زیرک کے پسندیدہ اشعار

[زیرک]

اب تک یہی سناتھا کہ بازار بک گئے
اس کی گلی گئےتو خریدار بک گئے​

 

[زیرک]

رویہ دیکھ کر بیٹوں کا، بوڑھے کو خیال آیا
جو بارش بند ہو جائے تو چھتری بوجھ لگتی ہے​

 

[زیرک]

دل کبھی خواب کے پیچھے، کبھی دنیا کی طرف
ایک نے اجر نہ دیا، ایک نے اجرت نہیں دی​

 

[زیرک]

تمہارا ہجر مکمل کریں گے تیزی سے
سو ہر طرح کی اذیت پہ کام جاری ہے​

 

[زیرک]

کبھی وقت ملے تو ان کے قریب بیٹھا کر
جو لوگ عشق میں 'بابا فرید' ہوگئے ہیں​

 

[زیرک]

سنگ کو شیشہ بنانے کا ہنر جانتے ہیں
اوراس کام کی اجرت بھی نہیں مانگتے ہم​

 

[زیرک]

اس نے دیوار پہ مٹی کا 'دِیا' کیا رکھا
روشنی مجھ کو بلانے مِرے گھر تک آئی​

 

[زیرک]

ہزار طرح کی مے پی ہزار طرح کے زہر
نہ پیاس ہی بجھی اپنی، نہ حوصلہ نکلا
خلیل الرحمٰن اعظمی​

 

[زیرک]

کون سی خاک ہے یہ جانے کہاں کا ہے خمیر
اک نئے سانچے میں ہر روز ہی ڈھلتے گزری
خلیل الرحمٰن اعظمی​

 

[زیرک]

تُو نہ جاگا مگر اے دل تِرے دروازے پر
ایسا لگتا ہے کوئی پچھلے پہر آیا تھا
خلیل الرحمٰن اعظمی​

 

[زیرک]

میں جیتا تو پائی کسی سے نہ داد
میں ہارا تو گھر پر بڑی بھیڑ تھی
خلیل الرحمٰن اعظمی​

 

[زیرک]

ہمیں تو راس نہ آئی کسی کی محفل بھی
کوئی خدا، کوئی ہمسایۂ خدا نکلا
خلیل الرحمٰن اعظمی​

 

[زیرک]

ہزاروں خواہشوں کی بستیاں مسمار کرنی ہیں
اسی ملبے سے پھر اک جھونپڑا تعمیر کرنا ہے​

 

[زیرک]

شہرِ سخن میں عام ہے طرزِ منافقت
بہتر یہی ہے ترک کروں شاعری کو میں
فیروز ناطق خسرو​

 

[زیرک]

کھینچ لائے ہو کربلا میں مجھے
اور مدینے کی بات کرتے ہو ؟
مصطفیٰ تقوی​

 

[زیرک]

گزر رہا ہے تو آنکھیں چرا کے یوں نہ گزر
غلط بیاں بھی بہت رہگزر میں ہوتے ہیں
عزیز حامد مدنی​

 

[زیرک]

میں تو اس کافر کا ہو کر رہ گیا اے ہمدمو
تم تلاشِ آدمی میں دور تک جایا کرو
عزیز حامد مدنی​

 

[زیرک]

کاذب صحافتوں کی بجھی راکھ کے تلے
جھلسا ہوا ملے گا ورق در ورق ادب
عزیز حامد مدنی​

 

[زیرک]

یہ بات عام روش کے خلاف کرتا ہوں
میں اپنے جہل کا خود اعتراف کرتا ہوں
ساحر لکھنوی​

 

[زیرک]

ڈوبیں گے جو بحرِ غمِ شبیرؑ میں ہم
کوثر پہ پہنچ جائیں گے بہتے بہتے
ساحر لکھنوی​