شعر و شاعر (اشعار اور خالق)

[طارق شاہ]

اجنبی ماحول ہی مجھ کو بُرا لگتا نہیں
بارہا اپنوں کی محفل میں بھی گھبراتا ہُوں میں

باقؔر زیدی

 

[طارق شاہ]

جی ڈھونڈتا ہے بزمِ طرب میں اُنھیں، مگر
وہ آئے انجمن میں ، تو پِھر انجمن کہاں

الطاف حُسین حالؔی

 

[طارق شاہ]

تعزیزِ جُرمِ عِشق ہے بے صرفہ محتسب !
بڑھتا ہے اور ذوقِ گنہ یاں سزا کے بعد

الطاف حُسین حالؔی

 

[طارق شاہ]

مُدّت سے تھی دُعا ، کہ ہوں بدنام شہر شہر
بارے ہُوئی قبُول بہت اِلتجا کے بعد

الطاف حُسین حالؔی

 

[طارق شاہ]

دیر و حرم کو تیرے فسانوں سے بھر دِیا
اپنے رقیب آپ رہے، ہم جہاں رہے

الطاف حُسین حالؔی

 

[طارق شاہ]

فقط احساسِ آزادی سےآزادی عبارت ہے
وہی دیوار گھر کی ہے، وہی دیوارزنداں کی

سیماؔب اکبر آبادی

تمام ہم وطن احباب کو یوم آزادی مبارک ہُو

 

[طارق شاہ]

داستانوں میں مِلے تھے، داستاں رہ جائیں گے
عمر بوڑھی ہو تو ہو، ہم نوجواں رہ جائیں گے

شام ہوتے ہی گھروں کو لَوٹ جانا ہے ہمیں
ساحلوں پر صرف قدموں کے نِشاں رہ جائیں گے

ہم کسی کے دِل میں رہنا چاہتے تھے اِس طرح
جس طرح اب گفتگو کے درمیاں رہ جائیں گے

فاضل جمیلی

 

[طارق شاہ]

آہ کھینچے نہ کوئی سینہ فگار آج کے دن
زخمِ دل بھی نہ کرے کوئی شمُار آج کے دن

آج پھر کرتے ہیں تجدیدِ تمنائے بہار !
کہتے ہیں آئی تھی گلشن میں بہار آج کے دن

عنایت علی خاں

 

[طارق شاہ]

وہ آئینے کو بھی حیرت میں ڈال دیتا ہے
کسی کسی کو خُدا یہ کمال دیتا ہے

برائے نام بھی جس کو وفا نہیں آتی!
وہ سب کو اپنی وفا کی مثال دیتا ہے

اعجاز رحمانی

 

[طارق شاہ]

جہاں میں ہونے کو اے دوست! یُوں تو سب ہوگا
تِرے لبوں پہ مِرے لب ہوں، ایسا کب ہوگا

شہر یار

 

[طارق شاہ]

رَہِ اُلفت وہ کُوچہ ہے قضا بھی جس سے ڈرتی ہے
قدم رکھتا ہے دِل اُس میں، نثارِ ہمّتِ دِل ہُوں

اکؔبر الٰہ آبادی

 

[طارق شاہ]

توقّع رہتی ہے دَم یہ ، کہ دم لینے کی مُہلت ہے !
معاذ اللہ! مَیں اپنی موت سے کِس درجہ غافِل ہُوں

اکؔبر الٰہ آبادی

 

[طارق شاہ]

زمینِ شعر جس سے آسماں بن جائے، اے اکؔبر!
غلوئے طبع سے ، ایسی غزل پڑھنے پہ مائِل ہُوں

اکؔبر الٰہ آبادی

 

[طارق شاہ]

اب اپنے آپ سے بھی چُھپ گئی ہے
وہ اِک لڑکی، جو سب کو جانتی تھی

سحر آغاز، شب اِتمامِ حُجّت
عجب زہرؔا کی وضعِ زندگی تھی

زہؔرا -نِگاہ

 

[طارق شاہ]

دامانِ شب کے نام کوئی روشنی تو ہو
تارے نہیں نصیب، تو آنسو بکھیریے

پروین شاکر

 

[طارق شاہ]

عکسِ شکستِ خواب بہر سُو بکھیریے
چہرے پہ خاک ، زخم پہ خوشبُو بکھیریے

پروین شاکر

 

[طارق شاہ]

بھاگ کر جائیں کہاں اِس دیس سے اب، اے مُنؔیر
دِل بندھا ہے، پریم کی سُندر سجیلی ڈور سے

مُنؔیر نیازی

 

[طارق شاہ]

تُندخُو ہے کب سُنے وہ دِل کی بات !
اور بھی، برہم کو برہم کیا کریں

کہتے ہیں اہلِ سفارش تجھ سے، داؔغ !
تیری قسمت ہے بُری، ہم کیا کریں

داؔغ دہلوی

 

[طارق شاہ]

ہر شے میں دیکھتا ہُوں مَیں رنگِ بہار اب !
آئی جہان بھر کی یہ چاہت تمہی سے ہے

لو آج تم سے کہتا ہُوں دِل میں چُھپائی بات !
جو خود سے بڑھ کے ہے، وہ محبّت تمہی سے ہے

شفیق خلؔش

 

[طارق شاہ]

پائی جہاں میں جتنی بھی راحت، تمہی سے ہے
ہر وقت مُسکرانے کی یہ عادت، تمہی سے ہے

شفیق خلش