عشق

[سارہ خان]

فِکر کی ہر کَسک شعُوری ہے

عقل کی ہَر ادا ادُھوری ہے

دِل کی دُنیا سنوارنے کے لئے

عِشق کرنا بہت ضروری ہے
محسن نقوی

خوب۔

شکریہ ۔۔

 

[سارہ خان]

عشق گیا سو دین گیا ، ایمان گیا ایقان گیا
دل نے ایسا کام کیا جس میں سب ناکام گیا

(میر)

 

[عمر سیف]

میدانِ وفا دربار نہیں، یاں نام و نسب کی پوچھ کہاں
عاشق تو کسی کا نام نہیں، کچھ عشق کسی کی ذات نہیں

 

[سارہ خان]

عشق میں ریشم جیسے وعدوں اور خوابوں کا رستا
جتنا ممکن ہو طے کرلیں گر دِ ملال سے پہلے

 

[عمر سیف]

سوائے پیشہِ عشق اور معاش کیا کرتا
تیرے بغیر کہیں بود و باش کیا کرتا

 

[سارہ خان]

مرنے کا ترے غم میں اِرادہ بھی نہیں ہے
ہے عِشق مگر اِتنا زیادہ بھی نہیں ہے

ہے یُوں کہ عبارت کی زباں اور ہے کوئی
کاغذ مِری تقدیر کا سادا بھی نہیں ہے

 

[عمر سیف]

رسمِ جہاں نہ چھوٹ سکی ترکِ عشق سے
جب مل سکے تو پرسش حالات ہوگئی

 

[سارہ خان]

موسمِ عشق کی آہٹ سے ہی ہر اِک چیز بدل جاتی ہے
راتیں پاگل کردیتی ہیں دِن دیوانے ہو جاتے ہیں

 

[شمشاد]

ہم نے وحشت کدۂ بزمِ جہاں میں جوں شمع
شعلۂ عشق کو اپنا سرو ساماں سمجھا
(چچا)

 

[عمر سیف]

اُن سے مل کر بھی کہاں مٹتا ہے دل کا اضطراب
عشق کی دیوار کے دونوں طرف سایہ نہیں

 

[شمشاد]

عشق کی دیوار کے دونوں طرف سایہ نہیں

بہ ہوس دردِ سرِ اہلِ سلامت تا چند
مشکلِ عشق ہوں مطلب نہیں آساں میرا
بوئے یوسف مجھے گلزار سے آتی تھی اسد
دَے نے برباد کیا پیرہنستاں میرا

 

[عمر سیف]

شکریہ۔

ہزار ہا سجدوں سے بہتر ہے وہ آنسو
ندامتِ خودی پہ بہہ جائیں جو چند
رفعتِ کمال تک پہنچی ہے نظر عشق
کفِ ساقی سے کی تھی کبھی ہی بُلند !

 

[شمشاد]

دل لگا کر آپ بھی غالب مجھی سے ہوگئے
عشق سے آتے تھے مانع میرزا صاحب مجھے

 

[سارہ خان]

تم نے بھی میرے ساتھ اٹھائے ہیں دکھ بہت
خوش ہوں کہ روگِ عشق تنہا نہیں ہوں میں

 

[عیشل]

تجھ سے ملے بچھڑ گئے،تجھ سے بچھڑ کے مل گئے
ایسی بھی قربتیں رہیں،ایسے بھی فاصلے رہے
تو بھی نہ مل سکا ہمیں،عمر بھی رائیگاں گئی
تجھ سے تو خیر عشق تھا،خود سے بڑے گلے رہے

 

[سارہ خان]

آنکھ ہو عشق سے روشن یہی بینائی ہے
چشمِ یعقوب کو تھے یوسفِ کنعاں کافی

 

[عمر سیف]

عشق کی موج میں اے دوست سمو دو خود کو
اتنی گہرائی میں جاؤ کہ ڈبو دو خود کو

 

[شمشاد]

یکبار امتحانِ ہوس بھی ضرور ہے
اے جوشِ عشق بادۂ مرد آزما مجھے
(غالب)

 

[سارہ خان]

عشق اور صبر بے شک لازم و ملزوم ہیں
سفر یہ تیرا نہیں جو صبر کا یارا نہ ہو

 

[عمر سیف]

ابتداء ہی میں مر گئے سب یار
عشق کی کون انتہا لایا !!