بارہویں سالگرہ شعر کا جواب شعر سے دیں ۔ برائے محفل کے شعراء

[لاریب مرزا]

آئنہ۔۔۔۔۔! تو ہی بہتر ہے ہم سے
ہم تو اتنے بھی روح شناس نہیں

آئنہ دیکھ کے کہتے ہیں سنورنے والے
آج بے موت مریں گے مرے مرنے والے

(رشید رامپوری)

 

[یاز]

آئنہ دیکھ کے کہتے ہیں سنورنے والے
آج بے موت مریں گے مرے مرنے والے

(رشید رامپوری)

وسعتوں کا ہوگا اندازہ تمہیں
آئینہ خانے سے تو نکلا کرو

 

[عائشہ صدیقہ]

آئنہ دیکھ کے کہتے ہیں سنورنے والے
آج بے موت مریں گے مرے مرنے والے

(رشید رامپوری)

تم اپنے بارے میں مجھ سے بھی پوچھ سکتے ہو
یہ تم سے کس نے کہا آئینہ ضروری ہے۔۔۔۔۔

 

[محمدابوعبداللہ]

تم اپنے بارے میں مجھ سے بھی پوچھ سکتے ہو
یہ تم سے کس نے کہا آئینہ ضروری ہے۔۔۔۔۔

آپ تو اوروں کی جاسوسی کا بھی فن رکھتے ہیں
ہم سمجھے تھے فقط شعروں کی لگن رکھتے ہیں

 

[عائشہ صدیقہ]

آپ تو اوروں کی جاسوسی کا بھی فن رکھتے ہیں
ہم سمجھے تھے فقط شعروں کی لگن رکھتے ہیں

وفا کرو گے وفا کریں گے جفا کرو گے جفا کریں گے
ہم آدمی ہیں تمہارے جیسے جو تم کرو گے وہ ہم کریں گے

 

[لاریب مرزا]

تم اپنے بارے میں مجھ سے بھی پوچھ سکتے ہو
یہ تم سے کس نے کہا آئینہ ضروری ہے۔۔۔۔۔

میں آئینہ ہوں، مگر عکس ہر کسی کا نہیں
جو منعکس ہے وہ اہلِ نظر سمجھتے ہیں

 

[محمدابوعبداللہ]

وفا کرو گے وفا کریں گے جفا کرو گے جفا کریں گے
ہم آدمی ہیں تمہارے جیسے جو تم کرو گے وہ ہم کریں گے

وفا کرو گے وفا ملے گی جفا کرو گے جفا ملے گی
اگر وفا پر جفا ملی تو جفا پہ تم کو سزا ملے گی

 

[عائشہ صدیقہ]

میں آئینہ ہوں، مگر عکس ہر کسی کا نہیں
جو منعکس ہے وہ اہلِ نظر سمجھتے ہیں

آئینوں میں عکس نہ ہوں تو حیرت رہتی ہے
جیسے خالی آنکھوں‌میں بھی وحشت رہتی ہے

 

[لاریب مرزا]

وفا کرو گے وفا ملے گی جفا کرو گے جفا ملے گی
اگر وفا پر جفا ملی تو جفا پہ تم کو سزا ملے گی

کیا بات ہے جناب!!
عباد اللہ دیکھیے ذرا،ادھر طبیعت میں کافی روانی ہے آج

 

[عائشہ صدیقہ]

وفا کرو گے وفا ملے گی جفا کرو گے جفا ملے گی
اگر وفا پر جفا ملی تو جفا پہ تم کو سزا ملے گی

لوگ ایسے وفا سے ڈرتے ہیں
جیسے بچے بلا سے ڈرتے ہیں

 

[محمدابوعبداللہ]

کیا بات ہے جناب!!
عباد اللہ دیکھیے ذرا،ادھر طبیعت میں کافی روانی ہے آج

 

[عباد اللہ]

میں آئینہ ہوں، مگر عکس ہر کسی کا نہیں
جو منعکس ہے وہ اہلِ نظر سمجھتے ہیں

ہم اسی رمز کو اعجازِ نظر کہتے ہیں
مصرع سے کام چلائیں شعر نہیں ہوا یا گرہ بھی لگا سکتے ہیں

 

[محمدابوعبداللہ]

لوگ ایسے وفا سے ڈرتے ہیں
جیسے بچے بلا سے ڈرتے ہیں

جیسے خاوند "بلا" ڈرتے ہیں

 

[رانا]

بہت عمدہ ۔ آج تمام لڑی موبائل سے آف لائن ہی پڑھی اس لئے فردا فردا تو ریٹنگ نہ دے پائے لیکن اتنی اچھی محفل جمانے پر تمام شعرا حضرات کا بہت بہت شکریہ۔
اعجاز صاحب نے یہ بہت اچھا کیا کہ محفل کے شاعر ہونے کی قید ہٹا دی اس طرح ہمیں بھی موقع مل جائے گا حصہ لینے کا۔ لیکن یاداشت ایسی ہے کہ ابھی تک تو ایک بھی شعر کا جوابی شعر نہ یاد آسکا۔

 

[عباد اللہ]

کیا بات ہے جناب!!
عباد اللہ دیکھیے ذرا،ادھر طبیعت میں کافی روانی ہے آج

بالکل متفق
ابو عبداللہ میاں ہم کو میر انیس یاد آ گئے
ایک قطرے کو جو دوں بسط تو قلزم کردوں
بحر مواج فصاحت کا تلاطم کر دوں
ماہ کو مہر کروں ذروں کو انجم کردوں
گنگ کو، ماہر انداز تکلم کر دوں.

 

[یاز]

لوگ ایسے وفا سے ڈرتے ہیں
جیسے بچے بلا سے ڈرتے ہیں

وفا کیسی کہاں کا عشق جب سر پھوڑنا ٹھرا
تو اے سنگ دل تیرا ہی سنگ آستاں کیوں ہو
وغیرہ

 

[عائشہ صدیقہ]

وفا کیسی کہاں کا عشق جب سر پھوڑنا ٹھرا
تو اے سنگ دل تیرا ہی سنگ آستاں کیوں ہو
وغیرہ

سکون محال ہے وفا کے رستے میں
کبھی چراغ جلے ہیں ہوا کے رستے میں

 

[محمدابوعبداللہ]

سکون محال ہے وفا کے رستے میں
کبھی چراغ جلے ہیں ہوا کے رستے میں

آہوں سے سوز عشق مٹایا نہ جائے گا
پھونکوں سے یہ چراغ بجھایا نہ جائے گا
امیر مینائی​

 

[یاز]

سکون محال ہے وفا کے رستے میں
کبھی چراغ جلے ہیں ہوا کے رستے میں

نئے دور کے نئے خواب ہیں نئے موسموں کے گلاب ہیں
یہ محبتوں کے چراغ ہیں انہیں نفرتوں کی ہوا نہ دے

 

[عائشہ صدیقہ]

آہوں سے سوز عشق مٹایا نہ جائے گا
پھونکوں سے یہ چراغ بجھایا نہ جائے گا
امیر مینائی​

اپنی محرومی کے اسباب سے شرمندہ ہیں چراغ
خود تو رکھتے نہیں اوروں کے بجھاتے ہیں چراغ