شراب، بادہ ، ساقی، میخانہ، مینا، پر اشعار

[عرفان سرور]

مے پی کے عاشقی کے خرابات میں نظیر
نے ڈر ہے محتسب کا نہ صدر الصدور کا
نظیر اکبر آبادی

 

[عرفان سرور]

یار کی مے گوں چشم نے اپنی ایک نگہ سے ہم کو نظیر
مست کیا، اوباش بنایا، رند کیا، بدنام کیا
نظیر اکبر آبادی

 

[معاویہ وقاص]

وہ مے کش تیری آنکھوں کی حکایت سن کے آیا ہے
جسے ہر وقت پیمانے حسیں معلوم ہوتے ہیں

عبد الحمید عدم

 

[معاویہ وقاص]

فرض کرو تمہیں خوش کرنے کے ڈھونڈے ہم نے بہانے ہوں
فرض کرو یہ نین تمہارے سچ مچ کے میخانے ہوں


ابنِ انشاء

 

[معاویہ وقاص]

وہ روشنی ، وہ رنگ ، وہ حدّت ، وہ آب لا
ساقی طلوع ہوتا ہوا آفتاب لا

زلفوں کے جال ہوں کہ بھنوؤں کے ہلال ہوں
اچھی سی چیز کر کے کوئی انتخاب لا

ساقی کوئی بھڑکتی ہوئی سی شراب دے
مطرب کوئی تڑپتا ہوا سا رباب لا

ہلکی سی بے حسی بھی بہاروں کی موت ہے
تھوڑی سی دیر بھی نہیں واجب ، شراب کا

ساقی عدم نے کر ہی دیا ہے سوال اگر
حیلے نہ ڈھونڈ کوئی مناسب جواب لا

شاعر : عبدلحمید عدم

 

[عاطف بٹ]

میخانے سے، شراب سے، ساقی سے، جام سے
اپنی تو زندگی شروع ہوتی ہے شام سے

 

[معاویہ وقاص]

غمِ عاقبت ہے نہ فکرِ قیامت

پیے جا رہے ہیں، جیے جا رہے ہیں

اختر شیرانی

 

[معاویہ وقاص]

اٹھو مے کشو تعزیت کو چلیں

خمار آج سے پارسا ہو گیا
خمار بارہ بنکوی

 

[معاویہ وقاص]

پلا دی یہ ساقی نے کیا شے نہ جانے
پلٹ آئے ہیں میرے گزرے زمانے

خمار بارہ بنکوی

 

[معاویہ وقاص]

گُزرے ہیں مے کدے سے جو توبہ کے بعد ہم
کچھ دُور عادتاً بھی قدم لڑکھڑائے ہیں

خمار بارہ بنکوی

 

[معاویہ وقاص]

رگ رگ میں عوض خون مے دوڑ رہی ہے
وہ دیکھ رہے ہیں مجھے مخمور نظر سے
خمار بارہ بنکوی

 

[عرفان سرور]

پی بھی لے اوُک سے اے شیخ جو پینی ہے تجھے
یہ بلا نوشوں کی محفل ہے یہاں جام کہاں۔ ۔ ۔ ۔!

قمر جلالوی

 

[عرفان سرور]

ہم تو میخانے میں غم اپنا غلط کرلیں گے
تو بتا جائے گی اے گردش ایام کہاں۔ ۔ ۔ ۔!

قمر جلالوی

 

[عسکری]

ہر بار جوس بچ جاتا ہے پینے کے بعد عمران
لگتا ہے مجھے شراب بنائی نہیں آئی اب تلک

 

[عرفان سرور]

شیخ نے مانگا ہے مجھھ سے میری توبہ کا ثبوت
لانا ٹوٹے ہوئے رکھے ہیں میرے جام کہاں ۔ ۔ ۔ ۔!

قمر جلالوی

 

[کاشف اکرم وارثی]

گذر گیا اب وہ دور ساقی، کہ چھپ کے پیتے تھے پینے والے
بنے گا سارا جہاں میخانہ، ہر کوئی بادہ خوار ہوگا​

 

[معاویہ وقاص]

کون کہتا ہے نہیں چارہِ بیماریِ دل
ایک میخانہ بھی پڑتا ہے مطب سے آگے

احمد فراز

 

[معاویہ وقاص]

بوتلیں کھول کر تو پی برسوں
آج دل کھول کر بھی پی جائے
راحت اندوری

 

[عرفان سرور]

نہ ملے رنگ، رنگ میں جب تک
دل مَے آشام کا نہیں ملتا
ظرفِ بے مثل ہے دلِ پُرخوں
جوڑ اِس جام کا نہیں ملتا

 

[معاویہ وقاص]

مقدار ہے دوا کی زروری بقدرِ زخم
صدمہ شدید تر تھا، ستم اِنتہا کا تھا

اک پورا مئے کا حوض مجھے پینا پڑھ گیا
کیوں کے ڈسا ہوا میں کسی پارسا کا تھا

عبدالحمید عدم​