شعر و شاعر (اشعار اور خالق)

[طارق شاہ]

کیوں گرفتہ دِل نظر آتی ہے، اے شامِ فِراق !
ہم جو تیرے ناز اُٹھانے کے لیے موجود ہیں

ثروت حُسین

 

[طارق شاہ]

کون کر سکتا ہے، ایسے میں کسی دریا کا رُخ
جب، وہ آنکھیں ڈوب جانے کے لیے موجود ہیں

ثروت حُسین

 

[طارق شاہ]

افسوس! ڈُھونڈتا ہےخؔلش آکے پھر وہی
دوزخ میں، اپنے دُکھ کا ہو جنّت مکیں عِلاج

شفیق خلؔش

 

[طارق شاہ]

کِس کِس کی موت کا وہاں رونا رہے ، جہاں !
بالا زمِیں کے غم کا ہو زیرِ زمِیں عِلاج

شفیق خلؔش

 

[طارق شاہ]

وہ تو کہِیں ہے اور ، مگر دل کے آس پاس !
پھرتی ہے کوئی شے ، نگہِ یار کی طرح

بے تیشۂ نظر نہ چلو راہِ رفتگاں
ہر نقشِ پا بُلند ہے دِیوار کی طرح

اب جاکے کُچھ کُھلا، ہُنَرِ ناخنِ جنُوں
زخمِ جِگر ہُوئے لب و رُخسار کی طرح

مُجروحؔ سُلطان پُوری

 

[طارق شاہ]

وصلِ جاناں، نہ ہُوا جان دِیئے پر بھی نصیب!
یعنی اُس جنسِ گرامی کا یہ بیعانہ ہُوا

مولانا حسرؔت موہانی

 

[طارق شاہ]

جِگر سُلگتا ہُوا، دِل بُجھا بُجھا ہوگا
خبر نہ تھی صلۂ عاشقی بُرا ہوگا

سروؔر عالم راز

 

[طارق شاہ]

کھوکر حواس و ہوش، مجھے کُچھ نہیں مِلا !
اور ہوش کی جو پُوچھو وہاں بھی اماں نہیں

سروؔر عالم راز

 

[عبدالقیوم چوہدری]

جادو ہے یہی جوگی نے بتلایا ہوا ہے
مجھ پہ کسی آسیب کا دل آیا ہوا ہے

سایہ ہے جو چٹخاتا ہے آغوش میں لے کر
حیران ہوں کمبخت نے کیا کھایا ہوا ہے

محمد صابر

 

[طارق شاہ]

بیٹھے بیٹھے برس پڑیں آنکھیں
کر گئی پِھر کسی کی یاد اُداس

ناصر کاظمی

 

[طارق شاہ]

بُرا نہ مان، اگر یار کچُھ بُرا کہہ دے !
دِلوں کے کھیل میں خود داریاں نہیں چلتیں

کیف بھوپالی

 

[طارق شاہ]

جنابِ کیفؔ، یہ دِلّی ہے میر و غالب کی
یہاں کسی کی طرف داریاں نہیں چلتیں

کیفؔ بھوپالی

 

[طارق شاہ]

جاتا رہا وہ کیفِ نہاں جو چُبھن میں تھا !
پچھتا رہا ہُوں، پاؤں کے اب خار کھینچ کر

کیفؔ بھوپالی

 

[طارق شاہ]

ہموار کھینچ کر، کبھی دُشوار کھینچ کر
تنگ آچکا ہُوں سانس لگاتار کھینچ کر

اُکتا چُکا یہ دل بھی، نظر بھی، میں آپ بھی !
مُدّت سے تیری حسرتِ دیدار کھینچ کر

کیفؔ بھوپالی

 

[طارق شاہ]

احوال واقعئ کو تکلّم ہے کیا ضرُور
اپنا سکوُت ہی خبر آمیز ہے بہت

نصیر ترابی

 

[طارق شاہ]

عیب یہ ہے کہ کرو عیب ، ہُنر دِکھلاؤ
ورنہ یاں عیب تو سب فردِ بشر کرتے ہیں

الطاف حُسین حالیؔ

 

[طارق شاہ]

تلخیاں زِیست کی تھوڑی سی رہی ہیں باقی !
یہ مہم بھی، جو خُدا چاہے تو سر کرتے ہیں

الطاف حُسین حالیؔ

 

[طارق شاہ]

اب لبِ رنگیں پہ نُوریں مُسکراہٹ، کیا کہوں
بجلیاں گویا شفق زاروں میں رقصاں ہوگئیں

پیار کی میٹھی نظر سے ، تُو نے جب دیکھا مجھے
تلخیاں سب زندگی کی لُطف ساماں ہوگئیں

مجید امجدؔ

 

[طارق شاہ]

تجھ کو یہ ڈر ہے کہ، ناموس گہِ عالَم میں
عِشق کے ہاتھوں نہ ہوجائے تُو بدنام کہیں

یہ تِری شرطِ وَفا ہے، کہ وَفا کاقِصّہ
دیکھ ، سُن پائے نہ گردِشِ ایّام کہیں

مجید امجدؔ

 

[طارق شاہ]

اے پاسبانِ گُلشن تجھ کو خبر نہیں ہے
شُعلے بھڑک رہے ہیں پُھولوں کی انجمن میں

ہر آن ڈس رہی ہیں ماضی کی تلخ یادیں
محسُوس کر رہا ہُوں بیچارگی وطن میں

ساغؔر صدیقی