عشق

[عمر سیف]

اس عشق پر کسی کا اجارہ نہیں ہے داغ
پروردگار جس کو یہ نعمت عطا کرئے

 

[نوید ملک]

سب کی اِک اوقات
عشق نہ پوچھے ذات

 

[عمر سیف]

تھی عشق کی وہ ابتدا جو موج سی اٹھتی کبھو
اب دیدۂ تر کو جو تم دیکھو تو ہے گرداب سا

 

[عیشل]

ابھی تو فصل تازہ ہے،ہمارے حرف و معنی کی
ابھی ڈرتے نہیں ہم موسموں کے آنے جانے سے
ابھی تو عشق میں آنکھیں بجھی ہیں دل سلامت ہے
زمینیں بانجھ ہوتی ہیں کبھی فصلیں جلانیں سے!!

 

[نوید ملک]

اس عشق پہ ہم بھی ہنستے تھے ، بے حاصل سا بے حاصل تھا
اک زور بپھرتے ساگر میں ، نہ کشتی تھی نہ ساحل تھا

ابن انشا

 

[عمر سیف]

یادِ محبوب فراموش نہ ہوئی اے دل
حسن نیت نے مجھے عشق سی نعمت دی ہے

 

[عیشل]

یہ عشق کے شعلے بھی عجب چیز ہیں یعنی
جو آگ لگائے وہی خود آگ بجھائے

 

[عمر سیف]

ذرا سا عشق کا بھی اس میں دخل ہوتا ہے
کوئی حسیں مکمل حسیں نہیں ہوتا

 

[عیشل]

کھلتے رہیں ذہن میں میرے پھول تیری یادوں کے
میں اپنے جسم و جاں کو تیرے عشق میں نکھرتا دیکھ لوں

 

[عمر سیف]

سعئ ضبط غم بیدار کئے جاتا ہوں
پُختہ تر عشق کی بنیاد کئے جاتا ہوں

 

[عیشل]

یہ عشق بھی کیا ہے اسے اپنائے کوئی اور
چاہتوں میں کسی اور کو،یاد آئے کوئی اور
اس شخص کی محفل کبھی برپا ہو تو دیکھو
ہو ذکر کسی اور کا،شرمائے کوئی اور

 

[حجاب]

وہ بے خبر ہیں جن کو ہے پندارِ تخت و تاج
دیکھا ہے ہم فقیروں کا جاہ و حشم کہاں
پلکوں پہ جُڑ گئے ہیں ستارے سے عشق میں
ہر ایک کے نصیب میں یہ اشکِ غم کہاں ۔

 

[عمر سیف]

جنونِ عشق کی رسمِ عجیب کیا کہنا
میں اُن سے دور وہ میرے قریب کیا کہنا
یہ تیرگیء مسلسل میں اک وقفہء نور
یہ زندگی کا طلسمِ عجیب کیا کہنا

 

[عیشل]

اے عشق ہمیں برباد نہ کر
اے عشق ہمیں برباد نہ کر،ہم بھولوں ہوؤں کو یاد نہ کر
پہلے ہی بہت ناشاد ہیں ہم،تُو اور ہمیں ناشاد نہ کر
قسمت کا ستم ہی کم تو نہیں یہ تازہ ستم ایجاد نہ کر
یوں ظلم نہ کر بیداد نہ کر
اے عشق ہمیں برباد نہ کر

جس دن سے ملے ہیں دونوں کا سب چین گیا آرام گیا
چہروں سے بہار ِ صبح گئی آنکھوں سے فروغِ شام گیا
ہاتھوں سے خوشی کا جام چھٹا ہونٹوں سے ہنسی کا نام گیا
غمگین نہ بناناشاد نہ کر
اے عشق ہمیں برباد نہ کر

وہ راز ہے یہ غم آہ جسے پا جائے کوئی تو خیر نہیں
آنکھوں سے جب آنسو بہتے ہیں آجائے کوئی تو خیر نہیں
ظالم ہے یہ دنیا دل کو بھا جائے کوئی تو خیر نہیں
ہے ظالم مگر فریاد نہ کر
اے عشق ہمیں برباد نہ کر

دنیاکا تماشہ دیکھ لیا غمگین سی بیتاب سی ہے
امید یہاں اک وہم سی ہے تسکین یہاں اک خواب سی ہے
دنیا میں خوشی کا نام نہیں دنیا میں خوشی نایاب سی ہے
دنیا میں خوشی کو یاد نہ کر
اے عشق ہمیں برباد نہ کر

 

[عمر سیف]

عشق کا بت کدہ ویران نظر آتا ہے
ایک کافر نہیں بستی میں مسلمانوں کی

 

[عیشل]

صبر مشکل ہے نہ کر صبر کا دعوی ہرگز
عشق میں تجھ سے ظفر یہ کبھی ہونے کا نہیں

 

[عمر سیف]

عشق میں اور کچھ نہیں ملتا
سینکڑوں غم نصیب ہوتے ہیں

 

[عیشل]

ملنا ترا اگر نہیں آساں،تو سہل ہے
دشوار تو یہی ہے کہ،دشوار بھی نہیں
بے عشق عمر کٹ نہیں سکتی ہے اور یاں
طاقت بہ قدر لذّت ِآزار بھی نہیں

 

[نوید ملک]

عشق کرنا ہے تو دن رات اسے سوچنا ہے
اور کچھ ذہن میں آیا تو خسارہ ہو گا

 

[عمر سیف]

دامنِِ یار تک کہاں عشقِ زبوں کی دسترس
حشمتِ حُسن دیکھ کر بھول گیا سوال بھی