سفرِ سوات۔ 2016

[یاز]

اور جب شانگلہ ٹاپ سے بشام اور الپوری کی جانب اترائی کا سفر شروع ہوا تو بہت ہی خوبصورت مناظر دیکھنے کو ملے۔

 

[یاز]

 

[یاز]

 

[یاز]

اور جب الپوری دکھائی دیا تو ہم دیکھتے ہی رہ گئے۔ کیا ہی کمال کی لوکیشن ہے اس قصبے کی۔

 

[یاز]

الپوری کا بازار کافی مختصر سا تھا اور نسبتاً صاف ستھرا محسوس ہوا۔

الپوری سے کچھ آگے

 

[یاز]

ایک چیز جو ہمیں اس پورے سفر میں بہت شاندار لگی کہ سب جگہوں یعنی سوات اور شانگلہ میں گھروں کی چھتوں کو بہت خوبصورت رنگوں میں پینٹ کیا گیا تھا۔ یہ چیز پہلے نہیں ہوتی تھی۔ عموماً بغیر پینٹ کے سلور رنگ کی چھتیں ہی دیکھنے کو ملتی تھیں۔

 

[یاز]

سبزہ اور اس کے بیچ رنگ برنگے گھر

کئی پل بھی بہت خوبصورت رنگوں میں رنگے گئے تھے۔

 

[یاز]

بشام سے تقریباً پندرہ بیس کلومیٹر پہلے سڑک پہ چند مقامات آئے جہاں سیلاب کی وجہ سے سڑک کا کچھ حصہ کٹاؤ کا شکار ہو گیا تھا۔ تاہم یہاں بھی گاڑیاں آسانی سے گزر رہی تھیں

 

[یاز]

کچھ آگے چلے تو ایک درمیانے سائز کا ہائیڈرو پاور ڈیم دکھائی دیا۔ گھر جا کے گوگل ارتھ پہ سرچ کیا تو علم ہوا کہ یہ خان خواڑ ہائیڈروپاور پراجیکٹ ہے، جو چند سال قبل مکمل ہوا تھا اور 100 میگا واٹ سے کچھ زیادہ کیپسٹی کا ہے۔
چونکہ ایسی جگہوں کی تصویرکشی ہمارے ہاں ممنوعات میں سے ہوتی ہے، تو ہم نے چلتی گاڑی سے ہی دو تین تصاویر بنائیں۔

 

[یاز]

اور آخرکار بشام پہنچ ہی گئے۔

مائٹی قراقرم ہائی وے

 

[یاز]

بشام سے کھانا کھا کے چلے تو شام سے کچھ ہی پہلے چھترپلین نامی جگہ پہ چائے کا وقفہ کیا۔ اس ٹرپ کی آخری تصاویر اسی جگہ کی ہیں۔ اس کے بعد ساڑھے پانچ گھنٹے کی مسلسل ڈرائیو کے بعد رات کو ایک بجے راولپنڈی پہنچے۔

 

[یاز]

اس کے ساتھ ہی تصویری سفرنامے کا یہ سلسلہ اختتام پذیر ہوا۔

 

[زیک]

زبردست تصاویر ہیں یاز۔

 

[سید عمران]

بشام سے کھانا کھا کے چلے تو شام سے کچھ ہی پہلے چھترپلین نامی جگہ پہ چائے کا وقفہ کیا۔ اس ٹرپ کی آخری تصاویر اسی جگہ کی ہیں۔ اس کے بعد ساڑھے پانچ گھنٹے کی مسلسل ڈرائیو کے بعد رات کو ایک بجے راولپنڈی پہنچے۔

چھتر پلین بهی خوبصورت جگہ ہے..
الپوری میں قیام ہوتا تو مضافات کی تصاویر بهی دیکھنے کو مل جاتیں...
ہہ جگہیں بهی زبردست ہیں!!!

 

[یاز]

زبردست تصاویر ہیں یاز۔

پسندیدگی کا شکریہ جناب۔

 

[یاز]

چھتر پلین بهی خوبصورت جگہ ہے..
سلسلپوریپوری

جی بالکل جناب۔
نجانے کیوں دوسری سطر کی عبارت کا مفہوم جاننے سے قاصر ہوں ۔

 

[نوشاب]

یاز بھائی
اتنی خوبصورت سیر کرائی ہے کہ دل کو چھو لیا ہے آپ نے ۔
بلاشبہ بہترین تصویریں اور قدرت کا شاندار شاہکار

ہیں یہ جگہیں۔
اللہ سب کو ان جگہ پر جانے کی اور اپنی حمد و ثنا ء کرنے کی توفیق عطا فرمائے ۔ آمین۔

 

[نوشاب]

اس شاہکار تصویر میں اللہ نے آسمان، بادل، پہاڑ ،درخت ،دریا ،سبزہ،غرض ہر چیز سمو دی ہے ۔

 

[سید عمران]

جی بالکل جناب۔
نجانے کیوں دوسری سطر کی عبارت کا مفہوم جاننے سے قاصر ہوں ۔

پورا ٹائپ ہونے سے پہلے سینڈ کا بٹن ٹچ ہوگیا..
اصل عبارت یہ ہے کہ الپوری میں قیام ہوتا تو وہاں کی تصاویر بهی دیکھنے کو ملتیں..

 

[محمد تابش صدیقی]

بہت عمدہ یاز بھائی. زبردست. مزا آ گیا. کچھ جگہوں پر جانا ہوا تھا تو یاد بھی تازہ ہوئی اور کئی نئی جگہوں کا تعارف بھی ہوا.