شعر جو ضرب المثل بنے

[محب علوی]

تم میرے پاس ہوتے ہو گویا
جب کوئی دوسرا نہیں ہوتا​

(مومن )

 

[امیداورمحبت]

تم ہمارے کسی طرح نہ ہوئے
ورنہ دنیا میں کیا نہیں ہوتا
(مومن)

 

[محب علوی]

!!!!!!!!!!!!!!!!!!!!!!!!!!!!!!!!!!!!!!!!
رنج راحت فزا نہیں ہوتا
اثر اس پر ذرا نہیں ہوتا
!!!!!!!!!!!!!!!!!!!!!!!!!!!!!!!!!!!!!!!!!
( مومن )
​

 

[وہاب اعجاز خان]

کیا خوب تم نے غیر کو بوسہ نہیں‌دیا
بس چپ رہو ہمارے بھی منہ زبان ہے

غالب

 

[محب علوی]

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
مت سہل ہمیں جانو پھرتا ہے فلک برسوں
تب‌خاک کے پردے سے انسان نکلتے ہیں
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
( میر تقی میر )​

 

[وہاب اعجاز خان]

میر یہ بھی تو کہہ گئے ہیں

آدمی سے مَلک کو کیا نسبت
شان ارفع ہے میر انساں کی

 

[محب علوی]

اگر بات میر پر ہی چل رہی ہے تو ایک اور شعر عرض ہے

ٓ
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ہیں مشت خاک لیکن جو کچھ ہیں میر ہم ہیں
مقدور سے زیادہ مقدور ہے ہمارا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
​

 

[امیداورمحبت]

!!!!!!!!!!!!!!!!!!!!!!!!!!!!!!!!!!!!!!!!
رنج راحت فزا نہیں ہوتا
اثر اس پر ذرا نہیں ہوتا
!!!!!!!!!!!!!!!!!!!!!!!!!!!!!!!!!!!!!!!!!
( مومن )
​

ٹھہرو کوئی دم ، کہ جان ٹھہرے
مت جاؤ ، کہ جی سے جائیں گے ہم
(مومن)

 

[وہاب اعجاز خان]

347

میر کا ایک اور شہرہ آفاق شعر اب پتہ نہیں یہاں شامل ہو چکا ہے یا نہیں۔

رات مجلس میں تری ہم بھی کھڑے تھے چپکے
جیسے تصویر لگا دے کوئی دیوار کے ساتھ

 

[وہاب اعجاز خان]

میر کے دو اور اشعار

تیرے فراق میں جیسے خیال مفلس کا
گئی ہے فکرِ پریشاں کہاں کہاں میری

آن میں کچھ ہیں‌آن میں کچھ ہیں
تحفہء روزگار ہیں ہم بھی

 

[وہاب اعجاز خان]

دیکھ تو دل کہ جاں سے اٹھتا ہے
یہ دھواں سا کہاں سے اٹھتا ہے

یوں اُٹھے آہ اُس گلی سے ہم
جیسےکوئی جہاں سے اٹھتا ہے

عشق اک میر بھاری پتھر ہے
کب یہ تجھ ناتواں سے اٹھتا ہے

 

[وہاب اعجاز خان]

میر کا کہنا ہے


میر عمداَ َ بھی کوئی مرتا ہے
جان ہے تو جہان ہے پیارے

 

[adilch]

اس کو چھٹی نہ ملی

1۔ مکتبِ عشق کے دستور نرالے دیکھے
اس کو چھٹی نہ ملی جس نے سبق یاد کیا

2۔ روشنی میں جگنوئوں کو پرکھنے کی ضد کریں
بچے ہمارے عہد کے چالاک ہو گئے

 

[محب علوی]

اس کو چھٹی نہ ملی

1۔ مکتبِ عشق کے دستور نرالے دیکھے
اس کو چھٹی نہ ملی جس نے سبق یاد کیا

2۔ روشنی میں جگنوئوں کو پرکھنے کی ضد کریں
بچے ہمارے عہد کے چالاک ہو گئے

بہت خوب عدیل ، پہلا شعر شاید یوں ہے

مکتبِ‌عشق کا دستور نرالا دیکھا

دو شعر دو پوسٹ میں کریں تو واضح بھی ہوں گے اور آپ کی پوسٹس بھی بڑھیں گی ۔

 

[امیداورمحبت]

ایک دن وہ مل گئے تھے سر راہگزر کہیں
پھر دل نے بہٹھنے نہ دیا عمر بھر کہیں- - - -

(اشک رامپوری)

 

[محب علوی]

دونوں جہاں دے کے وہ سمجھے یہ خوش رہا
یاں آپڑی یہ شرم کہ تکرار کیا کریں
(مرزا غالب )

 

[وہاب اعجاز خان]

ساغر صدیقی کی اس غزل کے کئی اشعار ضرب المثل بن چکے ہیں۔

ہے دعا یاد مگرحرفِ دعا یاد نہیں
میرے نغمات کو اندازِ نوا یاد نہیں

ہم نے جن کے لیے راہوں میں بچھایاتھا لہو
ہم سے کہتے ہیں وہی عہدِ وفا یاد نہیں

زندگی جبر مسلسل کی طرح کاٹی ہے
جانےکس جرم کی پائی ہے سزا یاد نہیں

میں نے پلکوں پہ درِ یار سے دستک دی ہے
میں وہ سائل ہوں جسے کوئی صدا یاد نہیں

کیسے بھر آئیں سرِ شام کسی کی آنکھیں
کسے تھرائی چراغوں کی ضیا یاد نہیں

صرف دھندلائے ستاروں کی چمک دیکھی ہے
کب ہوا کون ہوا مجھ سے خفا یاد نہیں

آؤ اک سجدہ کریں عالمِ مدہوشی میں
لوگ کہتے ہیں کہ ساغر کو خدا یاد نہیں​

 

[محب علوی]

ہے دعا یاد مگرحرفِ دعا یاد نہیں
میرے نغمات کو اندازِ نوا یاد نہیں


زندگی جبر مسلسل کی طرح کاٹی ہے
جانےکس جرم کی پائی ہے سزا یاد نہیں

یہ دو اشعار مجھے بہت پسند بھی ہیں

 

[امیداورمحبت]

ترے بغیر کسی چیز کی کمی تو نہیں
ترے بغیر طبیعت اداس رہتی ہے

(عدم)

 

[محب علوی]

£££££££££££££££££££££££
بہت شور سنتے تھے پہلو میں دل کا
جو چیرہ تو اک قطرہ خوں نہ نکلا
£££££££££££££££££££££££
(آتش )‌​