" عشق " پر اشعار

[غ۔ن۔غ]

لطف وہ عشق میں پائے ہیں کہ جی جانتا ہے
رنج بھی ایسے اٹھائے ہیں کہ جی جانتا ہے
داغ

 

[غ۔ن۔غ]

خبرِ تحیرِ عشق سن، نہ جنوں رہا نہ پری رہی
نہ تو تو رہا، نہ تو میں رہا، جو رہی سو بے خبری رہی

 

[غ۔ن۔غ]

کہنے کو اس سے عشق کی تفسیر ہے بہت
پڑھ لے تو صرف آنکھ کی تحریر ہے بہت
بیٹھا رہا وہ پاس تو میں سوچتی رہی
خاموشیوں کی اپنی بھی تاثیر ہے بہت

 

[عمر سیف]

ہم سے جنون عشق کا عالم نہ پوچھیئے
اپنا ہی انتظار کیا ہے کبھی کبھی

 

[صائمہ شاہ]

عشق یہ معجزہ کیسا ہے کہ اس کشتہ کے
موئے سر حلق سے پیدا ہوئے اور سر نہ ہوا
ذوق

 

[عمر سیف]

اے عشق آ کہ پھر سے کوئی تجربہ کریں
میں بھولنے لگا ہوں پرانی کہانیاں

 

[صائمہ شاہ]

عشق نے سیکھ ہی لی وقت کی تقسیم کہ اب
وہ مجھے یاد تو آتا ہے مگر کام کے بعد

 

[عمر سیف]

یہ دن کہ قہر ہوئے چشم و گوش کے حق میں
نوائے عشق، صدائے جمال کون سنے

 

[محمداحمد]

عشق بارِ دگر ہوا ہی نہیں
دل لگایا تھا دل لگا ہی نہیں

لیاقت علی عاصم

 

[عمر سیف]

مجھے حُسن نے ستایا ، مجھے عشق نے مِٹایا
کسی اور کی یہ حالت کبھی تھی نہ ہے نہ ہوگی

 

[محمداحمد]

عشق بھی اک بے بسی تھی، بے بسی میں کیا کیا
ہم نے مرنے کے علاوہ زندگی میں کیا کیا

لیاقت علی عاصم

 

[عمر سیف]

یہ عشق بھی کیا ہے ؟ اسے اپنائے کوئی اور
چاہوں میں کسی اور کو یاد آئے کوئی اور

 

[عٽمان]

راجہ صاحب آپ نے اس شعر کے ہاتھ پاؤں توڑ کر اس کو ہسپتال کے باہر پہنچا دیا ہے۔

بلکل شمشاد بھائی ٹھیک کہا آپ نے

 

[زیرک]

صحرا صحرا بھٹک رہا ہے
اپنے عشق کا سچا چاند
پروین شاکر

 

[زیرک]

مدتوں گونجے تیرا عشق تو پھر اندر سے
کوئی سچل، کوئی وارث، کوئی باہو نکلے
اطہر عباسی

 

[رباب واسطی]

موسمِ عشق جو آیا تو قیامت لایا
پھر وہ موسم تو گیا اور قیامت نہ گئی​

 

[رباب واسطی]

ہم عشق میں ہیں فرد تو تم حسن میں یکتا
ہم سا بھی نہیں ایک جو تم سا نہیں کوئی

 

[زیرک]

ہم عشق میں ہیں فرد تو تم حسن میں یکتا
ہم سا بھی نہیں ایک جو تم سا نہیں کوئی

عقل و دل و نگاہ کا مرشدِ اولیں ہے عشق
عشق نہ ہو تو شرع و دِیں بتکدہ تصورات

 

[زیرک]

موسمِ عشق جو آیا تو قیامت لایا
پھر وہ موسم تو گیا اور قیامت نہ گئی​

عشق کچھ ایسی گدائی ہے کہ سبحان الله
ہم نے خیرات وہ پائی ہے کہ سبحان الله

 

[زیرک]

عشق زنجیر بن کے کہتا ہے
سوچ مت، پاؤں میں تو ڈال مجھے