سورج نے اونگھنا شروع کر دیا۔۔۔!!!
- صاحب لڑی باسل احمد
- تاریخ ابتداء
باسل احمد
محفلین
شکریہ نشاندہی کے لیے۔۔۔۔۔
قیصرانی
لائبریرین
بقول یوسفی، ارب "پتی" کا اصل تلفظ عرب "پتی" ہی سجتا ہے
مزمل شیخ بسمل
محفلین
محدود اور لامحدود کو ایسے سمجھئے کہ ہمارے پاس کچھ شرائط کے تحت ایک نظام موجود ہے جو ان شرائط پر چل رہا ہے۔ اسی طرح ہماری معلومات کے مطابق بنیادی قوتیں اور فزکس کے بنیادی قوانین کائنات کی ابتداء کے بعد بنے۔ اب ان قوانین کی مدد سے ہم اس وقت تک تو جا سکتے ہیں اور معلوم کر سکتے ہیں کہ جب یہ قوانین پیدا ہوئے تو اس وقت یہ کائنات کیسی رہی ہوگی۔ لیکن جب وقت مطلق صفر ہوگا تو اس وقت موجودہ قوانین بے کار ہو کر رہ جائیں گے۔ یعنی ہماری عقل یا ہماری سائنس کی وہ حد ہے جس کی پیمائش ہو سکتی ہے، اس سے آگے، چاہے وہ ایک سیکنڈ کا انتہائی قلیل ترین عرصہ ہی کیوں نہ ہو، وہ ہمارے محدود علم سے باہر ہوگا، اسے آپ بے شک لامحدود کہہ لیجئے
اور اگر اسے ہم محدود کہہ لیں تو کیا ہی برا ہے؟
یوں بھی جس چیز کو ناپنا ہمارے اختیارات کی وجہ سے ممکن نہیں اسے لامحدود فرد واحد کے لیے تو کہنا ممکن ہوسکتا ہے لیکن کائناتی شعور کے تحت اسے لامحدود کہنا کیسے ممکن ہے؟
اس کے علاوہ یہ بھی تو اہم ہے کہ ابھی کائنات کا ایسا کوئی حصہ نہیں جہاں وقت مطلق "صفر" ہو۔
مزمل شیخ بسمل
محفلین
یہ حساب کائنات کی وسعت سے غیر متعلق ہے۔ کیونکہ یہ حساب لسٹنگ پر تو اپلائی ہوسکتا ہے لیکن کسی خاص نمبر پر نہیں۔
مثلاً میں یہ تو کہہ سکتا ہوں کہ کائنات میں ایک سیارے پر 10 افراد رہتے ہیں۔ اس طرح
1۔ 10
2۔ 10
3۔ 10
4۔ 10
5۔ 10
6۔ 10
آپ اس کو بڑھا کر لا محدود کردیں۔ اور اس پر وہ جفت و طاق والا حساب اپلائی کرکے اسے تفریق بھی کردیں۔ لیکن جب تمام سیاروں کو ملایا جائے گا تو وہ ایک ہی نمبر بنے گا۔
اس کے باوجود اس کو محض قیاس تو کیا جاسکتا ہے لیکن اس کی مثال حقیقی خارجی شعور کے تحت ممکن کہاں ہے؟
مزمل شیخ بسمل
محفلین
اگر یہ ہائپوتھیسس سچ ہو تو ہمیں بگ بینگ تھیوری کو خیر باد کہنا پڑے گا۔ اور ظاہر ہے کہ بگ بینگ تھیوری کو خیر باد کہنا نا ممکن نہیں تو اتنا آسان بھی بہر حال نہیں۔
کیونکہ کائنات کا پھیلاؤ جس اسراع کے تحت ہے اس کے پیچھے جو فورس اور انرجی ہے اس کا ادراک بھی ضروری ہے۔ اور ایک وقت ایسا بھی آجائے گا کہ یہ اسراع ختم ہوجائے گا۔ اس صورت میں کائنات میں موجود تمام قوت ختم ہوچکی ہوگی۔ اس صورت میں کائنات کا پھیلنا بھی رک جائے گا۔
قیصرانی
لائبریرین
بگ بینگ کی جگہ سڈن ایکسپینشن یا سڈن انفلیشن سمجھ لیجئے
کائنات کے پھیلاؤ کے پیچھے جو فورس اور انرجی ہے، اس کا نوے فیصد سے بھی زیادہ حصہ ڈارک میٹر اور ڈارک انرجی سے آتا ہے جو ہمیں نہ تو دکھائی دیتا ہے اور نہ ہی ہم اس کی پیمائش کرنے کے قابل ہوئے ہیں۔ اسی وجہ سے یہ کہنا مشکل ہے کہ آیا کائنات پھیل رہی ہے، سکڑ رہی ہے کہ اپنی مرضی کر رہی ہے
