عشق

[شمشاد]

دیوانگاں ہیں حاملِ رازِ نہانِ عشق
اے بے تمیز گنج کو ویرانہ چاہیے
(غالب)

 

[عمر سیف]

خاک میں مل کے حیاتِ ابدی پا جاؤں
عشق کا سوز زمانے کو دکھاتا جاؤں

 

[حجاب]

عشق منتِ کشِ قرار نہیں
حسن مجبورِ انتظار نہیں

تیری رنجش کی انتہا معلوم
حسرتوں کا مری شمار نہیں

اپنی نظریں بکھیر دے ساقی
مَے باندازہء خمار نہیں

زیرِ لب ہے ابھی تبسّمِ دوست
منتشر جلوہء بہار نہیں

اپنی تکمیل کر رہا ہوں میں
ورنہ تجھ سے تو مجھ کو پیار نہیں

چارہء انتظار کون کرے
تیری نفرت بھی اُستوار نہیں

فیض زندہ رہیں وہ ہیں تو سہی
کیا ہوا گر وفا شعار نہیں۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪​

 

[شمشاد]

بہت خوب حجاب، بہت اچھی شاعری شیئر کی ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عشق کمیں گاہِ درد، وحشتِ دل دور گرد
دامِ تہِ سبزہ ہے حلقۂ کاکل ہنوز
(غالب)

 

[عمر سیف]

مل گیا ہم کو وفا و عشقِ اُلفت کا صلہ
بندہ پرور آپ کی بس یادگاری چاہیے

 

[شمشاد]

عشق سے طبیعت نے زیست کا مزہ پایا
درد کی پائی، دردِ بے دوا پایا
(غالب)

 

[سارہ خان]

عشق وہ کارِ مسلسل ہے کہ ہم اپنے لیئے
ایک لمحہ بھی پس انداز نہیں کر سکتے

 

[پاکستانی]

مرد خدا کا عمل ، عشق سے صاحب فروغ
عشق ہے اصل ِ حیات ، موت ہے اس پر حرام
عشق دمِ جبرئیل ، عشق دل ِ مصطفی
عشق خدا کا رسول ، عشق خدا کا کلام
عشق کی تقویم میں، عصرِ رواں کے سوا
اور زمانے بھی ہیں جن کا نہیں کوئی نام

 

[شمشاد]

فنا کو عشق ہے بے مقصداں حیرت پرستاراں
نہیں رفتارِ عمرِ تیز رو پابندِ مطلب ہا
(غالب)

 

[عمر سیف]

اٹھیں گے ابھی اور بھی طوفاں میرے دل میں
دیکھوں گا ابھی عشق کے خواب اور بھی زیادہ

 

[شمشاد]

نشاطِ داغِ غمِ عشق کی بہار نہ پوچھ
شگفتگی ہے شہیدِ گلِ خزانئیِ شمع
(غالب)

 

[عمر سیف]

کچھ اس قدر بھی تو آساں نہیں ہے عشق تیرا
یہ زہر دل میں اتار کر ہی راس آتا ہے

 

[شمشاد]

آئے ہے بیکسئیِ عشق پہ رونا غالب
کس کے گھر جائے گا سیلابِ بلا میرے بعد

 

[سارہ خان]

نہیں کچھ امتیاز اس عشق کو گم نام و نامی کا
یہ لکھواتا ہے خط مولا سے بندے کی غلامی کا

خواجہ حیدر علی آتش

 

[شمشاد]

ہم نے وحشت کدۂ بزمِ جہاں میں جوں شمع
شعلۂ عشق کو اپنا سرو ساماں سمجھا
(غالب)

 

[عمر سیف]

ہر اک موڑ پہ میں دل کی بات سنتا ہوں
میں راہِ عشق میں کب مشوروں کا قائل ہوں

 

[شمشاد]

سفرِ عشق میں کی ضعف نے راحت طلبی
ہر قدم سایے کو میں اپنے شبستان سمجھا
(غالب)

 

[سارہ خان]

عشق ایسا عجیب دریا ہے

جو بِنا ساحلوں کے بہتا ہے


ہیں غنیمت یہ چار لمحے

پھر نہ ہم ہیں، نہ یہ تماشا ہے


زندگی اِک دُکان کھلونوں کی

وقت، بگڑا ہوا سا بچّہ ہے


اے سرابوں میں گُھومنے والے!

دل کے اندر بھی ایک رستہ ہے


اِس بھری کائنات کے ہوتے

آدمی، کسی قدر، اکیلا ہے!!


آئنے میں جو عکس ہے امجد

کیوں کِسی دُوسرے کا لگتا ہے

 

[شمشاد]

چلنے کا حوصلہ نہیں اور رکنا محال کر دیا
عشق کے اس سفر نے تو مجھکو نڈھال کر دیا
(پروین شاکر)

 

[عمر سیف]

نہیں اچھا ہوا دینا نارِ عشق کو ایسے
گماں جذبوں پہ ہو تو ہو، یقیں کرنا سنبھل کے ہے