طبع زاد اشعار کی بیت بازی

[محمد حسنان شاہ]

ہمیں پھر اس کھیل سے خارج سمجھیں - یہ آپ جیسے چست دماغ شعرا کا کام ہے🌹
البتہ ہم داد دیتے رہیں گے

آخری لفظ چ تھا۔
چاہت سے منتخب کر تو اپنی بحر اک
ارکان گنگنا کر بات اپنی کرنا سیکھ

 

[محمد عبدالرؤوف]

چاہت سے منتخب کر تو اپنی بحر اک
ارکان گنگنا کر بات اپنی کرنا سیکھ

ہم کو زمین مسخ یوں کر دے گی ایک دن
جیسے ہوا پہاڑ کا حلیہ بگاڑ دے

 

[فہد اشرف]

ہم کو زمین مسخ یوں کر دے گی ایک دن
جیسے ہوا پہاڑ کا حلیہ بگاڑ دے

یارب تری زمین میں کرتے ہیں جو فساد
ایسے ہر ایک شخص کا حلیہ بگاڑ دے

 

[محمد عبدالرؤوف]

یارب تری زمین میں کرتے ہیں جو فساد
ایسے ہر ایک شخص کا حلیہ بگاڑ دے

یا رب جو کر رہا ہے یاں انساں پہ تنگ زیست
ہر ایسے فتنہ جو کا ارادہ بگاڑ دے

 

[محمد شکیل خورشید]

یہ کوسنے بگاڑ کے اب رہنے دیجئے
کچھ لطف کھیل کود کی باتوں کا لیجئے

 

[مقبول]

یہ کوسنے بگاڑ کے اب رہنے دیجئے
کچھ لطف کھیل کود کی باتوں کا لیجئے

یہاں پہ سب لگے ہوئے ہیں کچھ نہ کچھ بگاڑنے
وہ آئے تھے جو گھر سے اپنی شاعری سنوارنے 😜

 

[محمد عبدالرؤوف]

یہاں پہ سب لگے ہوئے ہیں کچھ نہ کچھ بگاڑنے
وہ جو تھے آئے گھر سے اپنی شاعری سنوارنے 😜

یہی بگاڑ تو تعمیرِ نو کی ہے بنیاد
اسے نہ جانیے تخریب کاریاں ہرگز

 

[محمد حسنان شاہ]

یہاں پہ سب لگے ہوئے ہیں کچھ نہ کچھ بگاڑنے
وہ آئے تھے جو گھر سے اپنی شاعری سنوارنے 😜

زہے نصیب بس کچھ اس طرح ہی ہے سخن وری
کہو ہو بات کوئی بحر ریختہ کی ہو مگر
جواب ہم نے یہ دیا ہے اس ہی بحر میں تمھیں
کہ جس میں کہہ دیا ہے تم نے دل کا حال بے خطر

 

[مقبول]

رہ اب گیا ہے ایک ہی مضمون اپنے پاس کیا
تخریب کا آیا فقط ہم کو ہنر ہے راس کیا

 

[محمد حسنان شاہ]

اک راز سن کہ جس سے ہے خاص کچھ نہیں
گر یہ نہیں تو تیرے ہے پاس کچھ نہیں
حیوان بھی ہے بہتر انسان سے بہت
انسان میں نہ ہو جو احساس کچھ نہیں

 

[مقبول]

نہ کسی کو خوفِ خدا یہاں ، نہ ہی بے حسی پہ ملال ہے
یہ بتا رہی ہیں علامتیں کہ یہ شہر روبَہ زوال ہے

 

[محمد شکیل خورشید]

یہ جو اک بے کلی سی دل میں ہے
لگ رہا ہے کہ چل چلاؤ ہے

 

[اکمل زیدی]

یہ دعا ہے اہلِ محفل کی
خدا آپ کی عمر دراز کرے

 

[عظیم]

یہ کیا کہ خود جو قتل بھی کر دیں تو ہو معاف
لیکن زباں بھی دوسرے کی لڑکھڑائے کیوں

 

[محمد عبدالرؤوف]

نسخہ ہے اک یہ دل کے سکون و قرار کا
حرص و ہوس کا میل دلوں سے نکال دو

 

[سیما علی]

نسخہ ہے اک یہ دل کے سکون و قرار کا
حرص و ہوس کا میل دلوں سے نکال دو

بہت خوب 🌟🌟⭐️🌟🌟

 

[مقبول]

نسخہ ہے اک یہ دل کے سکون و قرار کا
حرص و ہوس کا میل دلوں سے نکال دو

وہ میرے ہاتھ میں جب بھی کلائی دیتا ہے
مجھے بہشت کا منظر دکھائی دیتا ہے

 

[محمد عبدالرؤوف]

بہت خوب 🌟🌟⭐️🌟🌟

شکریہ 😊

 

[الف عین]

یہاں حالت یہ ہے، اک شعر بھی ہوتا نہیں ہم سے
چبائے کو جگالی کی نہیں کرتا دہن میرا

 

[محمد عبدالرؤوف]

یہاں حالت یہ ہے، اک شعر بھی ہوتا نہیں ہم سے
چبائے کو جگالی کی نہیں کرتا دہن میرا

آپ ہیں بس کنارہ کش ورنہ
شعر کیا چیز، شاعری کیا ہے