا لِبادہ کر کے​

 

[زیرک]

ہے زیست کی تلخی یا غمِ ہجر کا اعجاز
اب شعر محبت کے مزا کیوں نہیں دیتے​

 

[زیرک]

اداسی چیختی ہے قہقہوں میں
ہمارا درد سب سے مختلف ہے​

 

[زیرک]

تمہاری شاعری کیا ہے بھلا، بھلا کیا ہے
تم اپنے دل کی اداسی کو گانے لگتے ہو​

 

[زیرک]

میں تھا ہجومِ شہر میں تنہا، اداس سا
اور لوگ تھے کہ پاؤں تلے روندتے رہے​

 

[زیرک]

کتنی آسانی سے کچھ لوگ گنوا دیتے ہیں
اتنی مشکل سے کمائے ہوئے مخلص رشتے
اعتبار ساجد​

 

[زیرک]

دینا ہے امتحان تمہارے فراق کا
اب صبر کا نصاب ضروری سا ہو گیا
اعتبار ساجد​

 

[زیرک]

شہر میں ہم نے سنا ہے کہ ترے شعلہ نوا
کچھ سلگتے ہوئے نغمات لیے پھرتے ہیں
اعتبار ساجد​

 

[زیرک]

صدیوں پہلے کوئی سقراط تھا اور اب تم ہو
جامِ شیریں ہی پیو، زہر تو پینے سے رہے
اعتبار ساجد​

 

[زیرک]

وہ راحتِ جاں ہے مگر اس دربدری میں
ایسا ہے کہ اب دھیان اُدھر بھی نہیں جاتا
احمد فراز​

 

[زیرک]

یار و اغیار کے ہاتھوں میں کمانیں تھیں فرازؔ
اور سب دیکھ رہے تھے کہ نشانہ تُو تھا
احمد فراز​

 

[زیرک]

مانگے تانگے کی قبائیں دیر تک رہتی نہیں
یار لوگوں کے لقب القاب مت دیکھا کرو
احمد فراز​

 

[زیرک]

وہ ہمیں بھول گیا ہو تو عجب کیا ہے فراز
ہم نے بھی میل ملاقات کی کوشش نہیں کی
احمد فراز​

 

[زیرک]

اُس کو دیکھنا، دیکھتے رہنا کافی تھا
لوٹ آیا ہوں دل میں لے کر دل کی بات
احمد فراز​