شعر کا جواب شعر میں

[صائمہ شاہ]

انہی پتھروں پہ چل کر اگر آ سکو تو آؤ
میرے گھر کے راستے میں کوئی کہکشاں نہیں ہے

اچھا جنابِ عشق ہیں؟ تشریف لائیے!!​

خوب آئے آپ! آئیے حضرت کہاں رہے​

 

[محمد امین]

اچھا جنابِ عشق ہیں؟ تشریف لائیے!!​

خوب آئے آپ! آئیے حضرت کہاں رہے​

ہوئی تاخیر تو کچھ باعثِ تاخیر بھی تھا
آپ آتے تھے مگر کوئی عناں گیر بھی تھا

 

[صائمہ شاہ]

​

کل جہاں سے کہ اٹھا لائے تھے احباب مجھے​

لے چلا آج وہیں۔۔۔۔۔۔۔۔۔۔۔ پھر دلِ بے تاب مجھے​

 

[محمد امین]

​

کل جہاں سے کہ اٹھا لائے تھے احباب مجھے​

لے چلا آج وہیں۔۔۔ ۔۔۔ ۔۔۔ ۔۔ پھر دلِ بے تاب مجھے​

بیٹھنے کون دے ہے پھر اس کو
جو ترے آستاں سے اٹھتا ہے

 

[صائمہ شاہ]

بزم سے میرے اُٹھانے کے لیئے
پوچھتے ہیں آپ کو کچھ کام ہے

​

 

[غ۔ن۔غ]

ہر طرف مستیاں ہر طرف دلکشی
مسکراتے دلوں میں خوشی ہی خوشی
کتنا چاہا مگر پھر بھی اٹھ نہ سکا
تیری محفل میں جو ایک بار آگیا

 

[مغزل]

سینے میں تیری یاد نے آئینے بھر دیے
مشکل ہوا ہے سانس کا پتھر اتارنا

 

[امیداورمحبت]

اس زندگی میں اتنی فراغت کسے نصیب
اتنا نہ یاد آ کہ تجھے بھول جائیں ہم
فراز

 

[مغزل]

تجھے بھلانا ہی اوّل تو دسترس میں نہیں
جو اختیار بھی ہوتا ، تو کیا بھلا دیتے ؟؟

 

[معاویہ وقاص]

کیوں آپ کی خوشی کو مرا غم کرے اداس
اک تلخ حادثہ ہوں بھلا دیجئے مجھے

عبدلحمید عدم

 

[صائمہ شاہ]

کیوں آپ کی خوشی کو مرا غم کرے اداس
اک تلخ حادثہ ہوں بھلا دیجئے مجھے

عبدلحمید عدم

۔۔۔۔۔۔۔۔۔۔۔۔۔۔۔
روز کہتا ہوں بھول جاوں تجھے
روز یہ بات بھول جاتا ہوں

 

[محمد بلال اعظم]

۔۔۔۔۔۔۔۔۔۔۔۔۔۔۔
روز کہتا ہوں بھول جاوں تجھے
روز یہ بات بھول جاتا ہوں

یہ علم کا سودا، یہ رسالے، یہ کتابیں
اک شخص کی یادوں کو بھلانے کے لئے ہیں

 

[صائمہ شاہ]

اس شہر میں کتنے چہرے تھے کچھ یاد نہیں سب بھول گئے
اک شخص کتابوں جیسا تھا وہ شخص زبانی یاد ہوا

 

[معاویہ وقاص]

نکلا تھا اک حسیں کے تعاقب میں پیار سے
اب تک اسی نشے میں چلا جا رہا ہوں میں

عبدلحمید عدم

 

[عاطف بٹ]

غمِ دنیا بھی غمِ یار میں شامل کرلو
نشہ بڑھتا ہے شرابیں جو شرابوں میں ملیں

 

[محمداحمد]

نشہ سے کم تو نہیں یادِ یار کا عالم ​

کہ لے اُڑا ہے کوئی دوش پر ہوا کے مجھے​

​

احمد فرازؔ​

 

[محمد علم اللہ]

میرے سر ہے شراپ کسی کا، چھوڑ دو میرا ساتھ یہیں
جانے اس ویران ڈگر پر آگے کیا کیا دیکھو تم

(نا معلوم)

 

[محمداحمد]

کچھ اور ساتھ رہے گا، چلو چلیں واپس
جہاں ملے تھے اُسی موڑ پر جدا ہونا

(نامعلوم)

 

[محمد بلال اعظم]

سادگی حسن کی شعروں میں بیاں کرنی تھی
لفظ آسان چُنے، مصرع سادہ باندھا

(شہزاد نیر صاحب)

 

[نوید رزاق بٹ]

سادگی حسن کی شعروں میں بیاں کرنی تھی
لفظ آسان چُنے، مصرع سادہ باندھا

(شہزاد نیر صاحب)

ذکر اُس پری وش کا، اور پھر بیاں اپنا
بن گیا رقیب آخر، تھا جو رازداں اپنا
- غالب