شاعری ، اپنی پسند کی ،

[ماوراء]

میں یاد کر رہا تھا مقدر کے حادثے
میری ہتھیلیوں پہ لکیریں سِمٹ گئیں

۔۔۔۔۔۔۔۔۔۔۔۔۔۔

آسانیوں کی بات نہ کر اے حریفِ زیست
اُن مشکلوں کو دیکھ جو رستے سے ہٹ گئیں

​

 

[ماوراء]

ظفری بھائی نوٹ کر لو، یہ شاید تمہارے لیے لکھا گیا ہے۔

lol۔ کوئی حال نہیں۔

 

[شمشاد]

ماوراء تمہیں پتہ ہونا چاہیے کہ lol کی جگہ محفل پر اب قککککک استعمال ہوتا ہے۔

 

[شمشاد]

دھواں اٹھا تھا دیوانے کے جلتے گھر سے ساری رات
لیکن وہ خاموش رہا دنیا کے ڈر سے ساری رات

رات یوں جلتے دل پر تیری یادوں کی برسات ہوئی
جیسے اک پیاسے کی چھت پر برکھا برسے ساری رات

ساری رات تو سپنے دیکھے صبح کو یہ محسوس ہوا
ہم نے اپنا سر ٹکرایا اک پتھر سے ساری رات

 

[سارہ خان]

تم نے چاہا ہی نہیں حالات بدل سکتے تھے
میرے آنسو تمہاری آنکھ سے نکل سکتے تھے
تم تو ٹھہرے رہے جھیل کے پانی کی طرح
دریا بنتے تو بہت دور نکل سکتے تھے۔۔۔

 

[شمشاد]

رویا کریں گے آپ بھی پہروں اسی طرح
اٹکا کہیں جو آپ کا دل بھی میری طرح

نہ تاب ہجر میں ہے نہ آرام وصل میں
کمبخت دل کو چین نہیں ہے کسی طرح

گر چپ رہیں تو غمِ ہجراں سے چھوٹ جائیں
کہتے تو ہیں بھلے کی وہ لیکن بری طرح

 

[سمن]

کوئی دیکھائے محبتوں کے سراب مجھ کو
میری نگاہوں سے بات کرنا کوئی تو سیکھے​

 

[شمشاد]

کون آيا ہے میرے پہلو میں خواب آلودہ
زلف برہم زدہ و چشم حجاب آلودہ

کس کے ملبوس سےآتي ہے حنا کي خوشبو
کس کے ہرسانس کي جنبش ہے گلاب آلودہ

 

[ماوراء]

ماوراء تمہیں پتہ ہونا چاہیے کہ lol کی جگہ محفل پر اب قککککک استعمال ہوتا ہے۔

lol۔ قککک چاہے پوری دنیا میں استعمال کیوں نہ ہو جائے لیکن میں یہ استعمال نہیں کروں گی۔

 

[شمشاد]

کیا دشمنی ہے تمہیں قککک سے؟

 

[ماوراء]

نبیل کی بات یاد آ جاتی ہے نہ۔

 

[شمشاد]

کون سی بات یاد آ جاتی ہے؟

 

[پاکستانی]

بدن کی بھول بھلیوں سے اب نکال مجھے
یہ قیدِخاک تو کرنے لگی نڈھال مجھے
نگاہ بھر کر تری کائنات دیکھ سکوں
مرے وجود سے باہر کبھی نکال مجھے

حمیدہ شاہین

 

[پاکستانی]

اپنی ذات سے باہر نکلوں
مجھ کو میرا راز بتا دے

حمیدہ شاہین

 

[پاکستانی]

وہ جس نے اپنی ساری عمر سجدے میں گزاری ہو
کہاں جائے اگر اس کا خدا فانی نکل آئے

مجھے اپنے بچاؤ کی لڑائی خود لڑنی ہے
گواہوں میں نجانے کون سلطانی نکل آئے


حمیدہ شاہین

 

[ظفری]

ظفری بھائی نوٹ کر لو، یہ شاید تمہارے لیے لکھا گیا ہے۔

دیکھا تو میرا سایہ بھی مجھ سے جُدا ملا
سوچا تو ہر کسی سے میرا سلسلہ ملا​

 

[پاکستانی]

دیکھنا کچھ ہے، دیکھتے کچھ ہیں
مسلے کچھ ہیں، سوچتے کچھ ہیں
کون سمجھائے رہنماؤں کو
منزلیں کچھ ہیں راستے کچھ ہیں
ہر دہن میں زباں نہیں ہوتی
دیکھتے سب ہیں بولتے کچھ ہیں

حمیدہ شاہین

 

[پاکستانی]

پاؤں تلے خوابوں کے شیشے ٹوٹ رہے ہیں
کیسے چال چلوں مہرے ٹوٹ رہے ہیں
سر پر آن پڑے جانے کب وقت کا خیمہ
لمحوں سے پیوستہ لمحے ٹوٹ رہے ہیں
کون کسے پہچان کے بانہیں پھیلائے گا
جسم رہے جاتے ہیں چہرے ٹوٹ جاتے ہیں
جن تاروں سے سمتیں پوچھ رہی تھی دنیا
دائیں بائیں آگے پیچھے ٹوٹ رہے ہیں


حمیدہ شاہین

 

[پاکستانی]

جہنم بہت ہیں ترے اس جہاں میں
زمیں پر بہشتِ بریں اور رکھ دے


حمیدہ شاہین

 

[پاکستانی]

جس شخص کو منزل نظر آتی ہے نہ رستہ
وہ قافلہ سالار بدلنا پرے گا



حمیدہ شاہین