شعر و شاعر (اشعار اور خالق)

[طارق شاہ]

کیونکر کرے نہ اپنی نموداری شب برات
چلپک چپاتی حلوے سے ہے بھاری شب برات

زندوں کی ہے زباں کی مزیداری شب برات
مُردوں کی رُوح کی ہے مددگاری شب برات

نظیر اکبر آبادی

 

[طارق شاہ]

دولت تمھارے حُسن سی سچ ہے نہیں کہیں
حاصل مگر تمھیں یہ، خود اپنے لیے نہیں

شفیق خلش

 

[طارق شاہ]

ابھی تقدیر کا اندازِ سِتم باقی ہے
زیست بے کیف نہیں، لذّتِ غم باقی ہے

ڈوبتے چاند! رفیقِ شبِ ہجراں میرے
ابھی کچھ کہنے کو رُدادِ سِتم باقی ہے

نُور بدایونی
(نُور جہاں بیگم)
دُخترِ چودھری اساس الدین

 

[طارق شاہ]

اِک شبِ غم کے اندھیرے پہ نہیں ہے موقوف
تُونے جو زخم لگایا ہے، وہ گہرا اُترا

پروین شاکر

 

[طارق شاہ]

آج کی شب میں پریشاں ہُوں، تو یُوں لگتا ہے
آج مہتاب کا چہرہ بھی ہے اُترا اُترا

پروین شاکر

 

[bilal260]

ماشاء اللہ اچھی کولیکشن ہے۔

 

[طارق شاہ]

خلش بنے ہیں سبھی زخم لاعلاج ایسے !
کہ جس پہ کچھ بھی اثر اب دوا، دُعا نہ کرے

شفیق خلش

 

[طارق شاہ]

جہاں بھی جانا، تو آنکھوں میں خواب بھر لانا
یہ کیا، کہ دل کو ہمیشہ اُداس کر لانا

احمد فرازؔ

 

[طارق شاہ]

ہر ایک عِشق کے بعد، اور اُس کے عِشق کے بعد
فراز! اِتنا بھی آساں نہ تھا سنبھل جانا

احمد فراز

 

[طارق شاہ]

مرگِ عدُو سے آپ کے دل میں چُھپا نہ ہو
میرے جگر میں اب نہیں مِلتا سُراغِ داغ

داغ دہلوی

 

[طارق شاہ]

داغ اِک آدمی ہے گرما گرم
خوش بہت ہوں گے جب مِلیں گے آپ

داغؔ دہلوی

 

[صائمہ شاہ]

درمیاں تو جو بھی کچھ تھا اس کو وسعت کھا گئی
ہر طرف ارض و سما میں انتہائیں رہ گئیں

شب گئے پھرتی ہیں غازہ مل کے بوڑھی خواہشیں
شہر کی سڑکوں پہ اب تو بیسوائیں رہ گئیں

افتخار نسیم

 

[طارق شاہ]

نام بخشا ہے تجھے کِس کے وفُورِ غم نے
گر کوئی تھا تو تِرے مُجرمِ شُہرت ہم تھے

اعتبارساجؔد

 

[طارق شاہ]

شرح و بیانِ غم ہے اِک مطلبِ مُقیّد
خاموش ہُوں کہ معنی صدہا ہیں خامشی کے

اصغؔر گونڈوی

 

[طارق شاہ]

بارِ الم اُٹھایا، رنگِ نِشاط دیکھا
آئے نہیں ہیں یونہی انداز بے حسی کے

اصغؔر گونڈوی

 

[طارق شاہ]

ایک تکمیلِ داستاں کے لئے
دِل نے ٹکڑے کہاں کہاں کے لئے

اِبتدا تم ہو، اِنتہا تم ہو !
ہم تو ، ہیں زیبِ داستاں کے لئے

شمع کہتی اگر، تو کیا کہتی ؟
دردِ اُلفت، نہ تھا بیاں کے لئے

چند اشکوں میں رہ گئے ڈھل کے
حرفِ مطلب جو تھے بیاں کے لئے

وحیدہ نسیمؔ

 

[طارق شاہ]

تمھاری بزم میں دُھندلی سی روشنی کیوں ہے
دِلوں کے داغ، چراغوں کے رُوبرُو تو نہیں

وحیدہ نسیمؔ

 

[طارق شاہ]

دَم نِکلنے کو ہے، ایسے میں وہ آجائیں قمؔر !
صِرف دَم بھر کے لیے رُوحِ رَواں ٹھہری ہے

قمؔر جلالوی

 

[طارق شاہ]

ہم نے جو طرزِ فُغاں کی ہے قَفَس میں ایجاد
فیضؔ! گُلشن میں وہی طرزِ بیاں ٹھہری ہے

فیض احمد فیضؔ

 

[طارق شاہ]

اِنساں کو رہے حفظِ مراتب کا بھی کُچھ دھیان
کیوں اُس سے مِلو یاسؔ جو جُھک کر نہیں مِلتا

یاسؔ، یگانہ، چنگیزیؔ