شعر و شاعر (اشعار اور خالق)

[طارق شاہ]

کہیں رُسوا نہ ہو اب شانِ استغنا محبّت کی
مِری حالت، تمھارے رحم کے قابل نہ بن جائے

علامہ تاجور نجیب آبادی

 

[طارق شاہ]

تِرے انوار سے ہے نبضِ ہستی میں تڑپ پیدا
کہیں سارا نظام ِکائنات اِک دِل نہ بن جائے

علامہ تاجور نجیب آبادی

 

[طارق شاہ]

یُوں بے سبب ، زمانہ پَھرتا نہیں کسی سے !
اے آسماں! کچھ اِس میں تیرا بھی ہے اِشارا

الطاف حُسین حالؔی

 

[طارق شاہ]

تا کُجا، سر کو جُھکائے رہُوں، جلد آ قاتل !
دیر سے منتظرِ نعرۂ تکبیر ہُوں میں

خواجہ حیدر علی آتؔش

 

[طارق شاہ]

قلق اور دِل میں سوا ہوگیا
دِلاسا تمھارا بلا ہو گیا

الطاف حُسین حالؔی

 

[طارق شاہ]

خُم و ساغر ہیں ، تیری انجمن ہے !
مِرا تشنہ دہاں ہے اور میں ہُوں

حقیقت در حقیقت تیری صُورت
گُماں اندر گُماں ہے اور میں ہُوں

عنؔبر امروہی

 

[طارق شاہ]

ہم تو خزاں نصیب جوانی کو رو چُکے
اب تم سے ہو سکے تو بُلالو بہار کو

حیاؔت امروہی

 

[طارق شاہ]

راضی ہیں ہم، کہ دوست سے ہو دُشمنی، مگر
دشمن کو، ہم سے دوست بنایا نہ جائے گا

الطاف حُسین حالؔی

 

[طارق شاہ]

جھگڑوں میں اہلِ دِیں کے نہ حالؔی پڑیں بس آپ
قصّہ حضُور سے یہ چُکایا نہ جائے گا

الطاف حُسین حالؔی

 

[طارق شاہ]

ہم بیخودانِ محفلِ تصویر اب گئے
آئندہ ہم سے آپ میں آیا نہ جائے گا

مِیر تقی مِیؔر

 

[طارق شاہ]

یاد اُس کی اتنی خوب نہیں مِیؔر، باز آ
نادان! پھر وہ جی سے بُھلایا نہ جائے گا

مِیر تقی مِیؔر

 

[طارق شاہ]

خوشبُو کہیں نہ جائے، یہ اِصرار ہے بہت
اور یہ بھی آرزو کہ ذرا زُلف کھولیے

پروین شاکر

 

[طارق شاہ]

اپنی تنہائی مِرے نام پہ آباد کرے
کون ہوگا جو مُجھے اُس کی طرح یاد کرے

پروین شاکر

 

[طارق شاہ]

فِضا مُسکرائی، چمن لہلہائے
یہ ہیں، تیری محفل میں آنے کی باتیں

شوکتؔ ثریا

 

[طارق شاہ]

بجا ترکِ اُلفت کی ترغِیب، لیکن
یہ باتیں نہیں، بُھول جانے کی باتیں

شوکؔت ثریا

 

[طارق شاہ]

روز کرتی ہے اِک سِتَم ایجاد !
یہ زمیں بھی ہے آسماں کوئی

شوکؔت ثریّا

 

[طارق شاہ]

صُبحِ ازل و شامِ ابد، کچھ بھی نہیں !
اِک وُسعتِ موہوم ہے، حد کچھ بھی نہیں

کیا جانیے، کیا ہے عالمِ کون و فساد
دعوے تو بہت کچھ ہیں، سند کچھ بھی نہیں

یاؔس، یگاؔنہ، چنگیزیؔ

 

[طارق شاہ]

جب عالمِ ایجاد نے صُورت پکڑی
مجموعۂ اضداد نے، صُورت پکڑی

آباد ہوئی، دِل میں انوکھی دُنیا
کیا دردِ خُدا داد نے صُورت پکڑی

یاؔس، یگاؔنہ، چنگیزیؔ

 

[طارق شاہ]

انا ،یُوں آڑے رہی اُس سے اِلتجا پہ مِری
کرَم پہ اُس کے، مِری زیربار گرے گی

شفیق خلش

 

[طارق شاہ]

اللہ اللہ! یہ خُلوصِ شوق کا شوکؔت جواب
کوئی غم بن کر مِری رگ رگ میں پنہاں ہوگیا

شوکؔت ثریّا