واضح رہے کہ اگر کائنات سکڑنا شروع ہوگی تو سب سے پہلے ہمیں چار سال کے بعد قنطورس اول (زمین سے سورج کے بعد دوسرا نزدیک ترین سیارہ جو 4 نوری سال سے کچھ زیادہ دور ہے) کے رکنے اور پھر لوٹنے کا ادراک ہوگا۔ لیکن وہ کہکشائیں جو ہم سے ایک لاکھ، ایک کروڑ یا ایک ارب نوری سال کے فاصلے پر ہیں، وہ ہمیں قنطورس اول کی واپسی کے باوجود بالترتیب ایک لاکھ، ایک کروڑ یا ایک ارب نوری سال تک ہم سے دور جاتی دکھائی دیں گی، پھر جا کر ہمیں ان کی واپسی کا ادراک ہوگا
مزمل شیخ بسمل
محفلین
یہی سب سے بڑی سائنسی حقیقت ہے جو کائنات کی عمر اور اسکی وسعت دونوں کو محدود کرتی ہے۔
سید عاطف علی
لائبریرین
بر سبیل تذکرہ۔
فلکیاتی اجسام کا مدار کیوں کہ گول نہیں ہوتا بلکہ بیضوی ہوتا ہے چنانچہ آٹھ منت اور سترہ سیکنڈز در اصل ایک پورے سال کی ایک اوسط مقدار ہے۔ زمین اور سورج کا فاصلہ کیون کہ ہمہ وقت بدلتا بھی رہتا ہے چطانچہ اس سے روشنی کم از کم آٹھ منٹ اور چھے سیکنڈ اور زیادہ سے زیادہ آٹھ منٹ ستائیس سیکنڈ لیتی ہے۔۔ زمین کے اس بیضوی مدار میں سب سے کم فاصلہ ایک سو چھیالیس ملین کیلومیٹر اور سب سے زیادہ فاصلہ ایک سو باون کیلو میٹر ہے۔
نیز زمین جس قدر سورج کے قریب ہوتی ہے اسی قدر اسکی رفتار تیز ہوتی ہے اور جتنی سورج سے دور ہوتی جاتی ہے اتنی ہی رفتار سست ہوتی رہتی ہے۔یہ تفصیل دریافت کرنے والا سائنسدان کیپلر تھا۔اور یہ تمام اجرام فلکی کے بارے میں ہے جو بیضوی مدار میں متحرک ہیں۔
مزمل شیخ بسمل
محفلین
جی، کائنات کے بارے ایک بات تو یہ اہم ہے کہ کائنات کے آس پاس یا اردگرد اور کچھ بھی نہیں۔ یعنی ایسا نہیں ہے کہ ہم ایک لکیر میں سفر کرتے کرتے دنیا کے اس پار چلے جائیں جہاں بندہ نہ بندے کی ذات ہو (شاعرانہ ٹچ دینے کی کوشش کی ہے تاکہ آپ اس سے لطف اندوز ہو سکیں) تو ایسا کوئی مقام ممکن نہیں کہ جہاں کائنات کی حد ختم ہو اور ہم جیسے غلاف سے سر باہر نکال کر دیکھیں، آہا، تو یہ تھا ہمارے کائنات کا اختتام۔ یعنی کائنات جتنی تھی، ہے اور ہوگی، اپنے پھیلنے اور سکڑنے (اگر سکڑے تو) کے ساتھ ساتھ مکاں کو بالترتیب پیدا اور ختم کرتی جائے گی۔ اس جگہ پھر کئی متبادل خیالات ہیں کہ آیا یہ کائنات ہمیشہ اسی طرح پھیلتی رہے گی، ایک حد تک پھیل کر پھر سکڑنا شروع ہوگی یا پھر ہمیشہ اسی طرح رہے گی جیسے ابھی ہے۔ اس کے علاوہ کچھ سائنس دان یہ بھی سوچتے ہیں کہ دراصل ہماری کائنات ایک بڑے کائناتی جسم کا ایک چھوٹا سا حصہ ہے اور اس بڑے کائناتی حجم میں ہماری کائنات جیسی بے شمار کائناتیں پیدا اور ختم ہو رہی ہیں
یہ وہ نقطہ ہے جہاں سائنس اور مذہب انتہائی مختلف انداز سے ہم خیال ہوتے ہیں
