شاعری ، اپنی پسند کی ،

[F@rzana]

کھلی ہے کاغذی پھولوں کی شادابی درختوں پر
چھپی ہے میرے اندر کی خزاں فرضی بہاروں میں

کبھی ہم نیل کے پانی میں اس انداز سے ڈولیں
کہ اپنی داستاں لکھ دیں اسی دجلہ کے دھاروں میں

نیناں

۔۔۔
۔

 

[شمشاد]

یہ ‘نیناں‘ کون ہے، اس کا تھوڑا سا تعارف تو کروائیں (کہیں فرزانہ ہی تو نیناں نہیں ہے۔
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
اوس پڑے بہار پر آگ لگے کنار میں
تم جو نہیں کنار میں لطف ہے کیا بہار میں

اس پہ کرئے خدا رحم گردشِ روز گار میں
اپنی تلاش چھوڑ کر جو ہے تلاشِ یار میں

ہم کہیں جانے والے ہیں دامنِ عشق چھوڑ کر
زیست تیرے حضور میں، موت تیرے دیار میں

(جگر مراد آبادی)

 

[فرذوق احمد]

مجھے بھی یہی لگتا ہے کہ آپی فرزانہ ہی نیناں ہیں اب یہ خود نہ مانے تو الگ بات ہے
خیر میں فرحت عباس شاہ کی ایک نظم پیش کرتا ہوں امید ہے کہ آپ کو پسند آئے گی اور اگر پسند آئی تو ضرور بتا دیجئے گا
----------------------------
صبح سے نکلا ہوا ہے گھر سے
رات بھی بیت چلی ہے اب تو
جانے کس بیتے ہوئے وصل کے کملائے ہوئے در پہ پڑا ہوگا
جانے کس الجھے ہوئے ہجر کے زالو پہ ذرا ٹیک کے سر
چین سے سویا ہوگا
دل ابھی لوٹا نہیں
صبح سے نکلا ہوا ہے گھر
آگیا ہوگا کسی درد کے بہلاوے میں
اور کسی راہ کے ویران کنارے پہ پڑا خواب بلکتا ہوگا
آتے جانتے ہر اِک مسافر کی طرف
ایک سہمی ہوئی امید سے تکتا ہو گا
سوچتا ہوگا جدائی کی کوئی انت نہیں
--------------------------- فرحت عباس شاہ کی خوبصورت کتاب محبت ذات ہوتی ہے سے ماخوذ

 

[شمشاد]

بہت اچھی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آخری ٹیس آزمانے کو
جی تو چاہا تھا مسکرانے کو

یاد اتنی بھی سخت جاں تو نہیں
اک گھروندا رہا ہے ڈھانے کو

سنگریزوں میں ڈھل گئے آنسو
لوگ ہنستے رہے دکھانے کو

 

[ظفری]

سمجھتے تھے مگرپھر بھی نہ رکھیں دُوریاں ہم نے
چراغوں کو جلانے میں جلا لیں اُنگلیاں ہم نے

کوئی تتلی ہمارے پاس آتی بھی تو کیا آتی
سجائےعمر بھی کاغذ کے پُھول اور پتیاں ہم نے

یونہی گُھٹ گھٹ کر مرجانا ہمیں منظور تھا لیکن
کسی کم ظرف پر ظاہر نہ کیں مجبوریاں ہم نے

ہم اُس محفل میں بس ایک بار سچ بولے تھے اے والی
زبان پر عمر بھر محسوس کیں چنگاریا ں ہم نے

 

[شمشاد]

یہ کیا کہ اک جہان کو کرو وقفِ اضطراب
یہ کیا کہ اک دل کو شکیباں نہ کر سکو

ایسا نہ ہو یہ درد بنے دردِ لازوال
ایسا نہ ہو کہ تم بھی مداوا نہ کر سکو

شاید تمہیں بھی چین نہ آئے میرے بغیر
شاید یہ بات تم بھی گوارا نہ کر سکو

کیا جانے پھر ستم بھی میسر ہو نہ ہو
کیا جانے یہ کرم بھی کرو یا نہ کر سکو

اللہ کرئے جہاں کو میری یاد بھول جائے
اللہ کرئے تم کبھی ایسا نہ کر سکو

میرے سوا کسی کی نہ ہو تم کو جستجو
میرے سوا کسی کی تمنا نہ کر سکو
(صوفی غلام مصطفے تبسم)

 

[فرذوق احمد]

جستجو جس کی تھی اس کو تو نہ پایا ہم نے
اس بہانے سے مگر دیکھ لی دنیا ہم نے

تجکو رسوا نہ کیا اور خود بھی پشیماں نہ ہوئے
عشق کی رسم کو اس طرح نبھایا ہم نے

کب ملی تھی کہاں بچھڑی تھی ہمیں یاد نہیں
زندگی تجھکو تو بس خواب دیکھا ہم نے

اے ادا اور سنائیں بھی تو کیا حال اپنا
عمر کا لمبا سفر طے کیا تنہا ہم نے
-----------------معذرت شاعر کا نام نہیں پتا ہوسکتا ہے ادا جعفری صاحبہ کی ہی ہو باقی آپ لوگ بہتر بتا سکتے ہیں

 

[شمشاد]

یہ کلام شہریار کا ہے۔
--------------------------------------------------------------------------------
یہ کیا جگہ ہے دوستو یہ کون سا دیار ہے
حدِ نگاہ تک جہاں غبار ہی غبار ہے

یہ کس مقام پر حیات مجھ کو لے کے آ گئی
نہ بس خوشی پہ ہے جہاں نہ غم پہ اختیار ہے
(شہریار)

