شعر و شاعر (اشعار اور خالق)

[طارق شاہ]

گرم ہیں شور سے تجھ حُسن کے بازار کئی
رشک سے، جلتے ہیں یوسفؑ کے خریدار کئی

کب تلک داغ دِکھاوے گی اسیری مجھ کو !
مرگئے ، ساتھ کے میرے تو گرفتار کئی

مِیر تقی مِیرؔ

 

[طارق شاہ]

اِس کی خبر نہ تھی ، کہ پسِ پُشتِ عِزوجاہ
دبکی کھڑی ہیں، ایک زمانے کی خواریاں

گِنتا تھا، فردِ عیش میں ،کل نامِ گُل رُخاں
اور اب، تمام رات ہیں اختر شُماریاں

جوشؔ ملیح آبادی

 

[طارق شاہ]

اب، خلوَتوں کی آگ میں ہے کاروبارِ آب
کل، جلوَتوں کے راگ میں تھیں بادہ خواریاں

اب، مے کشی کے رُوپ میں ہے شُغلِ مے کشی
کل، سرخوشی کے رنگ میں تھیں مے گُساریاں

جوشؔ ملیح آبادی

 

[نسیم ازھری]

یہ میرا فرض بنتا ہے میں اسکے ہاتھ دھلواؤں​

سنا ہے اس نے میری ذات پر کیچڑ اچھالا ہے​

 

[طارق شاہ]

سب سے زیادہ، خوف ہے اِس بات کا مجھے
دَم توڑ دیں کہِیں ، نہ مِری وضع داریاں

جوشؔ ملیح آبادی

 

[طارق شاہ]

تھوڑی دیر کو ، جی بہلا تھا !
پِھر تِری یاد نے گھیر لِیا تھا

یاد آئی ، وہ پہلی بارش
جب تجھے ایک نظر دیکھا تھا

ناصر کاظمی

 

[طارق شاہ]

بِکھرے بِکھرے ہی رہے مجھ میں مِرے خواب و خیال !
مجتمع مجھ سے مِری ذات نہ ہونے پائی

شفیق خلؔش

 

[طارق شاہ]

ضبط نے پھوڑے اگرچہ تھے پھپھولے دِل کے
شُکر آنکھوں سے وہ برسات نہ ہونے پائی

شفیق خلؔش

 

[طارق شاہ]

کوششیں گرچے زمانے کی رہیں دِل پہ خلؔش
کم مگر عزّتِ سادات نہ ہونے پائی

شفیق خلؔش

 

[طارق شاہ]

سر پہ ہر وقت چمکتا رہا میرے سُورج
دِن گُزرتے گئے اِک رات نہ ہونے پائی

شفیق خلؔش

 

[طارق شاہ]

جیسی چاہی تھی مُلاقات نہ ہونے پائی
آج پِھر اُن سے مِری بات نہ ہونے پائی

شفیق خلؔش

 

[طارق شاہ]

مُقرّر کُچھ نہ کُچھ اِس میں، رقیبوں کی بھی سازش ہے
وہ بے پروا، الٰہی ! مُجھ پہ کیوں کرمِ نوازش ہے

حسرؔت موہانی

 

[طارق شاہ]

مِٹادے خود ہَمَیں، گر شکوۂ غم مِٹ نہیں سکتا
جفائے یار سے یہ آخری اپنی گُزارش ہے

حسرؔت موہانی

 

[طارق شاہ]

ہجُومِ یاس نے بیدِل کِیا ایسا ، کہ حسرؔت کو !
تِرے آنے کی اب اُمید باقی ہے، نہ خواہش ہے

حسرؔت موہانی

 

[طارق شاہ]

کیا ہَوا باندھی ہے ، صدقے نالۂ شب گیر کے
آسماں پر، اُکھڑے جاتے ہیں قَدَم تاثیر کے

فانؔی بدایونی
شوکت علی خاں

 

[طارق شاہ]

میرے مرتے ہی ، دِلِ بیتاب کو چین آگیا !
زندگی صدقے میں اُتری گردِشِ تقدِیر کے

فانؔی بدایونی
شوکت علی خاں

 

[طارق شاہ]

وہ گداگرانِ جلوہ، سَرِ رہگذار چُپ تھے
جنھیں تجھ سے تھیں اُمیدیں وہ اُمیدوار چُپ تھے

شاؔذ تمکنت

 

[طارق شاہ]

تیرے دھیان کی کشتی لے کر
مَیں نے دریا پار کِیا تھا

ناصؔر کاظمی

 

[طارق شاہ]

تصدّق اِس کَرَم کے میں کبھی تنہا نہیں رہتا !
کہ جِس دِن تم نہیں آتے، تمھاری یاد آتی ہے

جلیؔل مانک پُوری

 

[طارق شاہ]

آپ کے دُشمن رہیں وقفِ خَلِش، صرفِ تَپش
آپ کیوں غمخوارئ بیمارِ ہِجراں کیجیئے

جِگؔر مُرادآبادی