تعارف عامر گولڑوی صاحب کاتعارف

[گُلِ یاسمیں]

بالکل کہنہ نہیں بلکہ کہنا ۔۔۔۔

بالکل کہنا ہی کہنا تھا آپ نے مگر کہنہ کہہ گئے۔ بڑے بڑے لوگ اایسی غلطیاں کر ہی جایا کرتے ہیں۔

 

[گُلِ یاسمیں]

کہنہ سے ایک شعر یاد آ گیا
احمد رضا خاں فاضل بریلوی صاحب کا۔
میں خانہ زاد کہنہ ہوں صورت لکھی ہوئی
بندوں کنیزوں میں مرے مادر پدر کی ہے

واہ واہ تو ہم ابھی کئے دیتے ہیں مگر شعر سمجھیں گے بعد میں کسی سیانے سے۔

 

[گُلِ یاسمیں]

آپ کی کرم نوازی سے 😄🙃😉

کب کی کرم نوازی بھلا۔۔۔

 

[گُلِ یاسمیں]

منتظر

نہ جانے فیصل بھائی کہاں ہیں۔۔۔ شاید جیل پہلے سے بھری ہوئی ہے۔ خیر آپ کی باری بھی آ ہی جائے گی عامر بھیا۔

 

[عامر گولڑوی]

کب کی کرم نوازی بھلا۔۔۔

بھوت والی لڑی میں ہمارا شمار کیا جانا۔

 

[گُلِ یاسمیں]

کل سے تھوڑا تھوڑا خمار مجھ پر بھی طاری ہے۔ 😉😄

ابھی تو مسوم بھیا نے آپ کو خوش آمدید بھی نہیں بولا اور خمار پہلے روانہ کر دیا آپ کی طرف۔
ابھی فتویٰ لگ جا نا آپ پر۔۔۔ فیر نہ کہنا کہ خبر نہ ہوئی۔

 

[گُلِ یاسمیں]

بھوت والی لڑی میں ہمارا شمار کیا جانا۔

تو پھر بتائیے کہ جن ہیں یا بھوت ؟

 

[گُلِ یاسمیں]

کل سے تھوڑا تھوڑا خمار مجھ پر بھی طاری ہے۔ 😉😄

میخانہ سخن کا گدائے قدیم ہوں
ہر رنگ کی شراب ہے پیالے میں مرے

عامر بھیا کہیں آپ چُنری بابو تو نہیں دیوداس والے

 

[عامر گولڑوی]

تو پھر بتائیے کہ جن ہیں یا بھوت ؟

ارے جن اور بھوت تو خود ہمارے قدموں میں بیٹھتے ہیں۔ کبھی کبھار تو ابا جان ابا جان بھی پکارتے ہیں۔ 😃😉

 

[عامر گولڑوی]

عامر بھیا کہیں آپ چُنری بابو تو نہیں دیوداس والے

مجھے کردار یاد نہیں۔

 

[گُلِ یاسمیں]

محترمہ سیما علی صاحبہ
کیوں نہ ہر ذرہ رقص میں آوے
جلوہ گر آفتاب سیما ہے
خود کو ذرہ سمجھتے ہوئے ہم رقص کرتے ہوئے تعارف خانہ میں دوڑتے آئے اور آپ اپنا دامن بچا کر کہیں اور نکل گئیں۔

کہیں اور نہ نکل گئیں، ہماری طرف ہیں سیما آپا۔

 

[گُلِ یاسمیں]

السلام علیکم
صبح بخیر
کیسے مزاج ہیں بہت خوب ۔۔ماشاءاللہ اتنے سارے مراسلے وہ بھی ایکدن میں ۔۔۔اللہ کرے زور قلم اور زیادہہ ۔۔جیتے رہیے شاد و آباد رہیے اور نصف بہتر کو بھی محفل کا حصہ بنائیے۔۔۔

وعلیکم السلام
سیما آپا۔۔۔ عامر بھیا کے مزاج بعد میں پوچھئیے۔ پہلے ہمیں تھوڑی شاباشی دیجئیے۔
نصف بہتر کو محفل کا حصہ بنا کر کیا کرنا ہے آپا کہ ہم انھیں بھابی بھی نہیں کہہ سکتے کیونکہ ان کے ہاں بھابی کسی اور۔۔۔۔ کو کہا جاتا ہے۔ اللہ معافی۔