 

[فرذوق احمد]

شکریہ شمشاد بھائی
لے پھر شہریار صاحب کی ہی ایک اور غزل سنیں
اور فلم بھی یہی ہے
امراؤجان
-------------------------------------------
ان آنکھوں کی مستی کے مستانے ہزاروں ہیں
ان آنکھوں سے وابستہ افسانے ہزاروں ہیں

اِک تم ہی نہیں تنہا الفت میں میری رسوا
اس شہر میں تم جیسے دیوانے ہزاروں ہیں

اِک صرف ہمی مے کوآنکھوں سے پیلاتے ہیں
کہنے کو تو دنیا میں میخانے ہزاروں ہیں

اس شمعِ فروزاں کو آندھی سے ڈراتے ہو
اس شمعِ فروزاں کے پروانے ہزاروں ہیں


شہریار

 

[F@rzana]

شمشاد آپ کے جواب پر ابھی نظر پڑی ہے،
آپ کو وہ لگنے کی کیا وجہ ہے؟
جو یہ لگا؟
شاعرہ ہیں، ان کی شاعری لکھتی بھی رہتی ہوں،
نام بھی مجھ سا ہے اس لئے اچھی لگتی ہیں۔
استفسار کی کوئی خاص وجہ۔۔۔۔؟؟؟

 

[شمشاد]

شمشاد آپ کے جواب پر ابھی نظر پڑی ہے،
آپ کو وہ لگنے کی کیا وجہ ہے؟
جو یہ لگا؟
شاعرہ ہیں، ان کی شاعری لکھتی بھی رہتی ہوں،
نام بھی مجھ سا ہے اس لئے اچھی لگتی ہیں۔
استفسار کی کوئی خاص وجہ۔۔۔۔؟؟؟

وہ اس لیے کہ آپ صرف اسی کے اشعار لکھتی ہیں حالانکہ دنیا میں اور بھی بہت سارے شعراء اور شاعرات ہیں۔

 

[شمشاد]

تو راز کن فکاں ہے اپنی آنکھوں پر عیاں ہو جا
خودی کا رازداں ہو جا، خدا کا ترجماں ہو جا

ہوس نے کر دیا ہے ٹکڑے ٹکڑے نوعِ انساں کو
اخوت کا بیاں ہو جا، محبت کی زباں ہو جا
(علامہ اقبال)

 

[F@rzana]

اس کا مطلب ہوا کہ وہ ہیں ہی اسی قابل، میں ان سے مل بھی چکی ہوں ہمنام و ہم مقام جو ہیں، اپنوں کی حمایت کرنا تو فرض ہوا نا!
ویسے آپ ماشاء اللہ اتنی کثیر تعداد میں اشعار پوسٹ کرتے ہیں اور آپ کو ابھی تک یہی نہیں پتہ چلا کہ میں نے دوسرے شعراء کے کتنے اشعار پوسٹ کیئے ہیں۔۔۔

 

[شمشاد]

اس کا مطلب ہوا کہ وہ ہیں ہی اسی قابل، میں ان سے مل بھی چکی ہوں ہمنام و ہم مقام جو ہیں، اپنوں کی حمایت کرنا تو فرض ہوا نا!
ویسے آپ ماشاء اللہ اتنی کثیر تعداد میں اشعار پوسٹ کرتے ہیں اور آپ کو ابھی تک یہی نہیں پتہ چلا کہ میں نے دوسرے شعراء کے کتنے اشعار پوسٹ کیئے ہیں۔۔۔

مجھے تو نہیں یاد لیکن اگر ہوئے بھی تو آٹے میں نمک کے برابر ہوں گے۔

 

[F@rzana]

ذرا یہ تو بتائیے کہ آپ آٹے میں کتنا نمک ملاتے ہیں؟

 

[شمشاد]

ذرا یہ تو بتائیے کہ آپ آٹے میں کتنا نمک ملاتے ہیں؟

میں تو نہیں ملاتا، میری بیگم ملاتی ہے، ٹہریں میں ابھی پوچھ کے بتاتا ہوں۔

 

[F@rzana]

گوندھ تو آپ رہے ہیں بھابھی سے پوچھنے کا کیا فائدہ!

 

[شمشاد]

گوندھ تو آپ رہے ہیں بھابھی سے پوچھنے کا کیا فائدہ!

یہ میں نے کب کہا کہ میں گوندھ رہا ہوں؟

 

[فرذوق احمد]

دھاگے کو بھی تو پکڑیں نہ
--------------------------------------------------
ایک بہت خوبصورت نظم ہے شاعر کا نام تو میں نہیں جانتا میں نے ایک ڈائیجسٹ میں پڑھی تھی یہ نظم
------------------------------------- احساس--------------------------------------
تم سے ملنے کے بعد ایسا ہے
کہ زندگی مجھ سے پیار کرتی ہے
تپتے سورج تلے بھی اب جاناں
تیرے پلکوں کے سائے کی ٹھنڈک
مطمئین اور شاد رکھتی ہے

 

[شمشاد]

رہیے اب ایسی جگہ چل کر جہاں کوئی نہ ہو
ہم سخن کوئی نہ ہو اور ہم زباں کوئی نہ ہو

بے در و دیوار سا اک گھر بنایا چاہیے
کوئی ہمسایہ نہ ہو اور پاسباں کوئی نہ ہو

پڑئیے گر بیمار تو کوئی نہ ہو تیماردار
اور اگر مر جائیے تو نوحہ خواں کوئی نہ ہو
(مرزا غالب)