عشق

[محب علوی]

وہ بے خبر ہیں جن کو ہے پندارِ تخت و تاج
دیکھا ہے ہم فقیروں کا جاہ و حشم کہاں
پلکوں پہ جُڑ گئے ہیں ستارے سے عشق میں
ہر ایک کے نصیب میں یہ اشکِ غم کہاں​

یہ موتیوں جیسے شعر کہاں سے اٹھا لائی ہو، کیا کہنے ماورا

 

[ماوراء]

بہت بہت شکریہ محب۔۔آپ نے جو بھی میری حوصلہ افزائی میں کچھ کہا ہے۔۔۔

ویسے ایک بات بتاؤں۔۔۔شاعری میرے سر کے اوپر سے گزر جاتی ہے۔۔۔کچھ بھی سمجھ نہیں آئی۔۔میرا دماغ چکرا گیا ہے۔۔

پر حو صلہ افزائی کس چیز کی۔۔۔

 

[ماوراء]

وہ بے خبر ہیں جن کو ہے پندارِ تخت و تاج
دیکھا ہے ہم فقیروں کا جاہ و حشم کہاں
پلکوں پہ جُڑ گئے ہیں ستارے سے عشق میں
ہر ایک کے نصیب میں یہ اشکِ غم کہاں​

یہ موتیوں جیسے شعر کہاں سے اٹھا لائی ہو، کیا کہنے ماورا

کہیں راستے میں جا رہی تھی۔۔۔کسی نے تحفے میں دیا تھا۔۔

 

[محب علوی]

نہ کرو اتنی اچھی شاعری ہے تمہارا ذوق تو اتنا اچھا ہے۔

 

[ماوراء]

کیا نہ کروں۔۔۔

 

[محب علوی]

ایسی باتیں نہ کرو

 

[ماوراء]

آپ بھی ایسی باتیں نہ کریں۔۔ابھی کوئی آ کر کہے گا۔۔ٹاپک کے مطابق چلیں۔۔

 

[الف نظامی]

عشق ہی کی آگ ہے جو نے میں ہے
عشق ہی کا جوش ہے جو مے میں ہے

 

[الف نظامی]

شاد باش اے عشق خوش سودائے ما
اے طبیب جمل علت ہائے ما
اے دوائے نخوت و ناموس ما
اے تو افلاطون و جالینوس ما
جسمِ خاک از عشق بر افلاک شد
کوہ در رقص آمد و چالاک شد
ترجمہ
شاد ہو اے عشق اے سودا نصیب
اے ہماری کل بلاوں کے طبیب
ہے دوائے نخوت و ناموس تو
اے کہ افلاطون و جالینوس تو
عشق سے گردوں پہ جسمِ خاک ہے
رقص میں ہے کوہ اور چالاک ہے

 

[الف نظامی]

عشق کی آشفتگی نے کر دیا صحرا جسے
مشت خاک ایسی نہاں زیرِ قبا رکھتا ہوں میں
ہر تقاضا عشق کی فطرت کا ہو جس سے خموش
آہ وہ کامل تجلی مدعا رکھتا ہوں میں
زندگی الفت کی درد انجامیوں سے ہے مری
عشق کو آزادِ دستورِ وفا رکھتا ہوں میں
مجکو پیدا کرکے اپنا نکتہ چیں پیدا کیا
نقش ہوں، اپنے مصور سے گلہ رکھتا ہوں میں

 

[الف نظامی]

شیشہ دہر میں مانند مے ناب ہے عشق
روح خورشد ہے، خونِ رگِ مہتاب ہے عشق

 

[الف نظامی]

عشق بلند بال ہے رسم و رہِ نیاز سے
حسن ہے مستِ ناز اگر تو بھی جوابِ ناز دے
تجھ کو خبر نہیں ہے کیا؟ بزمِ کہن بدل گئی
اب نہ خدا کے واسطے ان کو مئے مجاز دے

 

[الف نظامی]

توڑ دیتا ہے بتِ ہستی کو ابراہیمِ عشق
ہوش کا دارو ہے گویا مستی تسنیمِ عشق

 

[الف نظامی]

لطفِ کلام کیا جو نہ ہو دل میں دردِ عشق
بسمل نہیں ہے تو، تو تڑپنا بھی چھوڑ دے

 

[الف نظامی]

میں انتہائے عشق ہوں تو انتہائے حسن
دیکھے مجھے کہ تجھ کو تماشا کرے کوئی

 

[الف نظامی]

منصور کو ہوا لبِ گویا پیامَ موت
اب کیا کسی کے عشق کا دعوی کرے کوئی

 

[الف نظامی]

خاک میں مل کے حیاتِ ابدی پا جاوں
عشق کا سوز زمانے کو دکھاتا جاوں

 

[الف نظامی]

ابر رحمت تھا کہ تھی عشق کی بجلی یارب!
جل گئی مزرع ہستی تو اگا دانہِ دل
حسن کا گنج گرانمایہ تجھے مل جاتا
تو نے فرہاد نہ کھودا کبھی ویرانہ دل
خاک کے ڈھیر کو اکسیر بنا دیتی ہے
وہ اثر رکھتی ہے خاکسترِ پروانہ دل

 

[شمشاد]

آگے بڑھے نہ قصہِ عشقِ بتاں سے ہم
سب کچھ کہا مگر نہ کھلے رازداں سے ہم
(الطاف حسین حالی)

 

[شمشاد]

اب بھاگتے ہیں سایہِ عشقِ بتاں سے ہم
کچھ دل سے ہیں ڈرے ہوئے کچھ آسماں سے ہم
(الطاف حسین حالی)