شعر و شاعر (اشعار اور خالق)

[طارق شاہ]

دِیوار پہ لِکھّی ہُوئی تحرِیر ہے کُچھ اَور
دیتی ہے خبر خلقِ خُدا اور طرح کی

افتخار عارف

 

[طارق شاہ]

تعظیم کر، اے جانِ معانی! کہ تِرے پاس
ہم لائے ہیں سَوغات، ذرا اور طرح کی

افتخار عارف

 

[طارق شاہ]

نظر میں پِھرتے ہیں تیرے دیار کے منظر
اُسی نَواح میں، ہم صُبح شام کرتے ہیں

ناصؔر کاظمی

 

[عائشہ صدیقہ]

شکستگی میں بھی حوصلہ میسر ہے ،،،
خدا کا شکر ہے ہم کو خدا میسر ہے

اقبال ساجد

 

[طارق شاہ]

اللہ ری بیکسی، کہ بہ ایں ذوقِ معِصیَت
اوقات پر سوار ہیں پرہیزگاریاں

جوشؔ ملیح آبادی

 

[طارق شاہ]

کرنے کو زندگی بھی ہو کیا زندگی خلشؔ
پانے کی آرزُو اُنھیں دِل میں اگر نہ ہو
.
شفیق خلشؔ

 

[طارق شاہ]

وصف سُن حوُر و پری کا یُوں کہا بک بک نہ کر
حُسن میں ہم سے زیادہ ہے پری اور حُور کیا

نظؔیر اکبر آبادی

 

[طارق شاہ]

پڑ گئی دُور سے تھی جی میں دھڑک تو لیکن
ہم نے دیکھا اُسے رکھ کر دلِ بیتاب پہ ہاتھ


نظؔیر اکبر آبادی

 

[طارق شاہ]

اِک ماہِ نَو طُلوع کی تابِ جمال سے !
ایوانِ زندگی میں چراغاں ہے آج کل

جوشؔ ملیح آبادی

 

[طارق شاہ]

موجِ دریا پہ چھا رہا ہے یہ کون
سیج پر، رسمَسا رہا ہے یہ کون

صُبح پنگھٹ پہ ہو رہی ہے طُلوع
رُخ سے کا کل ہٹا رہا ہے یہ کون

ادھ کُھلی انکھڑیوں کو مَل مَل کر
جُوئے مُل میں نہا رہا ہے یہ کون

ایک انگڑائی سے دو عالَم کو
راگنی میں جُھلا رہا ہے یہ کون

شرم سے چمپئی کلائی میں
سبز چوڑی گُھما رہا ہے یہ کون

جوؔش ملیح ابادی
(طویل نظم" کون" سے منتخبہ)

 

[طارق شاہ]

شامِل خشُوع و عِجز بھی کرلیں ذرا حضُور
تکِلیف کیا دُعا کی وہ جس میں اثر نہ ہو

شفیق خلؔش

 

[طارق شاہ]

نہ کر خیالِ تلافی، کہ میرا زخمِ وَفا
وہ زخم ہے جسے اچھّا نہ کرسکے تُو بھی

ناصؔر کاظمی

 

[طارق شاہ]

لے جائے کوشِشوں کی مُقابِل جو پِھر سے پاس !
ڈر ہے رہِ گُریز بھی، وہ رہگُزر نہ ہو

شفیق خلشؔ

 

[طارق شاہ]

نہ عاشقی جُنون کی ،کہ زندگی خراب ہو !
نہ اِس قدر کٹھور پن، کہ دوستی خراب ہو

احمد فراؔز

 

[طارق شاہ]

نہ ایسی خوش لِباسیاں کہ سادگی گِلہ کرے
نہ اِتنی بے تکلّفی ، کہ آئینہ حیا کرے

نہ اختلاط میں وہ رم ،کہ بدمزہ ہوں خواہشیں
نہ اِس قدر سُپردگی ، کہ زچ کریں نوازشیں

احمد فراؔز

 

[طارق شاہ]

ہر ایک گُل کو مِری دسترس سے دُور کِیا
مِری نظر ہے عدُو کی نوازشات میں گم

ابراؔر کرتپوُری
دہلی، انڈیا

 

[طارق شاہ]

ہو پیش رفت خاک، مُلاقات پر ہی جب!
کھٹکا رہے یہ دِل میں کہ بیدادگر نہ ہو

شفیق خلشؔ

 

[طارق شاہ]

غم سے نِسبت ہے جِنھیں ضبط ِاَلَم کرتے ہیں
اشک کو زِینَتِ داماں نہیں ہونے دیتے

ابرؔار کرتپوری
دہلی، انڈیا

 

[شکیل عالم]

کہوں کس سے میں کہ کیا ہے، شب غم بری بلا ہے۔
مجھے کیا برا تھا مرنا، اگر ایک بار ہوتا۔۔۔۔

مرزا اسدللہ خان غالب

 

[شکیل عالم]

نہ سمجھو اسے تم شور بہاراں
خزاں پتوں میں چھپ کہ رو رہی ہے
میرے گھر کی دیواروں پہ ناصر
اداسی بال کھولے سو رہی ہے

ناصر کاظمی