 

[گُلِ یاسمیں]

اچھے عیسی ہو مریضوں کا خیال اچھا ہے
ہم مرے جاتے ہیں تم کہتے ہو حال اچھا ہے۔
😉🙃

مری کا تو معلوم۔۔ مگر یہ مرے کہاں ہے۔ کون سی بس سے جاتے ہیں۔

 

[گُلِ یاسمیں]

بہت بہت مبارک جناب ۔۔۔

شادی وہ لڈو جو کھائے پچھتائے جو نہ کھائے وہ بھی پچھتائے۔۔۔۔​

پر یہ کوہی نہیں بتاتا؀
شادی بہت سارے طبی فوائد کا بھی باعث بنتی ہے جن کے بارے میں ماہرین نے طویل ریسرچ کے بعد بتایا ہے- 1: دل کے دورے کے خطرات میں کمی فن لینڈ میں ہونے والی ایک طبی تحقیق کے مطابق شادی کرنے والے مرد اور عورت دل کے دورے کے خطرات سے محفوظ رہتے ہیں ان افراد
میں دل کے دورے کا خطرہ65 فی صد تک کم ہوجاتا ہے - 2: فالج کے خطرات میں کمی ماہرین کے مطابق اچھا ازدواجی تعلق مرد اور عورت دونوں کو فالج کے خطرے سے 65 فی صد تک محفوظ رکھ سکتا ہے اور ایک اچھا ازدواجی تعلق ایک اچھے دوران خون کا سبب ہوتا ہے
ذہنی دباؤ میں کمی شادی کے سبب انسان کے اندر موجود ہارمون میں بھی تبدیلی واقع ہوتی ہے اور مایوسی کا باعث بننے والے ہارمون کے افراز میں کمی دیکھنے میں آتی ہے جس کے سبب انسان کو ذہنی دباؤ سے نجات ملتی ہے 4: طویل عمر ملتی ہے تحقیق سے یہ بات ثابت ہوئی ہے کہ ایک خوشگوار ازدواجی زندگی عمر کی طوالت کا سبب بنتی ہے اور خوشگوار ازدواجی زندگی گزارنے والے جوڑے عام لوگوں سے زیادہ زندہ رہتے ہیں- 5: مثبت طرز فکر کا پیدا ہونا اوہائیو میں ہونے والی ریسرچ کے مطابق شادی شدہ افراد منفی سرگرمیوں میں حصہ لینے سے بچتے ہیں اور ان کے لیے ان کی اور دوسروں کی زندگی اہم ہو جاتی ہے اس وجہ سے شادی شدہ افراد منفی سرگرمیوں کا حصہ نہیں بنتے ہیں-۔۔۔لیجیے صبح صبح کتنی اچھی باتیں بتائیں نصف بہترسے بھی شئیر کئجیے۔۔۔

سیما آپا صبح کے چار بج کر سولہ منٹ پر یہ سب باتیں؟
اگر واقعی میں اتنے سارے فوائد ہیں شادی کے۔۔۔ تو آج تک ہمیں کیوں بے خبر رکھا۔

 

[گُلِ یاسمیں]

شیئر تو کر دوں لیکن الٹا مجھے سمجھانے میں اپنا دماغ خالی کرنا پڑے گا جو پہلے سے ہے۔ 😉 اسے ہماری زبان نہیں آتی ہے۔ اور سمجھا بھی دیا تو پھر بھی سارا قصور اپنا ہی ہو گا۔

پھر بات چیت کیسے کرتے ہیں آپ۔۔۔ اشاروں میں؟
ویسے ایک لحاظ سے تو اچھا ہے۔ اس طرح جھگڑے بھی کم ہوتے ہوں گے۔ اب بندہ لڑنے کے لئے کتنی دیر تک اشاروں سے کام چلا سکتا ہے۔ اللہ پاک رحم فرمائیں اور انھیں آپ کی زبان سمجھنے کی توفیق عطا فرمائیں۔ آمین۔

 

[گُلِ یاسمیں]

