جاسمن
لائبریرین
مرزا سودا نے کتنے سال پہلے اساتذہ اور خادمِ اعلیٰ کے درمیان کا پُردرد رشتہ سمجھ لیا تھا۔
شعر و شاعر (اشعار اور خالق)
- صاحب لڑی طارق شاہ
- تاریخ ابتداء
-
- ٹیگ
- شعر و شاعر ، طارق شاہ
طارق شاہ
محفلین
مایُوس نہ ہو اُداس راہی
پھر آئے گا دَورِ صُبح گاہی
اے منتظرِ طُلوعِ فردا
بدلے گا جہانِ مُرغ و ماہی
پھر خاک نشیں اُٹھائیں گے سر
مِٹنے کو ہے نازِ کج کُلاہی
اِنصاف کا دِن قرِیب تر ہے
پھر داد طَلب ہے بے گُناہی
پھر اہلِ وَفا کا دَور ہوگا
ٹُوٹے گا طلِسمِ جم نِگاہی
آئینِ جہاں بدل رہا ہے
بدلیں گے اوامر و نواہی
ناصؔر کاظمی
طارق شاہ
محفلین
شام کیوں رقصاں نہ ہو صُبحِ جِناں کی چھاؤں میں
قُلقُلِ مِینا، پَر افشاں ہے، اذاں کی چھاؤں میں
زندگانی کا تموُّج ، نوجوانی کی ترنگ !
چرخ زن ہے فرق پر ابرِ رَواں کی چھاؤں میں
موت ہے شرمندہ پیشِ آب و رنگِ زندگی
چاند ہے صد پارہ دامانِ کَتاں کی چھاؤں میں
زندگی بیٹھی ہے آکر آج اِک مُدّت کے بعد
گنبدِ شیریں لحان و مہوشاں کی چھاؤں میں
جوش ملیح آبادی
طارق شاہ
محفلین
ہم اشکِ غم ہیں، اگر تھم رہے، رہے نہ رہے
مژہ پہ آن کے ٹُک جم رہے، رہے نہ رہے
رہیں وہ شخص ، جو بزمِ جہاں کی رونق ہیں
ہماری کیا ہے اگر ہم رہے، رہے نہ رہے
یہی سمجھ لو ہَمَیں تم ، کہ اِک مسافر ہیں
جو چلتے چلتے کہیں تھم رہے، رہے نہ رہے
نظیر آج ہی چل کر بُتوں سے مِل لیجے
پِھر اشتیاق کا عالَم رہے، رہے نہ رہے
نظؔیر اکبر آبادی