سوات میں جو کچھ کیا جا رہا ہے اس میں پاکستان کی انٹیلی جنس ایجنسیاں پوری طرح شامل ہیں۔ یہ طالبان کا ہوا کیوں کھڑا کیا جارہا ہے اس کی کئی وجوہ ہو سکتی ہیں لیکن کیا ان کے تخلیق کاروں میں انہیں قابو میں رکھنے کی استطاعت ہے، یہ سوال ہے جس کا جواب کم ازکم میرے تئیں نفی میں ہے۔ میرے خیال میں یہ سب ڈرامہ ایک تو امریکہ سے زیادہ ڈالر کھینچنے کے لئے کیا جارہا ہے اور اس کے لئے مغرب کے اس خدشہ کو کہ پاکستان کے ایٹمی ہتھیار انتہا پسندوں کے قبضے میں جاسکتے ہیں پوری طرح استعمال کیا جارہا ہے۔ دوسری جانب امریکہ اور بھارت بلوچ سرداروں کے ساتھ مل کر جو کھیل بلوچستان میں کھیل رہے ہیں، اس کے توڑ کے لئے بھی فوج کی بجائے طالبان کو استعمال کیا جائے گا اس طرح بلوچ عوام کے جذبات کو فوج کے خلاف بھڑکنے سے روکا جاسکے گا۔ ایک اور فائدہ ان کا یہ ہوگا کہ جب امریکہ افغانستان سے جائے گا تو یہی طالبان پھر وہاں ایک طالبانی حکومت قائم کرنے کے لئے استعمال کئے جائیں گے اور بوقت ضرورت انہیں کشمیر بھی بھیجا جاسکتا ہے۔ سب کچھ بہت اچھا لگتا ہے لیکن میرا سوال یہ ہے کہ اسلام آباد سے پچاس میل دور قابض ہونے کے بعد طالبان فوج کی لڑائی لڑنے کی بجائے اسلام آباد پر ہی قابض کیوں نہ ہوناچاہیں گے؟ تاریخ میں ایک سے زائد مثالیں ہیں جب ایک پروردہ نے اپنے محسن کی پیٹھ میں چھُرا گھونپ دیا۔ یحیٰی، بھٹو ، ضیا سب ماضی قریب کی مثالیں ہیں۔ تو اگر فوج کے چہیتے صوفی محمد نے بھی وہی کردار ادا کردیا تو پھر کیا ہوگا رے کالیا؟ یہی وہ سوال ہے جس کے جواب کی تلاش ہے۔
پاکستانی ایجنسیاں شامل ہوںیا نہ ہوں، مگر ایک حقیقت سے سب آگاہ ہیں، کہ جب سے امریکہ ہماری سرحدوںتک آیا ہے، پاکستانی طالبان نے بھی اسی وقت سے جنم لیا اور پاکستان کے خلاف کاروائیاںشروع کیں، جنہیںامریکہ نے سپورٹ بھی کیا۔ یہ امریکہ کی پرانی تکنیک ہے کہ ایک طر ف ظاہری طور پر ساتھ بھی دینے کا ڈرامہ کرتا ہے تو دوسری طرف پیٹھ میںچھُرا بھی گھونپتا نظر آتا ہے۔
مغرب کا یہ پروپیگنڈا کافی پرانا ہے کہ ہمارے ایٹمی ہتھیار انتہا پسندوں کے قبضے میںجا سکتے ہیں، جبکہ اصل حقیقت یہ ہے کہ صیہونی طاقتوں اور انکے سپورٹرز کو یہ گوارا نہیں کہ مسلمان کہیںسے بھی کسی بھی قسم کی قوت حاصل کر سکیں۔ اسکی ایک مثال تو ماضی میں انڈیا کی مدد سے ہمارے بارڈرز پر اسرائیلی ایف 16 کی موجودگی اور ہمارے ایٹمی پلانٹ پر حملے کی کوشش تھی، جو اللہ کے فضل و کرم سے کھل کر سامنے آ گئی اور وہ سازش بری طرحناکام ہوئی، اور شائید یہ اسوقت ہوا تھا، جب ہم نے ایٹمی دھماکے نہیںکئے تھے۔
سوات بہانہ تو یہ اب لگا رہے ہیں اور آگ اصل میں امریکہ اور اسکے چاہنے والوں کو یہ ہے کہ انکی سازش کے مطابق ، پاکستان آرمی اور مقامی طالبان اور قبائیلوں میںجو جنگ کی فضا بن چُکی تھی اور جس کے نتیجے میںوہ پاکستان کو کمزور کرنے کی کامیاب کوششیںکر رہے تھے، اب وہ ناکام ہوتی نظر آرہی ہے۔ ورنہ دیکھا جائے، تو کدھر امریکہ واقع ہے، اور کدھر افغانستان اور پاکستان، مگر صیہونیت جس نے امریکہ کی معیشت کو بھی جکڑ رکھا ہے، مسلمانوںسے صدیوں سے خائف ہے۔
یہ معاہدہ کرنے کا مقصد دراصل ہے ہی یہی کہ امن کے راستے ڈھونڈے جائیں اور اس پرائی جنگ کی وجہ سے جو نقصانات ہو رہے ہیںان کا تدارک کیا جائے، مگر امن کے دشمن تو دراصل امریکہ، اسرائیل،اور ہندوستان ہیں اور انہیں لازما ہمارا کوئی بھی اقدام جس سے ملک میںمضبوطی کا امکان پیدا ہو، قابل قبول نہیں۔
امریکہ اور اسکے حواریوںکی فطرت دنیا میںاور مقامات پر اسکی امن تباہ کرنے کی کاروائیوں سے بہت واضحہو چُکی ہے۔