دل کا دورہ پڑنے کا تو سوال ہی پیدا نہیں ہوتا کیونکہ
جلا ہے جسم جہاں دل بھی جل گیا ہو گا۔
اور رہی طویل عمر کی بات تو
صبح کرنا شام کا لانا ہے جوئے شیر کا

واقعی آپ نے صحیح لکھا تھا کہ شادی کے جرم کی سزا ہی کاٹ رہے ہیں آپ۔ جسم جل گیا، دل جل گیا ، دماغ خالی ہو گیا۔
کیا پیغام دینا چاہیں گے آپ دوسروں کو۔۔۔

 

[گُلِ یاسمیں]

کیوں صبح اٹھتیں نہیں۔۔۔یا ناشتہ اچھا نہیں بناتیں؟؟؟؟؟یا آپ مشکل ناشتہ پسند کرتے ہیں۔۔

سیما آپا ۔۔۔ بھیا جی کا اکاؤنٹ اپروو ہوا یا نہیں۔ ان کی کمی محسوس ہو رہی یہاں۔ نیا اکاؤنٹ بنائیے نا ان کا۔

 

[گُلِ یاسمیں]

محترمہ ملکہ دیار دلم اٹھ تو مجھ سے بھی پہلے جاتی ہیں لیکن ناشتہ اپنا اپنا۔ جو وہ تناول کرتی ہیں ، ہمیں اس سے پرہیز ہے اور جو ہم پسند کرتے ہیں وہ بنانے سے رہی ایک بار کڑھی بنانے کو کہا تو محترمہ نے میری بنائی ہوئی کڑہی میں پکوڑے ڈالنے کے بجائے نگیٹس chicken nuggets ڈال دیے۔ 😃🤣

یہ نام ہے کیا ان کا۔۔۔
جہاں کڑحی بنانے پہ محنت کر لی تھی عامر بھیا تو تھوڑے سے پکوڑے بھی خود تل لئے ہوتے۔
یہ خواتین کا ایک عالمی حربہ ہے کہ اگر کچھ پکانے کا موڈ نہ ہو تو پہلی ہی فرمائش پر ڈش کا وہ حال کرتی ہیں کہ اگلی بار خواہش سے پہلے بندہ دس بار سوچے۔

 

[گُلِ یاسمیں]

میں ایک طویل عرصہ سے تمام علی و ادبی نشستوں اور سوشل میڈیا سےمنقطع تھا ختی کہ میرے استاد محترم سید انصر صاحب جو مشہور و معروف شاعر اور برسوں بعد غزل کے خالق ہیں نے کئیں دفعہ کہا کہ احباب سے رشتہ بنائے رکھوں، یوں تنہا رہنا اچھا نہیں لیکن کچھ طبیعت ہی ایسی ہو چکی تھی
میں نصیر فقر سرست ہو کہ مرید ساقی چشت ہوں
اور
جی بھر گیا دنیا سے اب دل کی یہ حسرت ہے
تو ہو ترا جلوہ ہو اور گوشہ تنہائی
لیکن کل سے تمام احباب نے جس محبت سے نوازا ہے اس سے احساس ہوتا ہے کہ غلطی کر دی اس گراں قدر گنجینہ سے محروم رہا۔
سلامت رہیں ۔ اللہ رب العزت اپنی رحمتوں، برکتوں اور نعمتوں کا نزول فرمائے آمین

غلطی کرنا کوئی بڑی بات نہیں۔ البتہ اسے دہرانا بُری بات ہے۔
اردو محفل واقعی میں اپنوں کی محفل ہے۔ بس کچھ کوشش خود سے کرنی پڑتی ہے گُھلنے ملنے کی۔ ورنہ ڈیڑھ اینٹ کی مسجد بنا کر بیٹھ رہنا کون سا کمال ہے۔
نہیں؟؟؟

 

[گُلِ یاسمیں]

کھانوں میں تو چاول، مچھلی ، کیلا اور کچھ سبزیاں وغیرہ ہی ہیں میں پہلے بہت شوق سے کھاتا تھا لیکن اب پاکستانی کھانوں کی یاد ستاتی ہے۔

خود بنا لیا کریں عامر بھیا۔