متفق۔
مسئلہ سارا صرف اتنا سا ہے کہ کائنات کی پیمائش کی ضروری اجزاء ہمارے بس سے باہر ہیں۔ آپ کی اس بات سے متفق ہوں کہ کائنات کا کوئی حصہ ایسا نہیں جہاں کنارہ ہو اور ہم اس تک پہنچ کر غلاف سے باہر منہ نکال کر اپنی کامیابی کی چیخ ماریں۔ البتہ یہی توجیہ اگر زمین کے لیے قائم کریں تو زمین بھی لامحدود ہوسکتی ہے۔
باات وہیں ہے کہ اس بارے میں ہمارے پاس صرف قیاس ہے۔ دلیل کوئی نہیں۔ اور سارے فساد کی جڑ یہ ہے کہ ہم اس رفتار سے سفر نہیں کرسکتے جس سے کائنات پھیل رہی ہے۔
مثلاً جس طرح سے آج کا بلیک ہول اگر کل وورم ہول بھی ہوجائے تو بہت ممکن ہے کہ ہمیں کئی سوالوں کے جواب مل جائیں۔
اب ہمارے پاس جو قیاس ہے وہ دونوں طرف جاتا ہے کہ کائنات محدود ہے یا لامحدود۔؟ لیکن حقیقت یہ ہے کہ مسبوق الذکر میں ہمارے پاس ثبوت زیادہ ہیں۔ یعنی کائنات محدود ہی ہے۔ اگر اسے بڑی کائنات کا چھوٹا حصہ تصور کریں تب بھی۔ اور دوسری صورت میں بھی۔
سید عاطف علی
لائبریرین
یہ کائنات ابھی نا تمام ہے شاید
کہ آرہی ہے دمادم صدائے کن فیکون۔
{أَلاَ لَهُ الْخَلْقُ وَالأَمْرُ}۔۔۔۔۔ [الأعراف 54].۔۔۔۔
خبردار ۔۔۔اسی کے ہاتھ میں پیدا کر نا ہے اور اسی کے ہاتھ میں چلانا ہے۔
کہ آرہی ہے دمادم صدائے کن فیکون۔
{أَلاَ لَهُ الْخَلْقُ وَالأَمْرُ}۔۔۔۔۔ [الأعراف 54].۔۔۔۔
خبردار ۔۔۔اسی کے ہاتھ میں پیدا کر نا ہے اور اسی کے ہاتھ میں چلانا ہے۔
مزمل شیخ بسمل
محفلین
کائنات کی اور اس میں موجود تمام اشیاء کی سب سے بڑی حقیقت خدا کی ذات ہے۔
خدا ہر استدال کی بنیاد ہے۔
سید عاطف علی
لائبریرین
لیکن ہمارا یہ حال ہے کہ۔۔۔
خضر کیوں کر بتائے کیا بتائے ۔۔۔۔ اگر ماہی کہے دریا کہاں ہے
فاتح
لائبریرین
بالکل۔۔۔ ملٹی ورس
محمود احمد غزنوی
محفلین
ہماری عقل لامحدود کا تصور نہیں کرسکتی۔۔۔اسلئیے یہ کہنا کہ کائنات محدود ہے، یہ لازمی نہیں کہ درست ہو، کیونکہ ہوسکتا ہے کہ یہ جواب عقل کے عاجز رہ جانے سے فرض کرلیا گیا ہو۔۔۔۔جو لوگ عقل کی بنیاد پر یہ سمجھتے ہیں کہ کائنات محدود ہے، وہ براہِ کرم یہ بتائیں کہ اچھا اگر محدود ہے تو جہاں اسکی سرحدیں ختم ہوتی ہیں اس سے آگے کیا ہے؟
خالد محمود چوہدری
محفلین
لا محدود صرف اللہ کی ذات ہے۔
محمود احمد غزنوی
محفلین
یہ بات بھی عقل سے ماوراء ہے۔۔۔۔
خالد محمود چوہدری
محفلین
میری عقل تو بچپن سے صرف ایک یہی بات جانتی ہے کہ اللہ ہے اور یہ بھی کہ وہ لامحدود ہے۔ اور میرا دین دنیا کا واحد دین ہے کہ جس میں خدا ہے لیکن خدا کا تصور نہیں ہے اور وہ لا محدود ہے اسی لئے اس کا تصور نہیں کیا جاسکتا۔
محمود احمد غزنوی
محفلین
آپ جو بات بچپن سے جانتے ہیں ، وہ بات ایمانیات نے بتائی ہے۔۔۔۔۔عقل اس معاملے میں خاموشی کے علاوہ کچھ نہیں کرسکتی۔